Untitled - Gazteaukera - Euskadi.net

12. BOLUNTARIOAK
12.1. SARRERA
Jendeari laguntzen diozun bitartean gaitasun berriak eskuratu nahi al dituzu?
Boluntario izanik, jende berria eta beste kultura batzuk ezagutuko dituzu eta
esperientzia errepikaezina biziko duzu; horrek guztiak eragin positiboa izango du
zure etorkizuneko karreran. Atzerrian izan zaitezke boluntario, edo zure etxetik
hurbil. Jarraian aipatuko ditugun webguneen bidez, Europan eta munduan boluntario
izateko dauden milaka aukerak aurkeztuko dizkizugu. Esate baterako, Europako
Boluntario Zerbitzua, gazte-trukeak eta auzolandegiak.
12.2. NAZIOARTEKO BOLUNTARIOAK
Nazioarteko Boluntario Zerbitzua aurreko mendean sortu zen, 1920. urtean, eta
hainbat esparrutako ekintzak biltzen ditu, hala nola hezkuntza-alorreko lankidetza,
boluntarioak larrialdi eta katastrofe humanitarioetan, prebentzioa eta landagarapena.
Europako Boluntario Zerbitzuak baino perspektiba zabalagoa du.
Prozesuan hiru parte-hartzaile nagusi daude: boluntarioa, erakunde igorlea eta
erakunde hartzailea.
Kontuan izan behar da erakunde igorlerik ez dela beti izaten. Irabazi-asmorik gabeko
zenbait erakundek ostatua eta otorduak eskaintzen dizkiete gazteei berariazko
programetan laguntzako eta lankidetzako lanak egitearen truke. Oporrak edo gure
bizitzako aldi bat igarotzeko beste modu bat da; beste hizkuntza eta/edo kultura bat
ezagutzeaz gain, interes sozial, kultural edo humanitarioko proiektu batean lagun
dezakegu. Erakunde bat edo beste aukeratzeko garaian, hainbat faktore izan behar
dira kontuan: zer alorretan lan egin nahi dugun, non egin behar diren boluntariolanak,
zenbat denbora dugun eta gure berariazko prestakuntza.
12.2.A. Euskadiko gazteak lankidetzan programa
Euskal Autonomia Erkidegoan bizi bazara, 20-31 urte badituzu eta jarduera gauzatuko
den herrialdeko hizkuntza baldin badakizu, programa honen bidez boluntariozerbitzua
eskain dezakezu Amerikako, Afrikako edo Asiako herrialdeetan, hiru
hilabetez.
155