III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
Familiaburu diren eta ez diren gazte guztien egoera aztertzen badugu ikusiko dugu
gazteen pobrezia-tasa handiagoa dela beste adin-tartekoena baino. Pobrezia-egoeran
dira, zehazki, 15 eta 24 urte bitarteko gazteen %5,6, eta 25 eta 34 urte bitarteko
herritarren %4,2. Hala eta guztiz ere, badira gazteek baino are pobrezia-tasa
handiagoak dituzten zenbait talde; haurrak, esaterako.
Jarraian, familia bazter utzi eta banaka aztertuko dugu mantentze-pobrezian dauden
gazteen tasa. Horrela, gazte bakoitzaren diru-sarrerak banaka aztertzen baditugu –
familiako gainerako kideena bazter utzita– independenteki edo bakarrik biziz gero,
pobrezian izango litzateke 25 urtetik beherako herritarren erdia (ikasleak kanpo); eta
25 eta 34 urte bitarteko gazteen hamarretik hiru.
Ondorioz, isilpeko pobrezian dira gazte asko, baina familiek gazteei egindako
ekarpenek leundu egin dituzte gazteen pobreziari buruzko datuak. Izan ere,
independenteki bizi ahal izateko nahikoa diru-sarrera izan ez eta pobrezia-arriskuan
daudela ikusita, familiakoek laguntza eskaintzen diete gazteei.
Aurrekoetan gertatu bezala, metatze-pobreziaren tasa oso handia da gazteen artean.
Zehazki, 25 urtetik beherako pertsona baten mende daudenek dute, pertsona
guztietatik, metatze-pobrezia tasarik handiena (%3). Horrez gain, 25 eta 34 urte
bitarteko pertsona bat buru duten familien metatze-pobreziaren tasa (%1,2) handiagoa
da metatze-pobreziaren batez bestekoa baino (%0,7). Tasa horiek, alabaina, behera
egin dute 2004. urteaz geroztik.
Eusko Jaurlaritza hainbat tresnaren bidez saiatzen da hizpide ditugun pobrezia-egoerak
murrizten: Gizarte Larrialdiko Laguntzak (GLL), Diru Sarreren Bermeko Errenta eta
Etxebizitzako Prestazio Osagarria. Gizarte Larrialdiko Laguntzei buruzko 2010eko
datuen arabera, EAEn emandako Gizarte Larrialdietarako Laguntza guztien %2,5 (hots,
634 laguntza) baino ez zitzaizkien eman 30 urtetik beherako gazteei 72 . Hau da, EAEko
gazte guztien milatik bik jaso zuen era horretako diru-laguntzarik. Gazteen pobreziaarriskua
familiaren laguntzaren bidez kontrolatzen ari dela adierazten du datua horren
txikia izateak.
Gizon eta emakumeen arteko berdintasuna
Gizon eta emakumeen arteko berdintasuna neurtzeko orduan, berdintasunaren isla
izan daitezkeen hiru alderdi aztertu ditugu: etxeko lanak eta beste pertsona baten
zaintza erdibanatzeko modua; lana lortzeko orduan gizon eta emakumeen artean
izaten den desberdintasuna; eta genero-indarkeriaren zifrak.
Etxeko lanak erdibanatzeari dagokionez 73 , etxeko lanak bien artean egiten dituztela
adierazi du bikotekidearekin bizi diren gazteen erdiak baino gehiagok. Hala ere,
gazteen hamarretik ia lauk dio emakumeak egiten dituela etxeko lan guztiak edo
gehienak bai behitzat. Aitzitik, gazteen %5ek baino ez du adierazi etxeko lan gehienak
gizonezkoek egiten dituztela.
75