Untitled - Gazteaukera - Euskadi.net

EUROPA HELMUGA
11. Europako programak
5. EKINTZA. GAZTERIAREN ALORREKO LANKIDETZA EUROPARRA SUSTATZEA
Ekintza honen helburua da gazteen alorreko eragileen arteko elkarrizketa bultzatzea;
gazte-mintegiak, mintegi nazionalak eta nazioz gaindikoak indartzea; gazteen
eremuan elkarlan politikoa garatzen laguntzea, eta gobernuz kanpoko erakundeen
arteko kooperazioa sustatzea.
11.4. 1. EKINTZA: GAZTEAK EUROPAREKIN
11.4.A. 1.1. Ekintza. Gazte trukeak
Ekintza honen bidez hainbat nazionalitatetako gazte taldeen artean trukeak egin
daitezke. Gazteen garapen pertsonala eta prestakuntza-prozesua bultzatzea da
helburua, trukearen fase guztietan modu aktiboan parte hartuz; gainera, beste
herrialde batzuetako bizitza (ekonomiari, gizarteari eta kulturari dagokienez) hobeto
ulertzea lortu nahi da, herritarrekin zuzeneko harremanak izanik, kulturarteko
ikaskuntza bultzatzearren.
Truke horiei esker, gazteek lankidetzako eta laguntasuneko harremanak egiten
dituzte hainbat Estatutako taldeekin eta aukera-berdintasuna sustatzeko lagungarri
izaten da.
Trukeak 13 urtetik 25 urtera bitarteko gazteen artean izaten dira, betiere programan
parte hartzen duen herrialde batean bizi badira. Gazte-trukean gutxienez 16 gazte
eta gehienez 60 gazte behar dira. Truke-jardueraren iraupena 6-21 egunekoa (joanetorriak
ere kontatuta) izango da.
Irabazi-asmorik gabeko edozein erakunde edo elkartek proposa dezake gazte-truke
bat egitea, edo gazteekin lan egiten duten tokiko, nazioko edo eskualdeko elkarteek,
edo gazte taldeek.
Finantzaketa: Jarduera horren gastuen zati bat ordaintzeko diru-laguntzak daude.
Erkidegoko diru-laguntza baterako finantzaketaren printzipioan oinarritzen da;
horrek esan nahi du programak soilik ez duela estali behar kostu guztia. Bidaiaren %
70 ordaintzen da, baita prestaketako eta jardueretako gastuak ere.
Prozesu osoan jarrera aktiboa eta parte-hartzailea izan behar da. Trukea prestatzeko
fasean parte hartu behar duzue, baita ebaluazioan ere, trukearen aurretik, bitartean
eta ondoren.
149