III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
Bertsozaletasunak, bestetik, susperraldia izan du 25 urtetik beherako gazteen artean.
Bertsolari-saioetako ikus-entzule gehienak, esaterako, gazte elebidun dira. Ez dirudi
gertakari hori kasualitate hutsa izan denik. Aitzitik. Azken hamarkadetan, bertso-eskola
pila bat sortu dira haurren nahiz gazteengandik gertu. Horrez gain, eskola arteko
bertso-txapelketak antolatu dira; eta gero eta gazte gehiagok hartzen du parte
bertsolari-txapelketetan. Horiek eta beste faktore batzuek eragin dute, beraz, bertsosaioetara
gazte andana joatea. Bertsozaletasunaren berpizkundeaz gain, baliteke beste
faktore batzuk ere zerikusirik izatea bertso-saioetako ikus-entzuleen gorakadarekin;
adibidez: bertsolaritza, euskal tradizioan aski erroturik dagoen kultura-adierazpidea,
eguneratu izana. Demolinguistikaren aldetik, halaber, gogoan izan behar dugu gazteen
taldean besteetan baino handiagoa dela elebidunen kopurua.
Elebitasunaren hariari tenk, ezaugarri linguistikoek izan dezaketen eraginari buruzko
gogoeta egingo dugu orain. Datuen arabera, gazte elebakar baino gazte elebidun
gehiago doa kontzertuetara, antzerkia ikustera, eta bertso-saioetara.
Gazte elebidunek, hala ere, ez dute euskararen aldeko hautua egin euskarazko zenbait
kultura-jardueretan. Adibidez, gazte elebidunen %43,5ek besterik ez du irakurtzen
euskarazko libururik; eta gazte elebidunen %41,9 besterik ez da joan euskarazko
antzezlanen bat ikustera. Hedabideei dagokienez, gazteen heren batek baino gutxiagok
ikusten du lanegunetan telebista euskaraz. Irratia euskaraz entzuten dutenen kopurua
hori baino zertxobait handiagoa bada ere, gazte gehienek ez dute irratia euskaraz
entzuten.
Mutil eta nesken artean, bestetik, bada nolabaiteko aldea; ez da sekulako aldea, baina
nolabaiteko joera suma dezakegu. Horrela, mutilek baino joera handiagoa dute neskek
ondoko hauek egiteko: Aisialdi-liburuak irakurtzeko; liburutegi eta mediateketara
joateko; antzerkia ikusten joateko; eta dantza-emanaldietara joateko. Kontzertuetara,
berriz, neska baino mutil gehiago joaten da.
Adierazpen artistiko eta sormenezkoa 78
Elkarren segidako eta bata bestearekin lotutako hainbat fasetan banatzen da gazteen
adierazpen artistikoaren eta sorkuntzazkoaren prozesua. Fase horiek, hala ere, ez dira
ontzi hermetikoak.
Sorkuntzari dagokionez, hauteman behar dira profesionalek nahiz amateurrek
sortzeko fasean izan ditzaketen beharrak. Hartara, sorkuntza sustatu beharko luke
Administrazioak, esaterako, ekimenentzako azpiegiturak, laguntza ekonomikoak,
programak, zerbitzu berriak eta jarduerak garatzearen bidez. Halaxe eman du aditzera,
bederen, lehen aipatutako diagnostikoak.
Alde handia dago sektore bat eta besteko azpiegituren artean. Hala eta guztiz ere,
gutxieneko egiturak egon badaude EAEn eta, zerbait egitekotan, horiek bikaindu
beharko lirateke.
83