Aiako Harria Parke Naturaleko (Gipuzkoa) interes bereziko landare ...

Gomendioak iradokitzeko orduan bi erizpide hartu ditugu kontutan: (1) dagoen populazio edo
guneen babesa eta kontserbazioa bermatzea; (2) dagoen populazioa indartzea. Bi ildo horiei jarraituz,
gure gomendio aipagarrienak bi ataletan banatu ditugu: epe laburrean bete beharrekoak alde batetik, eta
epe ertain-luze batetan burutu beharrekoak bestetik.
Epe laburrera bete beharrekoak:
1. Larreen hobekuntzarako metodo bortitzak galeraztea, bai eta herbiziden erabilera ere. Larratzearen
esklusiorako itxiturarik ez jartzea.
2. Loreen giza predazioa arretaz kontrolatzea edo ahal den neurrian debekatzea.
3. Panel informatiboak jartzea espeziearen inguruko informazio korologiko, biologiko eta ekologikoa modu
errezean trasmitituko dituztenak, bereziki loraketa eta fruktifikazio-dinamikari dagokiona. Gutxienez bi
panel ondoko leku estrategikoetan (ikus 1 eta 2 zenbakiak 32. Irudian): bata Erlaitz azpiko aparkalekuaren
sarreran (Oiartzundik datozen bisitariak errez topa dezaten), eta bestea Txerri-Soroko pistaren sarreran,
Irun aldetik datozenentzat.
Epe ertain-luze batetan burutu beharrekoak:
1. Populazioa indartzeko asmoz, D. cneorum-aren kudeaketarako eremuak definitu ditugu (32. Irudia):
1
Deskansa eremua
Erlaitz eremua
Pagogaña eremua
2
Gorosterdi eremua
32. Irudia. Daphne cneorumen kudeaketa zehatzerako eremuak. 1: Txerri-Soroko pistaren sarrerako panel informatiboa; 2: Erlaitz
azpiko aparkalekuaren sarrerako panel informatiboa.
69