Aiako Harria Parke Naturaleko (Gipuzkoa) interes bereziko landare ...

‣ Huperzia selago (L.) Bernh. ex Schrank & C.F.P. Mart. subsp. selago (Lycopodiaceae): kamefitoa
izanik, garai desfaboragarrietan kimu edo ernamuinak lurzoru eta 40-50 cm bitarteko tartean
mantentzen ditu (VILLAR et al., 1997). Landarearen tamaina minimoa eta maximoa 5 eta 25 cm dira
hurrenez hurren. Sustrai dikotomikoak ditu oinaldean, zurtoina laburra, gorakorra eta erregularki
luzera berdineko adarretan dikotomikoki banatzen da (4. Irudia). Adarrak lantza-formakoak dira, 8x2
mm-takoak (tamaina hau aldakorra da, landarea bizi deneko lekuaren babes-mailaren araberakoa)
eta ertz leuneko hosto (mikrofilo) ugariz horniturikoak. Hostoen kolorea berde ilun edo hori-berdea
izan ohi da. Esporangioak, giltzurrun-itxurakoak,
esporofiloen galtzarbean kokatzen dira ia beti,
pedunkulatuak, horiak, 1-2 mm-ko zabaleradunak
eta apikalki dehiszenteak. Esporulazioa uztaila
bukaeratik iraila hasierararte izaten da, klimaren
arabera aldakorra izanik (PAGE, 1982; CASTROVIEJO
et al., 1986; FERRARINI et al., 1986; SALVO TIERRA,
1990).
4. Irudia: Huperzia selagoren esporofito-sorta.
ITURBURU, ERREKASTO ETA ERREKAK
Ondoko 4 espezieen azterketa korologiko eta ekologikoa burutu da:
‣ Saxifraga clusii Gouan (Saxifragaceae) landare iraunkorra da eta erroseta bat edo batzuk gara
ditzake. Horretaz gainera, hauek dira ezaugarri bereizgarrienak:
40cm arterako eskapo loredun zuzenak eta normalean bakarra
garatzen du; hostoak oinaldekoak dituzte eta infloreszentzia zimaerako
panikulan garatzen du (5. Irudia). Loraketa-garaia ekaina eta
uztaila bitartean du (CASTROVIEJO et al., 1990; SAULE, 1991; AIZPURU
et al., 1999). Substratu granitikodun errekasto edo inguruak
kolonizatzen ditu eta altitude garaietan agertzen da (AIZPURU et al.,
1997; BIURRUN, 1999).
5. Irudia: Saxifraga clusiiren
ale heldu ugalkorra.
‣ Soldanella villosa Darracq ex Labarrère (Primulaceae) landare iraunkorra eta errizomak garatzen
dituena da. 5-15cm-ko peziolodun hostoa eta 1 mm arteko ile guruintsuak ditu; hosto-ijelkia
reniformea, oinaldean eskotadura batekin (hosto helduetan arruntagoa); 10-30 cm-ko eskapo
loreduna eta infloreszentzia unbelan garatzen du (6. Irudia). Apirila eta maiatza bitartean loratzen da
(AIZPURU et al., 1999; CASTROVIEJO et al., 1990;
PAWLOWSKA, 1966; SAULE, 1991). Substratu
silizeo gainean agertzen da inguru itzaltsu eta
hezetasun handikoetan, erreka bazterrean eta
esfagnadietan esaterako (AIZPURU et al., 1997).
6. Irudia: Soldanella villosaren ale heldu ugalkorra.
12