Aiako Harria Parke Naturaleko (Gipuzkoa) interes bereziko landare ...

2.3.2. Okupazio-azalera eta zentsua
Miaketa-laginketan zehar topaturiko populazio bakoitzaren okupazio-azalera eta ale ugalkorren
(hots, infloreszentzia garatzen dutenen) kopurua estimatu ziren, ahal izan zen neurrian espezie
bakoitzaren loratze maximoaren garaian zenbatuz. Jakina da ale ugalkorrak soilik zenbatzeak populaziotamainaren
azpiestima dakarrela, baina begetatiboki ugaltzen diren landare-espezieetan bideragarria den
kontaketa-sistema bakarra da. Bestetik, indibiduoaren definizioak genotipo bereko aleak inplikatzen
dituenez eta mendian begi bistaz bereiztezinak direnez, azterturiko espezie bakoitzerako "indibiduotzat"
hartu den unitate diskretu eta bereizgarria desberdina izan da. Kasuz kasu, horrela burutu zen zentsua:
(a) P. pyrenaica-ren kasuan loraketa garaian egin zen, horretarako 8x40ko prismatikoak eta Kowa
x60 teleskopioa erabiliz. Espezie honetan banakoak bereiztea oso zaila denez, sortaka egin zen
kontaketa. Sorta, espezie honen kasuan, elkarren ondoan garaturiko erroseta-multzoa da, hots begibistaz
bereiz daitekeen unitate funtzionala, eta ziurrenik banako berari dagokiona. Bi sorten arteko distantzia
minimotzat 10 cm hartu da oztopo fisikorik (esate baterako, harkaitz irtengune edo zirrikitu arteko haitzlaja)
egon ezean.
(b) Asplenium septentrionale espeziearen kasuan esporofito-multzoen kontaketa zuzena burutu da,
hots, fronde-multzoa "ale" gisa kontatu da. Aleak bata bestearengandik bereizteko, aleen arteko distantzia
minimoa 10 cm kontsideratu dugu.
(c) Huperzia selago espeziearen kasuan esporofitoa kontatu da, gehienetan dikotomikoki
adarkatzen den zurtoin-multzo batez osoturik dagoena, hots, zurtoin edo adar-multzoa "ale" gisa kontatu
da. Aurreko espeziearen kasuan bezalaxe, aleen arteko distantzia minimoa 10 cm kontsideratu dugu.
2.3.3. Habitat karakterizazioa
Populazio edo gune bakoitzaren habitata zehazki karakterizatu da ondoko ezaugarrietan oinarrituz:
altitudea, malda, orientazioa, substratu geologikoa, lurzoru-mota, landaredi-mota, ingurunearen dinamika
edota perturbazio-mota, eta landare laguntzaileak. Zenbait datu mendian bertan jaso dira, beste batzuk
aldiz mapa tematiko digitaletatik lortu dira; Arcview 3.1 aplikazio informatikoa erabiliz, populazioen
kokapen-mapa digitala eraiki da eta mapa tematiko digital desberdinekin gurutzatuz (geologikoa,
lurzoruena, landarediarena, etab.) habitataren inguruko informazio zehatza lortu dugu.
2.3.4. Arrisku-faktoreen identifikazioa
Populazio bakoitzaren kasuan, gaur egun dauden nahiz potentzialki gerta daitezkeen arriskufaktore
garrantzitsuenak identifikatu dira horretarako bereziki diseinatu diren fitxak erabiliz.
2.4. Iturburu, errekasto eta ibaiak
2.4.1. Banaketa eta kartografia
• Berrikuspen bibliografikoa: Datu bibliografikoak berrikusi eta hainbat herbario kontsultatu ondoren
(ASEGINOLAZA et al., 1985; AIZPURU & CATALÁN, 1987; AIZPURU et al., 1997; LOIDI et al., 1997;
VILLAR et al., 1997) lau espezieen banaketaren berrikuspen eta miaketa batera egitea erabaki
zen.
15