III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
Gazteak, batez beste, 16,7 urterekin hasten dira kanabisa hartzen. Gainerako
substantziak kontsumitzen, berriz, 17,9 eta 19,5 urteren bueltan hasten dira.
Drogen kontsumoaz gain, bada hizpide dugun fenomenoa irudikatzen lagun
diezagukeena beste datu bat: droga-menpekotasuna gainditzeko tratamenduari 55
ekiten dion gazteen kopurua. Era horretako tratamendua hasten duten gazteen
kopuruak behera egin du; 2004. urtean 814 gaztek ekin baitzioten drogamenpekotasuna
gainditzeko tratamenduari eta 2008an, aldiz, 743k. Esan beharra
dago, baita ere, droga-menpekotasuna gainditzeko tratamenduari 2008an ekin zioten
gazteetatik 640 gizonezko zirela eta 103 emakumezko.
Kokainarekiko menpekotasuna gainditzeko asmoz hasi dute tratamendua gazte
gehienek (tratamendua hasi duten gazteen hamarretik ia lauk, hots, %39,7k kokaina
utzi nahi zuen). Kokainaren ondotik, kanabisa (%27,1), alkohola (%12,5) eta heroina
(%10,2) leudeke.
EGOERA AFEKTIBO, SEXUAL ETA UGALTZAILE ONA
Egoera afektibo, sexual eta ugaltzaile onari buruz aritzean, kontuan izan behar dugu
sexualitatearekin eta afektibitatearekin lotutako garrantzi handiko aldaketak gertatzen
direla gaztaroan: aldaketa biologikoak; ugaltzeko aukera; eta sexu-, afektibitate- nahiz
genero-identitatea zehaztea.
EAEko gazte gehienek garrantzi handia ematen diote sexualitateari: sexualitatea oso
garrantzitsua dela uste du EAEko gazteen %30ek; %56k, aldiz, nahiko garrantzitsua
dela 56 .
Neskek baino garrantzi handiagoa ematen diote sexuari mutilek. Gazteen artean,
gainera, (ezkonduta egon ala ez) bikotekidearekin bizi direnek garrantzi handiagoa
ematen diote sexualitateari bikotekidearekin bizi ez direnek baino. Zenbat eta
zaharrago, bestetik, orduan eta garrantzi handiagoa ematen diote gazteek
sexualitateari.
Bestetik, EAEn sexualitateari buruzko ikerketa zehatzik egin ez denez, "Informe de
Juventud en España 2008" 57 txosteneko "La salud de la juventud" azterlanetik hartu
ditugu jarraian emango ditugun datuak.
Azterlan horren arabera, sexu-harreman osoak izan ditu Espainiako 18 urteko gazteen
hamarretik zortzik; eta 15 eta 17 urte bitartekoen %42k.
15 eta 29 urte bitarteko gizon gazteak 16,5 urterekin hasi ziren sexu-harremanak
izaten; neskak, aldiz, 17,2 urterekin. Azken lau urteotan, gainera, behera egin du sexuharremanak
izaten hasteko batez besteko adinak.
Gazteriaren Euskal Behatokiak, bestetik osasunari eta gazteei buruzko azterlana 58 egin
zuen 2006an. Ikerketa-teknika kualitatiboen bidez, gazteen sexu-bizipenak bildu zituen
61