Untitled - Gazteaukera - Euskadi.net

4. ENPLEAGUA EB-N
4.1. ENPLEGUA AURKITZEKO GOMENDIOAK ETA AHOLKUAK
4.1. A. Non bila dezaket lana?
Europako Esparru Ekonomikoan (EEE), pertsonen zirkulazio askea oinarrizko eskubide
bat da, eta horrenbestez, EEEko langileek EEEtik kanpoko herrialde batean lan
egin dezakete lan-baimenik gabe. Atxikimendu-itunetan ezarritako aldi baterako
xedapenen eraginpeko Estatu kide berrietako herritarrei aplikatzen zaie langileen
zirkulazio askea. “Estatu kide berrientzat ezarritako aldi baterako xedapenak”
izeneko atalak Estatu kide berriekin zerikusia duten gaiei heltzen die berariaz.
4.1. B. Zer hartu behar dut kontuan LANA BILATU aurretik?
Europako beste herrialde batean bizitzeak eta lan egiteak zenbait arazo ekar ditzake
berekin, hala nola kultura berri batera egokitu beharra, atzerriko hizkuntza batean
lan egitea eta guretzat ezezagunak diren gizarte-segurantzako eta zerga-arloko
erregimenekin ohitzea. Hautatutako herrialdeari buruz ongi informatzea da
prestatzeko modurik onena. Zure gaitasun pertsonalak eta zure erabakimena ere
kontuan hartzekoak dira, baita, jakina, zure kualifikazioak eta atzerriko hizkuntzei
buruz duzun jakintza-maila ere.
Europako lan-merkatuaren sektore batzuek aukera handiak eskain ditzakete zuretzat,
hala nola turismoak eta zerbitzuek (finantza-zerbitzuak, kudeaketa-aholkularitza,
eraikuntza, informazioaren teknologiak eta osasun-sektoreko segmentu batzuk), baita
nekazaritzako aldi baterako lanak ere. Gogoan hartu, halaber, lanpostuen eskaintzari
dagokionez, alde handiak daudela Europako Esparru Ekonomikoko eskualdeen artean,
eta, gainera, egoera oso azkar alda daitekeela.
Lan merkatuari buruzko informazio gehiago nahi baduzu, Europako Esparru
Ekonomikoko herrialdeen arabera, sakatu hemen:
http://ec.europa.eu/eures/main.jsp?acro=lw&lang=es&catId=2648&parentId=0
69