ERREGISTRATU SARTU BAJA EMAN - AVPD - Euskadi.net

2.1. UNITATEA
IRAKASLEAK
30
PRIBATUTASUNAREN SORRERA
GIZA ESKUBIDE BEZALA
Azaldu ikasleei ondoko testuingurua.
AURREKARIAK
Hitlerren erregimen naziak 1933an Alemanian
boterea erdietsi bezain pronto,
Alemaniako gobernua Reich-aren (Estatuaren)
etsai politikoak eta arrazazko
etsaiak identifikatzeko fitxen katalogoak
biltzen hasi zen. XX. mendean juduak
erabat integratuta zeuden bertako Alemaniako
gizartean. Negozioen esparruan
sona handia zuten eta ospetsuak ziren
esparru zientifikoan, abokatutza bezalako
arlo profesionaletan, fisikaren esparruan,
irakaskuntzan nahiz idazle moduan. Hala
ere, Hitlerrek boterea eskuratu zuenean,
juduen komunitatea bere jomugan jarri
zuen, Hitlerren obsesioetako bat arraza
alemaniarra garbitzea zelako, alemaniar
ariar, hile hori eta begi urdinaren eredu
tradizionala aintzat hartuta. Baina, perfekzioa
lortu nahi horren ondorioz, “Alemaniar
Arrazaren Higienearen Mugimenduak”
ezgaitasunen bat zuen jendea ere
jazarri zuen.
Hitlerren erregimenak iraun zuen bitartean,
uste da Estatuko ospitaletan eta
buru gaixotasunen zentroetan ezgaitasunen
bat zuten bost mila haur eta zortzi
mila nagusi inguru hil zituztela.
Bigarren Mundu Gerran Alemaniako gudarosteak
aliatuen eta Europa osoko
zibilen aurka borrokatzen zuen bitartean,
erregimen naziak juduen eta ijitoen
aurkako triskantza lazgarriak burutu zituen.
Pentsatzen da judutar jatorriko sei
bat milioioi pertsona eta bostehun mila
inguru ijito hil zituztela Europan Bigarren
Mundu Gerraren ondorioz. Horietako asko
eta asko naziek hil zituzten kontzentrazio
eremuetan.