2. zikloa (eusk) - Murumendi Eskola Publikoa

Lehen Hezkuntza
Hirugarren Zikloa
AMARA BERRI SISTEMA
GLOBALIZAZIOA SISTEMA IREKI BATEN BARRUKO BIZI
BILAKABIDE GISA

Dokumentu honen bidez eskolako ezaugarri nagusiak azaldu nahi genituzke.
Guk dugun ikaslearen kontzepzioa gure lanerako ardatza da:
• Ikasle bakoitza izaki globala da, beraz bere garapenaren esparru guztiak interesatzen
zaizkigu: nortasuna, harreman sozialak eta arloekin lotutako ikasketak. GURE
XEDEA UMEAREN GARAPEN ARMONIKO ETA GLOBALA DA. Beraz, eskolako
helburu orokorrak biziki lotuta daude garapen hiru esparru hauekin.
• Izaki bakoitza norberaren kontzeptu eskema eta emozio-egoeratik abiatzen da
eta bere ahalmena du.
• Haurren jolaserako interesa eta helduen mundua imitatzea duen erakartasuna abiapuntutzat
hartzen ditugu, haur guztiek batzen dituen berezitasuna da eta.
Printzipio metodologikoak ikaslearen kontzepzioarekin guztiz lotuta daude eta hauek
gure eguneroko eginbeharra bideratzen dute:
• INDIBIDUALIZAZIOA: Eskolak, ikasle bakoitzak dituen ahalmena eta egoera kontuan
harturik, bere mailan eta erritmoan lan egiteko aukera emango dion programa
ahalbideratu behar du.
• SOZIALIZAZIOA: Elkarreraginak aurrera jotzen eta gure eskemak aldatzen laguntzen
digu; honengatik, guk proposatzen ditugun aktibitateak kontestu sozialak
dira.
• AKTIBITATEA: “Ikasleak bere kasa egin dezakeena, ez dezala irakasleak egin”.
Gure helburua ikasle gogotsuak, aurrea hartzen dutenak, jakin-mina dutenak lortzea
da.
• SORMENA: gizaki orok duen gaitasuna da. Eremu guztietan sustatzen dugu, pertsona
bakoitzak barruan daramana kanporatu eta bere berezitasunaz jabetzeko
aukera izan dezan.
• ASKATASUNA: Besteen eskubidea errespetatuz, bakoitzak pentsatzeko, adierazteko,
eta aukeratzeko duen eskubidea da. Muga bakarra besteen eskubidea da,
honi “ muga soziala deitzen diogu.
• ...........

Curriculumaren bitartez aurreko ideiak eguneroko praktikan gauzatzen dira. Ikasleari
buruz dugun ikuskerak, dena antolatzeko, programatzeko, eskuartzeko eta jarraipena
egiteko era zehatz batera eramaten gaitu. Ondoren datozen metodologia ezaugarriek,
ikuskera eta hezkuntza-praktikaren arteko koherentzia adierazten dute.
• Departamentuetako Antolaketa bera ere eskuarmenerako oinarrizko estrategia da
guretzat.
• Osagarri eta egonkorrak diren kontestu sozialen bidez programatzen dugu, hau da,
ikuspuntu multidisziplinarrean arloak elkar batzen diren bizi ekintzen bidez. Aktibitate
hauei Kontestu Sozial, Egonkor eta Osagarriak deitzen diegu. Sozialak,
umeen arteko harremanak sustatzen dituztelako; egonkorrak, ziklo osoan mantentzen
direlako; osagarriak, aktibitateen baturak curriculuma osatzen duelako.
• Aktibitate guztiek beraien baitan edo ematen zaien irteeretan zertarakoa edo helburua
dute. Lanak irteera desberdinak izan ditzake, gela barruan besteen aurrean
aurkeztu,... edo eskola irrati eta telebistaren bitartez emititu edo eskola prentsan
argitaratu. Baliabide hauen bitartez ikasleek Informazio eta Komunikaziorako
Teknologia Berrietan jarduten dute, testu prozesadoreak, Interneta, skanerra,
argazki kamera digitala, bideo kamera, bideoen editaia,... erabili eta ikasiz.
• Ziklo programen bitartez eta adin nahasketarekin lana egiten dugu.
• Irakasle desberdinek lan egiten dute ikasle talde bakoitzarekin.
• Aktibitate bakoitzak bere lan metodo idatzia du. Ikasleek lana burutu ahal izateko,
lan metodoan adierazten diren urratsak jarraitu behar dituzte.

• Mediateka edo baliabide gunea lanak burutzeko
oinarrizko informazio-etorbidea da.
• Kritika eraikitzailea aurreratzeko baliabidetzat jotzen dugu.
• Aniztasunaren aldekoak gara. Daukagun programari ikasle bakoitzak bere
erritmo eta mailaren arabera heldu diezaioke. Ikasketa prozesua ez da
adinarengatik geldiarazten.
• Ezberdintasuna aberasgarria da eta ez diskriminatzeko arrazoia. Denok
ezberdinak gara.
Ikastetxeak badu Arreta Bereziko Zerbitzua. Honek ikasketetan behar bereziak
dituzten ikasleei erantzuna ematen die.
2. zikloko beste zenbait ezaugarri:
• Irakur-idazketa gazteleraz hasten da.
• Eskola ordutegi barruan kanporako Fm-ko (107.8) emanaldiak etengabe egiten
dira.
• Ziklo honetako ikasleek, lan teknikoa burutuz, komunikabide honetako funtzionamendua
bermatzen dute.
• Ingurunea ikertzeko departamentua.
• Agendaren erabilpenaren hasiera: ikasleek beraien lanak antolatzeko eta
gurasoek eta irakasleek hauen jarraipena egin ahal izateko.

komunikabideak medios de comunicación komunikabideak medios de comunicación
Hitz
Jario
Komertziala
Enkantea
Comercial
De todo un poco
Ikerketa
Conocimiento del Medio
Ingelesa
Inglés
Arreta bereziko
zerbitzua
Servicio de atención
específica
Arte
hezkuntza
Educación artística
Gorputz
hezkuntza
Educación física
Ikasle
antolamendua
Organización del alumnado
komunikabideak medios de comunicación komunikabideak medios de
i ió

Hizkuntza arloan, (euskara) bost gune edo kontestu dituen
departamentuan lan egiten da: Hitz Jario. Departamentu
honen oinarrizko helburua hau da: gure ikasleek testu
desberdinen (narratibo, adierazpenekoak, deskriptiboak,
poetikoak,...) ulermena eta ekoizpena ahoz zein idatziz hobetzea.
HITZ JARIO
Hitzaldiak. Gune honetan gizarte eta naturari dagozkion adierazpen testuak lantzen dira.
Jarduera honetako helburua ideiak erlazionatzen eta oinarrizkoak ez hain oinarrizkoak direnengandik
bereiztuz adierazpen testu horiek berridazten ikastea da.
Jardueraren garapena ikasle bakoitzaren heldutasunaren araberakoa da. Bi maila bereizten ditugu.
Lehenengo mailan bakoitzak bere testua aukeratu eta testuko ideiak bere hitzez berridazten
ditu. Bigarren mailan binaka edo hirunaka gaia aukeratu ,testua banatu, aztertu, eta bakoitzari
dagokion zatia berridatziz testu bakarra osatzen dute. Ahal den neurrian, ideia komunak
erlazionatu, oinarrizkoak direnak ez hain oinarrizkoengandik bereiztu eta sintesi lanean hasten
dira. Hitzaldia buruz ikasteko, baliagarria egiten zaien gidoia burutzen dute, ondoren gelakideen
aurrean hitzaldia aurkeztu dezaten, dagokien balorazioa jasoz.
Denborapasak. Gune honetako helburua jokoen bidez hiztegia aberastea, barneratzea eta menperatzeaz
gain, arau ortografikoak ikastea eta erabiltzea da.
Hitzen definizioak, arlo semantikoak, hizkuntza sinbolikoa, sinonimoak - antonimoak, hitz eratorriak
eta familiakoak eta arau ortografikoak, barneratzea da kontestu honen helburua. Jokoa da
hizkuntzaren aspektu hauek barneratzeko bidea: gurutzegramak, hizki zopak, hieroglifikoak, jokuz
kanpoko hitzak,...
Antzerki-txokoa. Antzeztuko duten testua aukeratu eta lehen irakurketa egin ondoren, pertsonai
banaketa egingo dute. Ondoren pertsonaien banaketari ekingo diote, hauek hobeto ezagutuz
antzezpenean adierazpen egokiagoa eskaini ahal izateko. Horretarako kontuan hartuko dituzte
pertsonaien nortasunaren ezaugarriak. Lantzen ari diren emanaldia antzokian eskaintzeko
dekoratua egingo dute eta pertsonaia bakoitzaren janzkera eta karakterizazio egokiena pentsatuko
dute. Papera buruz ikasi, eskenatokira egingo dituzten sarrerak eta irteerak entsaiatu eta
azkenik emanaldia eskainiko dute.
Prozesu guzti horretan helburuak ildo honetatik doaz: lexikoa eta egitura gramatikal berriak
barnera ditzatela, adierazpen kode eta baliabide bereiztuak erabil ditzatela. Egoera komunikatibo
hauen bidez ahozkotasuna lantzen dute. Honez gain gorputz adierazpena landu, pertsonaien
deskribapena egiten ikasi eta talde lanean trebatzen joango dira.

Sail literarioa. Kontestu hau bi ikuspuntu ezberdin eta osagarriarekin lantzen dugu:
ANALISIA eta SORMENA.
ANALISIA alorrean, ipuin, olerki edo asmakizunen
egitura aztertu, liburuen txostenak egin,
laburpen teknika eta deskribapenaren aspektu
aipagarrienak bereizten ikasten dute. SOR-
MENA alorrean, aldiz, erreferentzi hauetaz baliatuz,
eskutitzak, tarjeta postalak, kontakizunak,
tokien eta pertsonen deskribapenak eta
olerkia burutzen dituzte.
- literatur sentsibilitatea, irakurtzeko zaletasuna eta egileak kontatzen dutenaren
jakin-mina sortu.
- beraien barne mundua azaltzeko eta sormena garatzen lagunduko dien hizkuntza
aberatsago bat lortu.
- idatzizko adierazpenen kalitatea hobetuz argitasun eta koherentziaz idazteko
errekurtsoak barneratu.
Gramatika gunea.
Bertan idatzizko eta ahozko testuak, ordenagailu edo kasetea erabiliaz, eduki ezberdinak lantzen
dira: ulermena, ipuinak ahoz birlaboratu, ortografia, hiztegia eta orokorrean zikloari dagozkion
eduki gramatikal guztiak.
Helburu bezala , beraien ahozko eta idatzizko adierazpena pixkanaka kalitatez hobetzen joatea
da. Gainera autonomia indartzeko, hausnarketa gaitasunerako, atentzioa zentratzeko eta lana
berrikusteko jarduerak diseinatuak daude.
I
R
R
A
T
I
A
T
E
L
E
B
I
S
T
A
GRAMATIKA
GUNEA
Ordenagailu programak.
Irakurtzeko ipuinak.
Ipuin entzuketa
Grabatutako
diktaketa.
Gramatika txostena.
SAIL LITERARIOA
Egunerokoa
Autobiografia
Irakurtzeko ipuin
laburrak
Kontakizuna
Eskutitza
Tarjeta postala
Pertsonai misteriotsua
Nonbait galduta
Errezeta
Eskulanak
DENBORAPASA /
ANTZERKI TXOKOA
Gurutzegrama
Hitzen Kiniela
Hitza jokoz kanpo
Asmakizunak (sortu/kopiatu)
Txisteak
Ahokorapiloak (sortu / kopiatu)
Hizki zopa
Hieroglifikoak
MEDIATEKA
HITZALDIAK
Publikoari
aurkezpena
P
R
E
N
T
S
A
W
E
B

Departamentu honen helburu nagusia 2. Hizkuntza
gaztelera D eredukoentzat lantzea da. Ulermena
eta adierazpena aho hizkuntzan zein idatzian garatu
nahi ditugu. Departamentua lau kontestutan
egituratua dago: De todo un poco, Dramatización,
Mil y un cuentos y ¿Sabías que...
DE TODO UN POCO
Mil y un cuentos. Kontestu honetan
ipuinak irakurri, entzun eta sortzen dituzte.
- Entzundako ipuinak: Entzunaldiaren
ondoren, ulermena landu
eta egiaztatzeko egina dagoen,
galde sorta bat erantzun behar
dute.
- Ipuin asmatuak: Mota desberdinekoak
izan daitezke, hitz
batzuen inguruan sortuak, marrazki
batzuk oinarri gisa hartuz,...
Kontaketaren egitura
eta koherentzia lantzen saiatzen
gara batik bat.
De todo un poco. Kontestu honetan
Iratí programa bat eta denborapasa
txosten bat prestatzen da.
- Irrati programa: Programa ordenatua
izateko gidoi bat burutzen dute. Hau
zenbait liburuetatik jasotako txiste, aho
korapilo, asmakizun, bertso eta, abestiz,
osatzen da. Aukeratu duten testua kopiatzen
dute ortografia eta testuaren antolaketa
espazialari arreta berezia jarriaz.
Buruz ikasi eta entseatu ondoren irratira
doaz emititzera.
- Denborapasa txostena: Helburua da
ikasleak jokoen bidez (gurutzegramak,
hizki zopak, hieroglifikoak, hitzen kinielak,...)
hizkuntzaren aspektu hauek barneratuz
joatea: hitzen definizioak, arlo
semantikoak, hizkuntza sinbolikoa, sinonimia-antonimia
eta arau ortografikoak.
Dramatización. Kontestu honetako
lana taldean egiten da eta ipuin bat antzerkian
bihurtzea datza, hau da, testu
narratibotik antzerki egitura batera pasatzea.
Horretarako gaiaren koherentzia
mantenduz, narratutako zatia laburtu eta
elkarrizketak gehitzen dituzte, gidoi marra,
harridura eta galdera ikurra sartuz.
Lortutako antzerki testua entseatzen
dute, ahots erregistro egokia aukeratuz,
adierazkortasuna eman arte. Ondoren
emititu, beraien kideen balorazioa jasoz.
Jarduera honetako helburuak hau lortzeko
bideratuak daude:
• Bi testu mota hauek (ipuin/
antzerkia) bereizten ikasi: gidoia ,
harridura, galdera ikurrak....
• Irakur adierazpen ona lortzea.
• Taldean lan egiten ikasi, harreman
sozialerako jarrerak sustatuz
(lankidetza, inplikazioa, tolerantzia,
kritika eraikitzailea...)
"¿Sabías que...". Kontestu honetan
txosten monografiko txikiak egiten
dituzte gogokoak dituzten gaiei buruz.
Ezagutza zabaltzeaz gain irakurtzerakoan
ulermena lantzen dute.

INGELESA
Ingelera arloan, lehen hezkuntzako bigarren zikloan ahozko komunikazioari garrantzi
handia emanez, irakurketa eta idazketa sakontzen dugu. Adin honetako ezaugarriak
kontutan harturik hau da jarraitzen dugun egitura:
- Agurra: arduradunak talde osoa agurtu eta arbelean egunerokoa
idatzi.
- Berriak: .Beraiei buruzko informazioa ematen jakin eta taldekideena
ere.
.Etxeko lanen berri eman.
. Aurkezpenak egin.
. Kartekin jolastu.
- Ipuinak kontatu, fitxa esplikatu, bideoa ikusi, ...
- Egunerokoa idatzi ( bakoitzak bere koadernoan ).
- Lanarekin hasi( banaka, binaka, taldeka): fitxak, liburuxkak,
posterrak, antzezpenak, informazio bilketa, konparaketak egin,
informazioa trukatu, galdeketak egin eta erantzun, txapelketak
antolatu, proiektuak egin,...
Eginiko lanaren berri taldeari eman.
- Etxeko lanak aukeratu.
Saioa ebaluatu, egunerokoa berrikusi eta osatu iritsiak bertan adieraziz.
- Agurrak: taldea agurtu, dona-dona eginez taldeei ateratzeko esan.
Saio hauetan istorioak lantzeaz gain artea, musika eta txokoak lantzen dira.
Arteko saioen egituran artista desberdinak aipatu eta data aipagarrienak izendatu,
kronologikoki ordenatu ( timeline ) artista bat aukeratu, biografia landu, artista
bati buruz proiektua egin, irudiak identifikatu, galdeketa-lehiaketa antolatu, koadro
bat margotu, fitxak egin, bideoa ikusi eta CDarekin jolasten dugu.
Musika saioen egituran liburuxka egin entzuketaren inguruan, autoreari buruzko
informazioa eman, instrumentuei buruz hitz egin, bideoa ikusi, tinbrea landu eta tinbrearen
inguruko ariketa desberdinak egiten dira.
Txokoak ekintza desberdinez osaturik egoten dira. Lau kontestu daude:
- Ordenagailu jokoak.
- Bukatu gabeko lanak.
- Fitxak ( matematika ).
- Entzun eta grabatu.
Arlo hauen denboralizazioa era honetan egiten da:
- Ipuina: 18-20 saio.
- Artea: 10-12 saio.
- Musika: 10-12 saio.

Matematika nagusitzen den Departamentu hau bestearen
osagarria da ikasturtean zehar ikasleek bi aldiz aldatzen
dute hau da : Komertziala / Enkantea / Komertziala
eta hurrengo ikasturtean Enkantea / Komertziala
/ Enkantea , zikloan hiru aldiz daudelarik departamentu
bakoitzean. Lau kontestuk osatzen dute Enkantea:
mertzeria, buruketak, joko matematikoak eta
diseinua.
ERAKUSKETA ETA
ENKANTEA
Mertzeria. Kontestu honetako helburua
neurrien mundura hurbiltzea da.
Luzera neurriak lantzeko eta erabiltzeko,
behaketa, neurri ezberdinen artean alderaketa
eta estimazio estrategiak erabiltzen
ditugu. Ikasle bakoitzak bere metroa
egiten du, bertan dm eta cm-ak markatzen
dituztelarik. Artilezko eskulan ezberdinak
egiten dituzte, honetarako behar
duten artilea neurri ezberdinetan kalkulatu
ondoren.
Gainera beste zenbait ariketa egiten dituzte
luzera, pisu, kapazitate eta denbora
neurri ez berdinak ezagutzeko, era manipulatiboan
eta fitxen bidez ere.
Jolas matematikoak.
Eragiketa eta joko matematiko ezberdinak
erabiliz, logika matematikoa eta buruzko
kalkulua garatzea da kontestu honetako
helburu nagusia.
Buruzko kalkulua lantzeko eragiketak asmatu
(batuketak, kenketak, biderketak
eta zatiketak) eta emaitza buruz ateratzen
dute.
Joko informatikoak , denbora-pasak mahai
jokoak ere badituzte matematika trebeziak
ezberdinak garatzeko.
Buruketak Kontestu honen helburua,
buruketen ulermena eta ebazpena da, prozeduraz
eta emaitzaz hausnarketa bat eginez,
baita estimazio eta kalkulurako estrategiak
sortzea ere.
Helburu hau betetzeko, gero eta korapilotsuagoak
diren buruketa ezberdinak ebazten
dira. Problema hauetan, enuntziatuan
erabilitako hizkuntza, datuak antolatzeko
eta azaltzeko erak, prozedurak eta aukerak
eta lortutako emaitzaren azterketa,
azpimarratu nahi ditugun alderdiak dira.
Diseinutegia. Kontestu honetan geometria
lantzen da. Prozedura ezberdinak
(erabilera, kontsulta, azterketa, marrazketa
eta maketen eraikuntza) erabiliz, beraien
inguru hurbilean dituzten gorputz
eta irudi geometrikoak ezagutu eta deskribatzen
dituzte, beraien eta beste kideen
lanak baloratuz eta produkzioen bukaera
estetikoa zainduz.
Bi eratako diseinuak egiten dituzte: bat
planoan eta bestea bolumenean.
Gorputz eta irudi geometriko hauen elementuak
( aurpegiak, erpinak, ertzak..) aztertzen
dituzte eta azkenik papera edo
balio gabeko materiala erabiliz, maketa bat
egiten dute gero gelakideen aurrean aurkeztua
izango dena.

KOMERTZIALA
K omertziala departamentua Enkante
Departamentuaren osagarria da
eta honako kontestu hauek osatzen
dute: lantegia, biltegiak, dendak eta
banketxea. Hemen ikasleek dirua
sartu, atera, ehunekoa kalkulatuz beherapenak
egin eta maileguak eskatu,..
egiteko aukera dute.
Lehen aipatutako kontestu guztien artean
salerosketa harreman bat sortzen
da, non lantegikoek biltegikoei
saltzen diete, hauek dendariei eta
dendariek langileei.
Salerosketa prozesu honetan, eskaera orri bat prestatu, salneurriak kalkulatu, faktura
egin, bueltak eman, maileguak eskatu eta abar egiten dute. Honekin batera diru sarrera, irteera
eta saldoa bankuan kontularitza orrian eta norberaren kartilan jasotzen dute.
Departamentu honetako beste kontestu batean, buruketak, zenbakikuntza eta neurriak lantzeko
aktibitateak egiten dituzte.
Departamentu honen bidez honako helburu hauek bete nahi ditugu:
• Logika arrazoibide estrategiak eskuratu.
• (+,-,x, :) eragiketak erabiliz, buruzko kalkulurako estrategiak garatu.
• Eguneroko bizitzako egoerak ebazteko, matematikako eragiketak erabili.
• Merkataritzako, antolamenduko eta lan egoeretan sor daitezken buruketak ebazteko norberaren
estrategiak landu eta erabili.
• Moneta sistema erraztasunez erabili.
• Eguneroko bizitzan, matematikaren bailotaz ohartu.
• Salerosketa aktibitatea aurrera eramateko elkarlanean aritu, bestearen presentzia kontuan
hartuz.

Departamentu honetan Ingurumena arloa
IKERKETA
nagusitzen da eta ikasleen ingurunearen
ezaguera eta honen bidez naturarekiko eta
pertsonekiko begirunea sustatzea da gure helburu nagusia. Behaketa
sistematikoa da batik bat erabiltzen dugun tresna; izan ere,
ikasleek begiratzen, aztertzen, jakin-mina pizten, galderak egiten,...ikasi
behar dute. Ikasturtean zehar txango bat egingo dugu,
gelan egiten den lanarekin biziki lotuta dagoena.
Departamentuan lau kontestu ditugu:
Landaretza. Eskolako zuhaitz zehatz baten
behaketa sistematikoa egiten dute, landaretza
mundura hurbiltzeko. Behaketa eginda, informazio
hori eta bibliografiak ematen duena
alderatzen dituzte. Guretzako arrotzak diren
izaki bizidun horiek nolakoak diren eta beren
bizi funtzioak nola egiten dituzten aztertzen
dute. Horretarako departamentuan dagoen material
bibliografikoa erabiltzen dugu. Ikasturtean
zehar alderdi hauek lantzeko irteera bat
egiten dugu C.A.F.eko parke botanikora. Irteera
honek gelan egindako lana osatzen du. Lan hau
guztia aurrera eramateko plano desberdinak, zuhaitz
sailkapenak eta bibliografia egokia erabiltzen
dituzte. Zuhaitzei buruzko datuak jasotzen
ditugu eta argazkiak ere egiten dituzte. Lan hau
guztia idatzitako txosten batean jasotzen dute.
Honetaz gain, ekosistemaren kontzeptua lantzen
dugu. Leku jakin batean aurkitu daitezkeen
izaki bizidun eta bizigabeen azterketa
egiten dugu, hauen artean ematen den harremana
eta batak bestearengan duen eragina. Honekin
naturaren zainketa arduratsua sustatu
nahi da ikasleengan, jarrera desegokiak baztertzeko
ohiturak sortuz.
Animaliak. Kontestu honetan, animalia
munduan murgiltzen dira. Lehendabizi eta bideo
bat ikuskatuz, animali espezie bat aztertzen da.
Animalia honen berezitasunak kontuan izanda,
sailkapen batean kokatzen da: narrastiak, ugaztunak,
araknidoak,… Dagokion sailkapenari buruz
zenbait datu informazio iturri desberdinetatik
jaso eta talde bereko beste espezie batzuk lantzen
dira ere. Lan hau, kromoak eginez eta informazioa
erantsiz, album batean mamitzen da. Bukatzeko
lana aurkezten dute eta kromoak gelakideen artean
banatzen dituzte.
Herria. Kontestu honetan, hiritar mundua eta
herriaren ingururik hurbilena (udalerria, eskualdea,
herrialdea,…) ezagutzeko zenbait ekintza
egiten da. Honetarako herrian zehar ibilbide bat
egiten dute. Irteera egin aurretik, egin beharreko
ibilbidea eta ikusiko dituzten eraikinak eta
toki esanguratsuak planoan kokatzen dituzte. Honekin
batera, hiritar munduarekin zerikusia duten
materialak eta gaiak (zerbitzuak, azpiegiturak,
...) prestatzen dituzte.
Kalean zehar doazenean, planoa eta koadernoa
eskutan dituztelarik, datuak jaso eta argazkiak
ateratzen dituzte.
Eskolara itzultzen direnean, kalean behatutakoa
eta gelan aurretik landutakoa alderatzen dute
eta ibilbidearen gidatxo bat burutzen dute.
Meteorologia. Aktibitate honetan eguraldiaren
behaketa egiten da eta neurketarako
aparailu ezberdinak erabiltzen dira: termometroa,
barometroa eta plubiometroa. Hauen bidez
behatutako datuak grafiko ezberdinetan jasotzen
dituzte eta honela grafikoak interpretatzen
hasten dira.
Kontestu honetan, tenperatura aldaketa, ura eta
airearekin lotura duten esperimentuak egiten dituzte.
Hauek burutzeko ezarritako hainbat
urrats sistematikoki jarraitzen dituzte. Gure
helburu nagusiak hauexek dira: honelako fenomenoen
aurrean harridura, jakin-mina, behatzeko
ahalmena sustatu eta esperimentuen ondorioak
zehaztasunez azaltzea.

GORPUTZ HEZIKETA
Departamentu honetan garatu nahi ditugun
helburuak hauexek dira: JOLASAREN
HASTAPENA BULTZATU, jokoen arauen
ezaguera eta talde ekintzen bidez; AUTO-
ESTIMA ETA NORBERE EZAGUERA
SENDOTU, oinarrizko trebetasunen praktikaren
bidez (korrikaldiak, jauziak, jaurtiketa,
harrera,...) material ezberdinak erabiliz;
ELKARKIDETZA OHITURAK SORTU, norberaren nahiz besteen, ekintzetan indartze neurri
positiboak erabiliz; OREKA ETA KOORDINAKETA OROKORRA LANDU, egoera eta espazio
ezberdinetan; IGERIKETA IKASTAROAREN BIDEZ, koordinazio, propultsio eta arnasketaerlaxazioa
alderdiak landu.
Helburu hauek guztiak aurrera eramateko ekintza multzo handi bat eskainiko diogu gure ikasleriari,
guztien edo gehienen gustuak betetzen saiatuz. Ekintza hauek lau multzotan banatuko ditugu:
Jolasak. Koordinaketa orokorra (lasterketa, norabide aldaketa, geldiketak, ...) garatu eta jokoen
arauak ezagutu eta errespetatzea da bere helburua.
Multzo honetan, talde dinamikari laguntza emango dion estrategia eta elkarketa ezberdinen erabilpenaren
bidez, ezagutzen ditugun jolas mota guztiak sartuko ditugu.
Gorputza. Bi azpitalde bereizten ditugu arlo honetan: batetik, gorputz eskema ahalik eta
hobekien ezagutu eta barneratu. Honetarako, gorputzaren mugimendu ezberdinen garapena bultzatzen
da, deshinibizioa, berezkotasuna eta mugimenduaren sormena landuz, eta taldekidekoen
arteko kontaktu fisikoa ere, onartuz. Bestetik, gorputzarekiko higiene ohiturak sortzea.
(saioaren bukaeran dutxatu egiten dira).
Trebetasunak. Bere helburua bizkortasuna lantzea, eta gorputza menderatu eta ezagutzea
(desplazamendu ezberdinak, igoketa, arrastaka, lau hanketan, biraketak, ...).
Ekintza hau gimnasilekuan burutzen dugu. Erabiltzen ditugun materialak, koltxonetak, suediar
bankuak, koltxoneta lodiak, plintoa, jauzi-gailuak, etab...
Kirolak. Multzo honek mugikor ezberdinak erabiliz, oinarrizko trebetasunak eta abilezien garapena
du helburu, baita kirol jolasak ezagutu eta praktikatzea ere.
Ziklo honetan saskibaloia, futbola, herri kirolak, eskupilota, hockeya , beisbola, patinetan irristaketa,
etab. praktikatuko ditugu.
Jolasa edo jokoa izango da oinarrizko metodologia.
Guzti honetarako honako espazio hauek erabiltzen ditugu: Barneko bi gimnasilekuak, kanpoko zelaiak,
Sagastigutiako parkea, Antzizar kiroldegia eta bere inguruak, eta Ezkierdi pilotalekua.

MUSIKA
Hauek dira lortu nahi ditugun helburuak:
• Musika entzumenaren garapena.
• Ahotsaren eta kantaeraren heziketa.
• Kantuen errepertorioa zabaltzea
• Gorputza musika egiteko tresna modura
erabiltzea.
• Musika testuaren irakurketa eta idazketa
ezagutzea.
• Musika klasikoa entzunez garatzea.
• Herri musika tresnen ezaguera.
• Moko-txirularen ikasketa.
Arloaren helburu orokorra musikaren bizipena izatea eta honetaz gozatzea da, taldeko jardueren
eta hainbat prozeduren bitartez musika antzemateko edo sumatzeko eta testu idatziz
nahiz komunikazio bide modura adierazteko gaitasunak garatuz. Horregatik musikaren ikasirakas
prozesua, prozedurazko edukien lanketaren bitartez jorratzen da nagusiki. Musika hezkuntzan
bost eremu hauek lantzen ditugu, ziklo bakoitzari egokitutako edukiak eta ekintzak jo-
1- ERRITMOA, MUGIMENDUA ETA
DANTZA
• Oihartzun, joko eta ariketa erritmikoak.
• Soinuaren ezaugarriei (altuera, iraupena,
intentsitatea eta tinbrea) lotutako
mugimenduak.
• Musika elementuei (erritmoa, doinua
harmonia eta forma) egokitutako dantza
eta koreografiak.
2- TESTU MUSIKALAREN IRAKURKETA
ETA IDAZKETA
• Soinuaren ezaugarrien araberakoa: altuera,
iraupena intentsitatea eta tinbrea.
4- ENTZUMEN HEZIKETA
• Entzuteko gaitasuna garatzea.
• Herri musikak: Euskal Herriko musika
eta tresnak eta beste herrietako musika
kulturen adierazpenak entzutea.
• Musika, literatura: musika klasikoaren
obrak, orkestrako instrumentuak
eta musika egileak ezagutzea
5- MUSIKA TRESNEN BIDEZKO ADIE-
RAZPENA
• Perkusio txikiko tresneriaz kantuak
instrumentalki laguntzea.
• Moka-txirulaz musika obren interpretazioa
3- AHOTS ADIERAZPENA
• Laxatzea eta arnasketa.
• Ahotsaren igorpena edo kantaera.
Kantuak ikasi eta adierazkortasunez
abestea.
• Musika, literatura: musika klasikoaren
obrak, orkestrako instrumentuak eta
musika egileak ezagutzea

PLASTIKA
Ziklo honetarako plastikako departamentuaren
helburuak hauek dira:
ERABILTZEN DIREN TEKNIKAK
MODELATUA
- Buztina
- Paperezko modelaketa.
- Plastilina
Oinarrizko teknikak:
- Eskuaren presioz egindako modelatua.
- Txurroak edo erroiluak (ontziak)
• Ahalik eta modu original eta pertsonalenean,
forma, kolore eta guneak konbinaturik,
adierazpen artistikoa sustatu.
• Behaketa, pertzepzioa eta irudimena
garatu.
• Zenbait teknika eta materialen erabiltze
zuzena ezagutu eta landu.
• Egindakoarekin gozatzen lagundu eta
sormena bultzatu.
Departamentuan teknika bidimentsionalak
hala tridimentsionalak lantzen dira: marrazketa
librea, naturalean, abstraktua,
collage, oinarrizko eta bigarren mailako
koloreak, grekak, zenbaki ezberdineko arkatzekin
marrazketa akromatikoak, eta
abar. Tridimentsional obrak: paperean ,
plastilinan edo buztinean egiten dira.
MARGOKETA
- Argizaria.
- Errotulagailua.
- Arkatza.
- Tenpera eta akuarela.
MARRAZKETA
- Arkatza.
- Ikatza.
- Txotxak, egurra, oihala , beira...
COLLAGE
ESKULAN EZBERDINAK:
- Txotxak, gomaeva, oihala...