Untitled - Gazteaukera - Euskadi.net

GIDA NOLA ERABILI
ESKAINTZEN DUGUN INFORMAZIOA
Europar Batasunak mugikortasun-gaietan (enplegua, prestakuntza, hizkuntzak,
boluntario-lana eta abar) eskaintzen dituen aukera guztiak Euskadiko gazteei helaraztea
da gida honen helburua. Gidaren atal bakoitzean, atalaren azalpena aurkituko duzu,
baita eskura dituzun baliabideen azalpena ere.
Eskaintzen dizkizugun baliabide publiko zein pribatu guztiak honako irizpide hauei
jarraiki bildu dira:
1. Eusko Jaurlaritzaren web-orrietan eta aldizkari ofizialetan egindako bilaketa.
2. Euskal erakunde eta instituzioetako (unibertsitateak, aldundiak, boluntarioelkarteak
eta abar) webguneetan egindako bilaketa.
3. Europako webgune ofizialetan (Gazteen Europako Ataria, Europa ataria) egindako
bilaketa.
4. Beren lanarengatik ezagunak diren Europako gazteen atarietan egindako
bilaketa.
5. Gazte- eta ikasle-foroetan eta mugikortasun-arloko foroetan ere ikerketa batzuk
egin ditugu, iritziak jasotzeko.
Gida hau argitaratzean, web-orrietarako loturak indarrean zeuden, baina Internet
azkar aldatzen denez, lotura eta eduki horiek alda daitezke. Aldaketaren bat
antzematen baduzu, edo, besterik gabe, atal edo informazio bati buruzko iritzia bidali
nahi badiguzu, jar zaitez gurekin harremanetan: gaztebehatokia@ej-gv.es. helbidera
idatzita. Zure laguntza balio handikoa izango da guretzat, ondorengo argitalpenetan
aplikatzeko.
Azkenik, nabarmendu beharrean gaude, batetik, guk ezin dugula gure gain hartu
aipatutako enpresen zerbitzuen kalitatearen erantzukizuna, eta, bestetik, enpresa
batzuek kobratu egiten dutela egindako lanaren truke. Gure ustez, hautatu aurretik,
hobe duzu aukera bat baino ge hiago bilatu, aukera horiek alderatu eta ahalik eta
informaziorik osoena bildu.
13