III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
1. Aukerako beste garraiobide publiko batzuk eskaini behar zaizkie gazteei
ikastegietara eta lantegietara joan eta aisialdiaz goza dezaten.
2. Gazteei aukera ematea leku batetik bestera oinez eta txirrinduaz joan daitezen.
2. III Gazte Planaren lehentasunezko eginkizunak mugikortasunaren alorrean
Guztiontzako garraiobideak, garraiobide eraginkorrak, seguruak, lehiakorrak,
osasungarriak, eta ingurumenaren aldetik iraunkorrak diren garraiobideak eskaini
behar zaizkie gazteei. Xede hori betetzeko orduan, alabaina, hainbat oztopo gainditu
beharko ditugu:
1. Gazteek motordun garraiobide pribatuaren aukerako beste bide batzuk erabil
ditzatela nahi badugu, aukerako beste garraiobide horien azpiegiturak,
ekipamenduak eta beste alderdi batzuk hobetu beharko ditugu, gizonen eta
emakumeen arteko aldeak aintzat hartuta.
2. Sentikortzearen eta kontzientziazioaren bidez, motordun garraiobide pribatuen
aukerako beste garraiobide batzuk erabil daitezela sustatzea, genero-ikuspegia
aintzat hartuta.
3. III. Gazte Planeko mugikortasunaren alorreko helburu estrategikoak eta eskuhartze
ildoak
1. Motordun garraiobide pribatuen aukerako beste garraiobide batzuen
azpiegiturak, ekipamenduak eta beste alderdi batzuk hobetzea.
• Gazteen mugikortasun-beharretara egokitutako garraiobide publikoaren sarea
sustatzea. Garraiobide publikoen erabilera indartu beharko da, batez ere: hura
gutxien erabiltzen duten lurralde historikoetan; asteburuetako gauetan; eta
aisialdi-zonetan.
• Azpiegiturak sortzea edota egokitzea, oinezkoen mugikortasuna eta
txirrinduaren erabilera suspertzeko.
2. Sentikortzearen eta kontzientziazioaren bidez, motordun garraiobide pribatuen
aukerako beste garraiobide batzuk erabil daitezela sustatzea.
• Garraiobide pribatuen aukerako beste garraiobide batzuk erabiltzeari buruz gazteak
sentikortzea eta kontzientziatzea. Garrantzi handia emango diegu, batez ere, aukerako
beste garraiobide horiek gutxien erabiltzen dituzten taldeei; asteburuetan gaueko
garraiobide publikoak erabiltzeari; aisialdiaz gozatzeko eremuetara garraiobide
publikoan joateari; eta txirrindua erabiltzeari.
3. Espazio publikoa genero-ikuspegitik diseina dadila sustatzea, oztopoak eta “puntu
beltz” direlakoak ezabatuta.
112