III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
gazteek zer arrazoi ematen dituzten garraiobide publikoa ez erabiltzeko. Gazte
horietako gehienak, hau da, bi heren norbere ibilgailuan doa "erosoago" suertatzen
zaiolako; lautik bat, berriz, garraiobide publikoak "motelak" iruditzen zaizkiolako; eta
%6 "ordutegiak egokiak ez direlako".
Asteburuetako joan-etorriei dagokienez, Euskadiko gazteen erdia bere udalerritik
kanpo doa lagunekin asteburuan. Norberaren edo beste norbaiten autoan joan ohi
dira gazte gehienak udalerritik kanpo. Nabarmendu beharra dago, hala ere, leku
batetik bestera joateko ibilgailu propioa duten gazte gehienek ez dutela hura
erabiltzen gauez parrandan ateratzen direnean.
Asteburuetan autoz ibiltzen dira, nagusiki, gizonezkoak, Araba eta Gipuzkoarrak, eta
gazteetan zaharrenak (hots, 25 eta 29 urte bitarteko gazteak).
Bizkaiko gazte gehienek, ordea, metroa hartzen dute asteburuetan; norberaren edo
beste norbaiten autoa baino gehiago.
Astelehenetik ostegunera ez bezala, jende andana biltzen den lekuetara joan ohi dira
gazteak asteburuetan, hau da, Euskadiko hiriburuetako merkatalgune handietara,
hiriguneetara, eta alde zaharretara.
Merkatalguneetara doazen gazte ia guztiak autoz doaz.
Hala ere, Euskadiko hiru hiriburuetara joateko hainbat garraiobide erabiltzen dituzte
gazteek. Horietan garraiobide publikoak dira nagusi. Goazen, bada, hiriburuetara
joateko garraiobideen datuak ikustera: Bilbon, esaterako, metroa da gehien erabiltzen
den garraiobidea; haren ondotik dira, hurrenez hurren, autoa eta oinez joatea.
Donostia hirigunera joateko, berriz, gazteen heren batek autoa erabiltzen du. Autoaren
ondotik erabilienak hiri-busa eta aldiriko trena dira. Arabako hiriburuan, azkenik, oinez
ibiltzen dira gazte gehienak (hirutik bi).
Mintzagai ditugun joan etorriek, bestetik, hainbat arazo sortzen dituzte asteburuetan
nahiz astean barrena. Gazteen 10etik 7k uste du trafikoa arazo larria dela Euskadin.
Iritzi horri eusten diote, gehienbat, Gipuzkoa eta Bizkaiko gazteek eta 20 urtetik gorako
pertsonek.
Ingurumen-arazoei dagokienez, poluzioarekin eta errepideetan ibilgailu gehiegi
egotearen ondorioz sortzen den poluzioarekin daude arduratuta gazteak. Hala ere,
desberdintasunak daude taldeen artean. Emakumezkoak, esaterako, mutilak baino
kezkatuago daude ingurumenarekin. Gidatzen duten gazteetatik, azkenik, ingurumena
zaintzeko asmoz autoa etxean uzteko prest dauden gehienak emakumezkoak dira.
Ondorioak
110