III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
ohituren eta jokabideen gain. Are gehiago, beste eragile edo faktoreen eragina ere
baldintza dezakete hedabideek.
Jateko ohituren arazorik larrienetako bat elikatze-jokabidearen nahasteak dira –
anorexia eta bulimia, bereziki–. Emakumezkoek dituzte era horretako gaixotasunik
gehien, elikatze-jokabidearen nahasteak dituzten pertsonen %90 emakumezko baita.
Arazo horren arrazoietako bat izan daiteke, esaterako, garai batetik hona gertatzen ari
diren aldaketa sozioekonomiko nahiz kultural sakon eta azkarrak. Sortutako eredu
"idealaren" mesedean, genero-ereduak, kanon estetikoak, irudia nahiz gorputza
zaintzeko moduak aldatu egin dira baita, horiekin batera, elikatze-jokabideak ere.
Nerabeen gain eragin handia dute aldaketa horiek, adin horretan fisikoki, psikologikoki
eta sozialki aldatzen baitira pertsonak.
Elikadurari eta jarduera fisikoari atzera helduz, gorputz-masaren indizearen arabera,
gizenegi dago EAEko gazteen %3,9. Halaxe ekarri du, bederen, Eusko Jaurlaritzaren
Osasun eta Kontsumo Sailak osasunari buruz 2007an egindako inkestak. Gizenegi
dauden gazteen kopuruak, bidenabar, gora egin du 2002. urtetik (%2,2) 2007. urtera
(%3,9).
ALKOHOLAREN, TABAKOAREN ETA LEGEZ KANPOKO DROGEN KONTSUMOA 54
Alkoholaren, tabakoaren, eta legez kanpoko hainbat drogaren –kanabisa, bereziki–
kontsumoa aztertuko dugu orain. Aztergai izango ditugu, baita ere, drogamendekotasuna
gainditzeko tratamendua hasi duten gazteak.
Alkoholaren kontsumo-mailari dagokionez, ez da alde handirik EAEko herritar guztien
eta gazteen kontsumoaren artean. Hala eta guztiz ere, gazteek alkohola edatea osasun
publikoko arazo nagusietako bat da, jarduera horrek lotura handia baitu ausarkeriaz
gidatzearekin, indarkeriarekin, sexu-harreman ez seguruekin, eta arriskutsuak diren
beste jokabide batzuekin.
Hizpide dugun gaiari buruzko datuen arabera, "arriskurik gabe" edota "arrisku txikiaz"
kontsumitzen du astean alkohola gazteen bostetik lau baino gehiagok. Astean barrena,
gazteek ez dute ia alkoholik hartzen. Hortik aldagai horren emaitza positiboa. Are
gehiago, lanegunetan "gehiegi" edo "era arriskutsuan" alkohola edaten dutenen
kopurua askoz txikiagoa da gazteen taldean herritar guztien multzoan baino.
Jaiegunetan, berriz, alderantzikatu egiten da aipatu berri dugun joera. Hau da,
asteburuetan edaten duten gazteen kopurua (%28,7) bi aldiz handiagoa da herritar
guztietatik asteburuetan alkohola hartzen dutenena baino.
Esan beharra dago, edonola ere, asteburuetako alkohol kontsumoak behera egin duela
nabarmen 2004. urtetik 2008. urtera; %39,0tik %28,7ra jaitsi baita "gehiegizko"
kontsumoaren edota kontsumo "arriskutsuaren" tasa. Litekeena da prebentzio-mezuei,
osasun-hezkuntzako askotariko gomendioei eta errealitatea ezagutzeari esker, gazteek
59