BAKEAREN ALDEKO KATEA - Errenteria

at ekitaldi honetan dabilena. Zer da, ordea, Bakearen
Katea?
BAKEAREN KATEAK
Gai honetaz argitaratutako koadernoan,
ondoko hau esaten da hitzez hitz:
“Bakearen aldeko kristauon erantzukizunaz
eginiko astearen ondorioz, besteak beste, ondoko
hau burutzea proposatzen da:
NOLA EGIN
• Talde bat osatuko da. Eta talde horretan biltzen
direnek ondoko hau egingo dute besteak
beste: errezatu, pentsatu, irakurri, ekin,
bai taldearen onbiderako eta baita bakegintzaren
alde ere.
• Kide bakoitzak hileko jakineko egun bat izango
du bereziki zeregin honetarako. Egun hori
iristen zaionean, Bake Kateakoekin, eta taldearentzat,
errezatuko du, gure baitan, inguruan,
kristau elkarteetan, gizartean, herrian,
munduan bakea indartuz joan dadin.
• Norberari eguna iritsi bezain laster, telefonoz,
ahalik eta gozo eta baketsuen, hurrengo bi
egunetakoak deituko ditu prestaturik egon
daitezen.
• Egun horretan bere bakearen aldeko eguna
dela gogoraraziko dioten bitartekoak erabiliko
ditu: piztutako kandela, lorea, otoitz liburua,
abestiren bat, poesia, norberak
•
idatzitako zerbait...
Egun horretaz, ahazturik-edo, daukan lagunen
bati deitzeko baliatuko da, hain gogoko
ez ditugun horiekin adeitasunez eta gozo
jokatzen saiatuko da...
• Egun hau norberak bakarka bizi ordez, familiakoekin,
lagunekin elkarrekin bizitzeko ekintzak
egin daitezke.
• Bakearen aldeko bilkura eta ospakizunetan
berariaz zainduko ditu taldeko beste kideekiko
harremanak.
Iraupena: 2005ko ekainera arte. Ondoren
ebaluatu egingo da”
Ikus daitekeenez, eginkizun arruntak dira,
xumeak, nornahik eta nonahi egin ditzakeenak. Ez
du aparteko konpromezurik eskatzen, ez da bileretara
joan beharrik.
“Katean esku hartzeak on egiten dit –aitortzen
du kide batek-. Hau dela merio, deiak jaso eta
deiak egiten ditut. Taldea gogoan hartuz, bakearen
aldeko egun berezia da niretzat. Egun horretan
bakean sumatzen dut nire bihotza. Arazo handiak
konpontzerik ez dugunez gero, zergatik ez gure
arteko harremanak hobetzen saiatu?”.
Bakearen Katea martxan jartzen aritu den
kide baten esanetan, taldeak ugaldu daitezke, nahi
duen guztiarentzat zabalik daude kateak, baita
sinestunak ez direnei ere.
Une honetan, ordea, kateak jende gehiago
biltzeari baino garrantzi gehiago emango zaio taldeen
barne kohesioari, katea bizitzeko erari, hurbiltasunari,
elkarren arteko harreman baketsuari.
Momentuz, urte beterako denboraldia aurreikusten
zaie bake katea horiei. Orduan halako azterketa
egingo da eta horren arabera erabakiak hartuko.
o a r s o
0 4 [ 83 ]