III. Gazte Plana 2020ren marko orokorra - Gazteaukera - Euskadi.net

Ondorioak
EUSKADIKO III. GAZTE PLANA 2020
- Osasunak esanahi desberdina du mutil eta neskentzat.
- Osasuntsu eta sasoian direla uste dute Euskadiko gazteek.
- Garrantzi handia ematen diote osasunari Euskadiko gazteek, hainbesteko
garrantzia eman ere non gehien balioesten duten alderdia baita.
- Erdira murriztu da gazteen heriotza-tasa. Bizitzeko hainbat estiloren eta jokabideereduen
eraginez, alabaina, mutilen heriotza-tasa neskena baino lau aldiz
handiagoa da.
- Gazteen hamarretik batek depresioaren edota antsietatearen sintomak ditu.
Mutilenaren bikoitza da nesken depresio-tasa.
- Gazteen ia erdia inaktiboa da, eta gazteen ia %20 gizenegi dago.
- Alkohola neurriz kanpo hartzen duten gazteen tasak behera egin du.
- Hazi egin da tabakoa erretzen duten 25 eta 29 urte bitarteko gazteen kopurua.
- Kanabisa izan ezik, legez kanpoko beste substantzia guztien kontsumoa murriztu
da. Behera egin du, baita ere, droga-menpekotasuna gainditzeko tratamenduak
hasi dituzten gazteen kopuruak.
- Sexualitatea nahiko edo oso garrantzitsua da gazteen hamarretik ia
bederatzirentzat.
- Azken bi urteotan murriztu egin da EAEn haurdunaldia borondatez eten duten
pertsonen kopurua.
- Hazi egin da, berriz ere, GIB birusak infektatutakoetatik hautemandako kasu
berrien kopurua; baina murriztu egin dira HIES kasuak.
- Bide segurtasuneko neurriak hartzen dituzte gazte gehienek. Hala ere,
nabarmentzekoa da gazte askok alkohola edanda gidatu izan duela autoa eta,
oraindik ere, gazte gehienak trafiko-istripuan hiltzen direla.
- Gazteen trafiko-istripuen kopuruak behera egin du etenik gabe azken urteotan.
Hala eta guztiz ere, trafiko-istripuan hiltzen diren gazteen tasa handiagoa da arrazoi
horregatik hiltzen diren herritar guztiena baino. Aipatu beharra dago, baita ere,
neskek baino hiru aldiz trafiko-istripu gehiago dituztela mutilek.
65