Aiako Harria Parke Naturaleko (Gipuzkoa) interes bereziko landare ...

pagadia. Aberastasun biologikoari eta bakantasunari begira, landaredi-unitaterik aipagarrienak honako
hauek dira: berezko basoak (hariztiak, pagadiak, ameztiak eta haltzadiak), zohikaztegi txikiak, harkaiztegi
silizeoak eta babesean dauden errekastoetako komunitateak.
2.2. AHPNeko interes bereziko eremuak eta ikerturiko espezieak
AHPNaren EKPEan aipaturiko interes bereziko ingurune edo ekosistemak ondoko hauek dira:
harkaitz silizeoak, iturburu eta errekastoak, larre-otadiak, hezeguneak eta hostoerorkorren baso
autoktonoak. Azken ekosisteman ezik, gainerako guztietan burutu da flora mehatxatuaren azterketa.
HARKAITZ SILIZEOAK
Ondoko 3 espezieen azterketa korologiko eta ekologikoa burutu da:
‣ Petrocoptis pyrenaica subsp. pyrenaica (J.Bergeret) A.Braun ex Walpers (Caryophyllaceae):
errrosetak dituen 20 cm inguruko landare iraunkorra da.
Hauek dira ezaugarri aipagarrienak: oinarrian peziolo
zahar iraunkorrak, hosto-ijelkia ile luzez horniturik;
kaliza, ilerik gabea; petaloak, kalizaren luzeraren
bikoitzak, kolore txuri edo arrosa ahulekoak (2. Irudia);
1mm-ko diametroko haziak ekoizten ditu testa
beltzarekin. Maiatza eta abuztua bitartean loratzen da
eta granito eta eskistoen zirrikitu eta estraplomoetan bizi
da (AIZPURU et al., 1997; AIZPURU et al., 1999;
CASTROVIEJO et al., 1990; SAULE, 1991; TUTIN et al.,
2. Irudia: Petrocoptis pyrenaicaren argazkia 1968).
loraldi sasoian.
‣ Asplenium septentrionale (L.) Hoffm. subsp. septentrionale (Aspleniaceae): hemikriptofitoa da,
errizoma herrestaria eta 15 cm arteko frondea duena (3. Irudia). Pezioloa lamina baino luzeagoa da,
tente eta berdea. Laminak berriz dikotomikoak diren 2-4
segmentu izan ditzake, tamaina desberdinetako zatiez
osotua. Batzutan hiru zati edo lobulu ere izan ditzake,
koriazeoak eta ilerik gabeak. Soroak, linearrak eta luzatuak
direnak, laminaren azpikalde guztia estaltzen dutela
agertzen dira. Esporak ekaina eta iraila artean askatzen
dituzte (SALVO TIERRA, 1990). Halere, azken datu hauek
klimaren arabera alda daitezke. Habitatari dagokionez,
egutera aldeko harkaitz silizeoak (granitikoak gure kasuan)
kolonizatzen ditu, bereziki zirrikitu-guneak eta nahiz eta
gutxi batzutan kararritan topatu, izaera azidodun arrokak
nahiago ditu. Orokorrean Euskal Herrian 450 eta 2100mtako
altitude-tartean aurki daiteke, 100 m-tan ere ikusi den
arren (AIZPURU et al., 1999).
3. Irudia: Asplenium septentrionaleren
esporofito multzoa harkaitz arrailduran.
11