III. Gazte Plana 2020ren marko orokorra - Gazteaukera - Euskadi.net

EUSKADIKO III. GAZTE PLANA 2020
2. ARDATZA: BIZI-KALITATEA ETA GIZARTE-KOHESIOA
9. AREA: MUGIKORTASUN IRAUNKORRA
Mugikortasuna aztergai izango dugu atal honetan. Mugikortasun kontzeptuaren
barruan sartzen dira, esaterako, ikastera edo lanera joateko edota aisialdian gazteek
egiten dituzten leku-aldatzeak edo joan-etorriak.
Hortaz, gazteen joan-etorriak aztertuko ditugu eta haien beharrak hauteman.
Ondoren, behar horiek asetzeko asmoz, garraiobideen eta azpiegituren inguruan
hainbat neurri proposatuko ditugu.
1. Abiapuntua: auziaren egoera
"Euskadiko gazteriaren mugikortasun espazialaren ereduak" izeneko azterlanetik hartu
ditugu atal hau idazteko datu gehienak. Gazteriaren Euskal Behatokiak egin zuen
aipatutako azterlan hori, eta Eusko Jaurlaritzaren Argitalpen Zerbitzu Nagusiak 2008an
argitaratu 97 . Datuak beste nonbaitetik hartu baditugu, oin-oharra jarri eta iturria
zehaztu dugu.
Hel diezaiogun, beraz, gaiari. Ondoko hauek dira, oro har, EAEko garraioen ezaugarririk
adierazgarrienak:
- Lehen baino salgai eta pertsona gehiago dabil errepidean.
- Ibilgailuen kopurua etenik gabe hazi da.
- Lehen baino lur-eremu handiagoa erabiltzen da ibilgailuekin lotura duten
azpiegituretarako: errepideak, aparkalekuak, eta abar.
- Zirkulazioaren beharrak ezin dira ase.
- Errepidean ibilgailu gehiegi ibiltzen dira eta, ondorioz, lehen baino auto-ilara eta
arazo gehiago dago.
EAEko gazteen mugikortasun-ereduak aztertu aurretik, aipatu beharra dago gidatzeko
baimena duela gazteen %60,2k; eta berezko autoa (%38,5) edota motorra (%2,4) duela
EAEko gazteen %40,9k.
Eguneroko mugikortasunari dagokionez, ondoko hauek dira astelehenetik ostiralera
egiten diren joan-etorrien ezaugarriak:
107