III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
Gazteen lan-jarduerari eta erosteko ahalmenari dagokionez, lan-merkatua azkar
hondatu da eta, ondorioz, langabezian dauden gazteen tasa askoz handiagoa da
herritar guztiena baino. Horregatik, familiaren diru-sarrerei esker bizi dira gazte
gehienak.
Kultura-ohiturak 77
Helduek baino neurri handiagoan gauzatzen dituzte gazteek hainbat kultura-jarduera,
hala nola: musika entzutea, zinemara joatea, kontzertuetara joatea, eta liburutegietara
edo mediateketara joatea.
Zehazki, egunero edo ia egunero entzuten du musika 15 eta 29 urte bitarteko gazteen
%82,6k eta EAEko herritar guztien %54,9k; azken hiruhilekoan zinera joan da gazteen
%71,5 eta herritar guztien %40; azken hiruhilekoan kontzerturen batean izan da
gazteen %30,3 eta herritar guztien %16,6; azken hilabetean liburutegiren edota
mediatekaren batera joan izan da gazteen %33,2 eta herritar guztien %17,5.
Gainerako kultura-jardueretan, aldiz, adin-tarte guztietako pertsonek berdintsu
hartzen dute parte.
Euskal gazteek museoetara, arte-galerietara, erakusketetara, eta beste kulturaekipamendu
batzuetara egiten dituzten bisitak aztertuko ditugu orain. Euskal gazteen
%20 baino gutxiagok du museoetara joateko ohitura (ohituratzat hartuko dugu, hain
zuzen, azken hiru hilabeteetan behin gutxienez joan izana). Bestetik, gazteen %10
baino gutxiagok du galerietara edo erakusketetara joateko ohitura.
Herritar guztien taldean gertatu bezalaxe, gazteetan ere askoz txikiagoa da arte
eszenikoko emanaldiren batera joandakoen kopurua kulturaren beste modalitateetan
parte hartzen dutenena baino. Horrela, azken hiruhilekoan gutxienez behin antzerkira
joan da gazteen %8,7; dantza-emanaldietara, berriz, gazteen %3,8; eta lirika-saioetara
gazteen %1,3.
Arestian aipatutakoez gain, hamar gaztetik lauk arte-jardueretan hartzen dute parte,
adibidez: musika-tresna bat jotzea, argazkilaritza, margotzea, eta idaztea. Herritar
guztien batez bestekoa baino zertxobait handiagoa da era horretako jarduerak
gauzatzen dituzten gazteen kopurua.
Nabarmentzekoa da, baita ere, nolabaiteko lotura dagoela gazteek gehien erabiltzen
dituzten ekipamendu teknologikoen eta kultura-jarduerarik ohikoenen artean: zenbat
gaztek MP3 eta MP4 irakurgailuak ukan, hainbatek dute musika entzuteko eta
kontzertuetara joateko ohitura. Musikarekiko zaletasunak, hain zuzen, bereizi egiten
ditu gazteen belaunaldia eta helduena. Gazteen ekipamenduak eta ohiturak,
esaterako, horren erakusle dira.
82