Untitled - Gazteaukera - Euskadi.net

EUROPA HELMUGA
5. Prestakuntza EB-n
Parte-hartzaileen artean irekitasunerako eta tolerantziarako gune bat sortzea
da ERASMUS programaren helburu nagusia, hainbat nazionalitatetako gazteak
naturaltasunez eta erraztasunez nahasteko bitartekoak jarriz. Gainera, kulturen
arteko elkarrizketa sustatzen du, eta gazteak animatzen ditu “europar” pentsamoldea
eduki dezaten, ikasterakoan ez ezik, lan egiterakoan ere mugikortasuna erraztuz.
Erasmus programak 3 milioi ikasle bilduko ditu 2012an, ikasle bakoitzari atzerrian
esperientzia bat bizitzeko aukera eskainiz.
Nork har dezake parte Erasmus programan?
- Ikasketak zabaldu nahi dituzten ikasleek: ikastaldia egiten dute Europako beste
herrialde bateko goi-mailako hezkuntzako erakunde batean.
- Ikasleak praktiketan: praktikaldia egiten dute Europako beste herrialde bateko
enpresa edo erakunde batean.
- Goi-mailako hezkuntzako erakundeetako eta enpresetako irakasleak eta
langileak.
ERASMUS programak diru-laguntzak ematen ditu mugikortasun indibidualeko honako
ekintza hauetarako: Erasmusek estatu kideetako ikasleen lekualdatzeetarako dirulaguntzak
ematen ditu, goi-mailako hezkuntza-zentroetan ikasteko edo prestakuntza
jasotzeko edota enpresetan, prestakuntza-zentroetan, ikerketa-zentroetan edo
bestelako erakundeetan egonaldiak egiteko aukera izan dezaten. Mugikortasun-beka
horiek eskatzeko, jarri harremanetan dagozkien unibertsitateekin.
ERASMUS
Erasmus esperientziei buruz gehiago jakin nahi baduzu, kontsultatu Erasmus ikasleen
nazioarteko elkartearen web-orria.
www.esn.org/ [EN]
!
OHARRA: Eusko Jaurlaritzak ere Erasmus ikasleentzako bekak eskaintzen
ditu, baita nazioarteko unibertsitate-mugikortasuneko eta goi-mailako
arte-irakaskuntzetako beste programa batzuetarako bekak ere.
Informazio gehiago gidaren 8. atalean, bekei eta praktikei buruzkoan.
99