Aiako Harria Parke Naturaleko (Gipuzkoa) interes bereziko landare ...

AHPNean ondoko emaitzak lortu ditugu aldagai abiotikoei dagozkienak:
• Altitudeari dagokiola, 150 eta 450 m bitartean topatu dugu landarea: kokapenen banaketa nahiko
homogeneoa da tarte altitudinal horretan zehar, baina fronde gehienak (%91) 250-450 m-tako tartean
aurkitzen dira.
• Orientazio nagusiena iparrekoa da: hain zuzen ere kokapenen %38,9 N-ra, %27,8 NE-ra eta
%16,7NW-ra orientaturik daude. Fronde-kopuru osoaren %47,7a N-ra, %16,4 E-ra, %11,7 NE-ra eta
%16,1 NW-ra begira daude.
• Maldari dagokiola, aldapa ertaineko lekuetan ageri da orohar landarea: batetik, 20-30%-eko maldan
kokapenen %55,6a eta fronde-kopuru osoaren %45,8a; eta bestetik, 30-50%-eko maldan kokapenen
%16,7a eta frondeen %30,7a.
• Litologiari dagokionez, landarea topatu direneko errekastoen azpian bi substratu-mota nagusi aipa
daitezke: alde batetik arbeletan behatu dira kokapenen %61,1a eta fronde-kopuruaren %76,7a ; eta
bestetik, granitoetan kokapenen %27,8a eta fronde-kopuruaren %17,4a.
• Landarediari dagokionez, kokapenen %44,4a eta fronde-kopuruaren %58,1a Pinus radiataz osoturiko
pinadi helduen azpian behatu dira, eta gainerakoak hostoerorkorren baso mistoetan (kokapenen
%44,5a eta fronde-kopuruaren %35,9a) eta hariztipean (kokapenen %11,1a eta fronde-kopuruaren
%6a).
• AHPNaren zonazioari dagokionez, babes-maila desberdineko lekutan ageri da: kokapenen %33,3a
eta fronde-kopuruaren %65a "potentziazio-zonan" daude, eta gainerakoak "babes-zonan" (kokapenen
%44,4a eta fronde-kopuruaren %26a) eta "kontserbazio aktiborako zonan" (kokapenen %22,2a eta
fronde-kopuruaren %9a).
• Espezie laguntzaileak: Alnus glutinosa, Blechnum spicant, Castanea sativa, Corylus avellana,
Dryopteris sp., Fagus sylvatica, Fraxinus excelsior, Hedera helix, Hepatica nobilis, Ilex aquifolium,
Luzula sp., Oxalis acetosella, Pinus radiata, Polypodium vulgare, Polytrichum sp., Pteridium
aquilinum, Quercus robur, Rubus sp., Vaccinium myrtillus, Viola sp.
ARRISKU-FAKTOREAK
Arrisku-faktore aipagarriena baso birlandatuen (koniferoen) ustiaketa da. Leku gutxi dira espezieak
eskatzen dituen hezetasun eta eguzki baldintzak, substratu silizeoa behar izateaz gain, betetzen
dituztenak. Ingurune hauetara mugatuta egotean, espeziea agertzen den amildegietako zuhaitz masaren
aldaketek mikroklimaren aldaketa dakarrenez (eguzkiztapen eta hezetasun erregimenaren aldaketa),
honek espeziea desagertzea ekar dezake.
Trichomanes speciosum Willd.
KOROLOGIA: BANAKETA GEOGRAFIKOA, ZENTSUA ETA OKUPAZIOA-AZALERA
Mundu-mailan: iratze subtropikal hau Europako kostalde atlantiarrean zehar eta artxipielago
makaronesikoan (Kanariak, Azores eta Madeira) banatzen da (SALVO TIERRA, 1990; BOUDRIE, 1998).
Europa-mailan: Europako kostalde atlantiarrean ageri da Iberiar Penintsulatik Irla Britainiarretaraino.
Horiez gain, Italiako lokalitate batean ere aurkitu da eta Portugalen naturalki suntsituta dagoela uste
44