III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
alkohola neurri handiagoz kontsumitzearen aldeko giroa zabalduz joatea, azken
hamarkadetan helduen artean gertatu den bezala.
Badira, bestetik, alkohola kontsumitzeko besteek baino arrisku handiagoa duten
zenbait talde. Alkohola kontsumitzeko arriskuan diren mutilen ehunekoa, esaterako,
neskenaren bikoitza da. Era berean, 20 eta 24 urte bitarteko gazteek besteek baino
arrisku handiagoa dute alkohola kontsumitzeko.
Azken hamarkadan, bestetik, ia ez da aldatu alkohola edaten hasteko batez besteko
adina (15,6 urteetan zen 2008an).
Bestalde, tabakoaren kontsumoari dagokionez, 15 eta 29 urte bitarteko EAEko
gazteen %36,7k du erretzeko ohitura. Urteetan gora egin ahala, ordea, gero eta
handiagoa da erretzeko ohitura duten gazteen ehunekoa. Horrela, 25 eta 29 urte
bitarteko gazteen %45,6k erretzeko ohitura du. Erretzeko ohitura duten gizonezkoen
kopurua, bestetik, emakumezkoena baino %8,3 handiagoa da adin-tarte guztietan.
Nabarmentzekoa da, baita ere, tabakoa erretzeko ohitura duten 25 eta 29 urte
bitarteko pertsonen kopuruak –mutilenak, bereziki– gora egin duela nabarmen azken
lau urteotan.
2008ko datuen arabera, gazteak, batez beste, 15,9 urterekin hasten dira tabakoa
erretzen.
Erretzeko ohitura duten pertsona gehienek gaztaroan ekin diote ohitura horri.
Horretxegatik aztertu beharra dago tabakoa erretzeko gazteek duten ohitura. Gazte
hasten direnek, gainera, are aukera gehiago dituzte egunean zigarreta asko erretzeko,
gaixotasunak eta nahasteak izateko, eta tabakoarekin lotutako gaixotasunen batek jota
hiltzeko.
Legez kanpoko drogen kontsumoari dagokionez, nabarmendu beharra dago kanabiskontsumoarenak
izan ezik, gainerako beste adierazle guztiek behera egin dutela 2004.
urteaz geroztik. Aztertutako droga guztietan, gainera, mutilen kontsumo-tasak askoz
handiagoak izan dira neskenak baino.
2008ko datuen arabera, azken urtebetean kanabisa behin gutxienez hartu izana
adierazi zuen gazteen %31k. Gorakada handia izan da, bereziki, egunero kanabisa
hartzen duten pertsonen ehunekoan: gazteen % 4,6k erretzen zuen kanabisa egunero
2000. urtean; 2008an, aldiz, %11k. Hizpide dugun substantzia egunero hartzen duten
gizonezkoen kopurua (2008. urtean %16,9) askoz handiagoa da neskena baino.
Kanabisaren ondotik –alde handiaz– kokaina eta anfetaminak edo speed-a dira gehien
kontsumitzen diren substantziak. Gazteen %6,2k kokaina hartu du azken urtean; eta
%2,7k azken hilabetean. Anfetaminen edo speed-aren kasuan, aldiz, gazteen %5,4k
hartu du horrelakorik azken urtean; eta %2,5k azken hilabetean.
60