Aiako Harria Parke Naturaleko (Gipuzkoa) interes bereziko landare ...

Mundu mailan: Europaren erdialde eta hegoaldean zehar banatzen da (SAULE, 1991). Orofito hegoeta
ertaeuropearra dela esan daiteke, honekin, izaera mediterraneodun mendiak albo batera uzten
dituelarik. Espeziea, mendikate handien iparrean estazio baxuetan aurkitzen da (Alpe, Pirineo,
Carpatos) (AYMONIN, 1958).
Europa mailan: Europa erdialdean, Espainia ipar-mendebalderaino zabaltzen da, Italia erdialdean,
Bulgaria eta Ukrania erdialdean (TUTIN et al., 1968), nahiz eta herrialde bakoitzean bere egoera
ezberdina izan (Polonian esaterako, espezie mehatxatua da).
Penintsula Iberiar mailan: Pirineo, Euskal eta Kantauriar mendien ekialdean, baita Sorian ere,
mendebaldean (VILLAR et al., 1997). Landare orofito honek banaketa barreiatua azaltzen du
Penintsula Iberiarraren iparraldera iritsiz, bereziki Pirinioetara.
Euskal Herri mailan: Gipuzkoan, Irunen; Bizkaian, Karrantzan eta Nafarroan leku gehiagotan aurkitu
da, Leitzaranen esaterako (AIZPURU et al., 1997).
Euskal Autonomi Erkidegoan: EAEko eki- eta mendebalde muturretako lokalitate gutxi batzuetara
mugatuta dago, 50-650 metro bitartean. Eskoriatzan zita zaharrak daude baina azken urteetan ezin
izan dira baieztatu (AIZPURU et al., 1996). Gipuzkoan, Irunen eta Bizkaian, Karrantzan aurkitu izan da
(AIZPURU et al., 1997) baina azken lokalitateari dagokionez bilaketa berriak burutu ostean ez da
berriro aurkitu.
Aiako Harria Parke Naturalean:
Banaketa eta zentsua: Daphne cneorum-en sortak Irungo larreetan aurkitu dira, guztira 891.
Tamaina eta banaketa desberdinekoak izanik, gehiengoa bi gune nagusietan biltzen da: Pagogañako
soroan (totalarekiko %49,9) eta Erlaitzen (%32,9). Gainerakoak Gorosterdiko bidegurutzean eta
Deskansan daude. Gune bakoitzaren kokapena eta okupatzen duten azalera 26. Irudian adierazi dira.
Daphne cneorum bibliografiaren arabera Erlaitz eta Pagogañan agertzen da, baina mendiko lanari
esker, mulu iraunkorra Gorosterdiko bidegurutzea, Erlaitz, Pagogañako soroa eta Deskansa artean aurkitu
da (7. Taula). Gorosterdiko bidegurutzeko sailak, Irun-Oiartzun errepidetik hurbil daude eta jende eta
azienda ugari ibiltzen da bertan. Pagogainako soroko puntua azienda ibiltzen den larrean kokatua dago.
Hirugarren eremua aldiz bai gizakiaren bai aziendaren eraginetik ere urrun geratzen da. Erlaitzen dauden
sailak itxitu baten barruan badaude ere, azienda eta giza presentzia nabaria da. Daphne cneorum ageri
den bosgarren puntua errepidetik hurbil egoteaz gain, elektrizitate-harien azpian kokatzen da.
Daphne cneorum landarearen sailak Irungo larreetan aurkitu ziren, guztira 891, orbanetan
banatzen direlarik. Tamaina eta banaketa desberdineko orbanak izanik, gehiengoa bi gune nagusietan
biltzen da (8. Taula): Pagogañako soroan (totalarekiko %49,9) eta Erlaitzen (%32,9). Landare hau, larre
azidofiloetan aurkitu zen orientazioa guztietan eta otadiekin erlazionatua. Arrisku-faktoreei dagokienez, bi
ekintza nagusik kaltetzen dute espezie hau: larreen hobekuntzarako tratamendu bortitzek eta loratze
garaian jendeak adaxkak kentzeak (loreen giza predazioa).
47