III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
erakunde horrek. Azterlan horren arabera, gazteek gehien ezagutzen eta erabiltzen
dituzten antisorgailuak pilula antikontzeptiboa eta preserbatiboak dira.
Gazteek, bidenabar, normaltasun handiz hartzen dute antisorgailu horien erabilera, eta
erraz eskura ditzakete. Pilula antikontzeptiboa erabiltzen dutenek, esaterako,
harremana iraunkorra denean egiten dute metodo horren alde.
Koitoaren ondoko pilularen erabilera, berriz, normalizatu egin dela dirudi. Datuen
arabera, koitoaren ondoko 18.228 pilula-kit banatu ziren 2008ko ekainetik 2009ko
ekainera Osakidetzaren egoitzetan. Pilula hori erabili zuten 14 eta 30 urte bitarteko
neskek; erabiltzailearen batez besteko adina 23 urte izan zelarik.
Haurduntzaren borondatezko etendurei dagokienez (HBE) 59 , 2000. urtetik 2007. urtera
gutxika-gutxika gora egin du haurduntza borondatez eten duten 15 eta 29 urte
bitarteko emakumeen kopuruak. Hala ere, 2007tik 2009. urtera %8 murriztu da kopuru
hori: 2007an, 1812 izan ziren haurdunaldia eten zuten emakumeak; 2009an, aldiz,
1680. Beherakada horren eragileetako bat 15 eta 19 urte bitarteko nesken taldea izan
da, adin-tarte horretan nabarmen murriztu baita borondatez etendako haurduntzen
kopurua (347 kasu izan ziren 2007. urtean; 2009an, aldiz, 290).
Adin-tarteei erreparatuta, 15 eta 19 urte bitarteko neskei egin zitzaien HBE-en %17
(290); 20 eta 24 urte bitarteko neskei, berriz, interbentzioen %39 (656); eta 25 eta 29
urte bitarteko neskei, azkenik, interbentzioen %44 (734). Lurralde Historikoetan, aldiz,
Bizkaian izan ziren era horretako ebakuntzen %61 (1016); Gipuzkoan, berriz, %34
(578); eta Araban %5 (86).
Nabarmentzekoa da, baita ere, haurdunaldia borondatez eten duten emakumeetatik
oso gutxi joan izan direla familia-plangintzako zentroetara antisorgailuak erabiltzeko.
Hartara, 15 eta 19 urte bitarteko nesken %13,8 joan da era horretako zentro batera;
eta 20 eta 24 urte bitarteko nesken %21,0.
GIB eta HIES
GIB birusak infektatutako gaixo berrien tasa nabarmen hazi da azken urteotan. 42
gaixo berri egon ziren 2008an. Urte hartan, 1.000 biztanleko 0,12tan izan zen infekziotasa
–2000. urtekoaren bikoitza–. Hautemandako GIB birusak infektatutako gaixoen
tasak gora egin izanak ez du adierazten, alabaina, GIB duten gazteen kopurua hazi
denik. Aitzitik, baliteke lehen baino hautemate-proba gehiago egin eta hizpide dugun
ehunekoa horregatik hazi izana.
Edonola ere, beste arrisku-jokabide eta osasun-arazoekin gertatu bezala, emakumeek
baino GIB infekzio-tasa handiagoa dute gizonek: 4 emakume infektatu direnerako 6
gizon kutsatu dira. Heterosexualen arteko sexu harremanak izan dira, gazteen artean,
birusa elkarri transmititzeko biderik arruntenetako bat. Are, emakumezkoak bide
horretatik bakarrik kutsatu dira.
62