III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
3. III. Gazte Planeko osasunaren alorreko helburu estrategikoak eta esku-hartze
ildoak
1. Gazteek osasun programak nahiz zerbitzuak ezagutu, balioetsi nahiz egoki erabil
ditzatela sustatzea.
• Gazteei zuzendutako osasun-programak ezagutzera ematea. Are jende
gehiagok programa horien berri izan eta horiek erabil ditzan, gazteen hizkerak,
esparruak eta kanalak erabiltzea, egon daitezkeen oztopo objektibo nahiz
subjektiboak gainditu ahal izateko.
2. Gazteek ezagutza, ohitura nahiz jokabide osasungarri are gehiago izan ditzatela
lortzea.
• Hizkera, bide edota eragile egokien bidez, ohitura nahiz jokabide osasungarrien
berri ematea gazteei, eta horiekiko sentikor bihurtzea.
• Osasun-hezkuntza sustatzea hezkuntza-maila guztietan.
• Osasunaren inguruan gazteek izango duten prestakuntza koordinatzea.
• Arrisku-jokabideak prebenitzeko asmoz, prestakuntza nahiz hainbat baliabide
eskaintzea aisialdiarekin, hezkuntzako denbora librearekin, kulturarekin eta
jarduera fisikoarekin lotura duten eragileei.
3. Osasunarekin lotura duten arrisku-jokabideak murriztea gazteekin zerikusia duten
eremu guztietan.
• Hizkera, bide edota eragile egokien bidez, arrisku-jokabideen berri ematea
gazteei, eta jokabide horien inguruan gazteak sentikor bihurtzea.
• Osasun-arazo nagusiak prebenitzeko kanpaina egitea: trafiko-istripuak;
menpekotasunak; HIESa; gaixotasun benereoak; nahi gabeko haurduntzak;
elikatze-nahasteak; inaktibitate fisikoa eta jokaera sedentarioaren maila altua;
buru-nahasteak; eta laneko segurtasuna.
• Pertsonen osasunari kalte egiten dioten arrisku-jokabide nagusiak
hezkuntzaren arlotik prebenitzea.
• Pobrezia, eskola porrota edota familia-arazoak direla-eta, arrisku- eta ahuleziamaila
handienak dituzten talde edo kolektiboei zuzendutako prebentzio eskuhartzeak
sustatzea edota horiekin elkarlanean aritzea, IV. Mendekotasun
Planarekin bat eginik.
• Alkoholaren eta substantzia berrien kontsumoa murrizteko neurriak indartzea.
• Sexu bidez transmititzen diren gaixotasunak kontrolatzeko eta prebenitzeko
ohiturak sortzea.
• Honakoak erraztuko dituzten neurriak sustatzea: bizimodu aktiboa, garraiobide
aktiboak erabiltzea eta, ariketa eta kirola egitea gazteak gizarteratzeko bide
gisa antzemate aldera, inklusio-aukerak eskueran jartzea.
• Gazteen osasunarentzat arriskutsuak diren fenomeno, patologia edota jokabide
sortu berriak hautematea, zerbitzuak egokitzen saiatzeko eta dagokion ekintzak
garatzeko asmoz.
• Jokabide osasuntsuak sustatzeko asmoz, aisialdiarekin, hezkuntzako denbora
librearekin, kulturarekin eta jarduera fisikoarekin lotura duten eragileei
prestakuntza nahiz hainbat baliabide eskaintzea.
68