Untitled - Gazteaukera - Euskadi.net

3. HIZKUNTZAK
3.1. HIZKUNTZAK IKASTEKO
Hizkuntzak pertsona guztientzat dira baliagarri, adina eta bakoitzak hizkuntzak
ikasteko dituen arrazoiak edozein izanik ere. Oztopo pertsonalak eta nazionalak
gainditzen laguntzen dute hizkuntzek, eta europarrei elkarren artean komunikatzeko
aukera ematen diete, baita lankidetzan aritzeko, lan egiteko, ikasteko eta bidaiatzeko
aukera ere.
Europar Batasunak Europako beste hizkuntza batzuk ikastera animatu nahi ditu
Europako herritarrak, merkatu bakarraren barruan mugikortasun profesionala
eta pertsonala errazteko eta kulturen arteko harremanak eta elkar ulertzea
ahalbidetzeko.
Eurobarometro berri baten arabera, Europar Batasuneko herritarren erdiek adierazi
dute euren ama-hizkuntza ez den beste hizkuntza batean hitz egiteko gai direla,
gutxienez. Ehunekoak aldatu egiten dira, herrialdeen eta gizarte-taldeen arabera:
Luxenburgoko herritarren % 99k, Letoniako eta Maltako herritarren % 93k eta Lituaniako
herritarren % 90ek gutxienez hizkuntza bat ezagutzen du bere ama-hizkuntzaz gain;
Hungarian (% 71), Erresuma Batuan (% 70), Espainian, Italian eta Portugalen (% 64),
berriz, gehiengo zabal batek bere ama-hizkuntza baino ez du ezagutzen. Gizonen,
gazteen eta hiriko herritarren artean gehiago dira atzerriko hizkuntza bat hitz egiten
dutenak emakumeen, zaharren eta landako herritarren artean baino.
NOLA IKASI
Hizkuntzak ikasteko esperientzia atsegina eta oso esker onekoa izan daiteke.
Bakoitzaren premietara eta eskuragarri duen denborara egokitutako metodoa
aurkitzea da garrantzizkoena.
Aukera bat baino gehiago daude:
1. Ikasi zure erritmoan: hainbat hizkuntza bakarka ikasteko ikastaroak daude,
askotariko ikus-entzunezko euskarri eta testu-liburu biltzen dituztenak.
2. Irratia eta telebista: kate askok hizkuntza-ikastaroak eskaintzen dituzte.
3. Internet bidez: gero eta gehiago dira hizkuntza-eskolak eskaintzen dituzten
orriak, askotan soinu, irudi eta guzti.
41