Aiako Harria Parke Naturaleko (Gipuzkoa) interes bereziko landare ...

Aiako Harria Parke Naturalean: bere arrarotasunagatik interes bereziko espezie gisa sailkatuta dago
(ASEGINOLAZA, 2000).
26. Irudia. Daphne cneorumen banaketa AHPNean zehar. Kokapen bakoitzean sortek betetzen
duten azalera adierazi da m 2 -tan.
EKOLOGIA: HABITAT KARAKTERIZAZIOA
Erreferentzi bibliografiko desberdinek diotenez, espezie honek duen anplitude ekologiko zabalaren
ondorioz habitat eranitzetan topatzen da, bai altitudeari eta bai substratu-mota eta hezetasun-mailari
dagokienez: Europa erdiko mendietan 1500 m-tik gora eta leku hezeetan agertzen da (AIZPURU et al.,
1996), Akitaniako landetan ere leku hezeetan agertzen da itsas pinuaren pinadien soilguneetan (gaur
egun militarren presentzia dela eta alteratuta dagoelarik), Pirineo Zentralean 1800 eta 2500 m bitartean,
Alpe, Jura eta Balkanetan 1300 eta 2200 m artean (AYMONIN,1958). AHPNean berriz, 500 m-tik beherako
altitudeetan topatu dira orban guztiak, Bidasoan eta Miarritze inguruan ia itsas mailaraino jaitsiz
(ARBELAITZ et al., 2002).
Klimari dagokienez, espezie hau agertzen deneko ingurunean muturreko baldintza hauek topatu
izan dira:
• Urteko batazbesteko tenperatura: -1,4°C eta +14°C
• Batazbesteko tenperatura minimoa: -10°C eta +7°C
• Batazbesteko tenperatura maximoa: +7°C eta +23°C
• Anplitude termiko maximoa (urtekoa): 12°C eta 25°C
49