Read more @@@ Tahan Times Vol.2 no.7—PDF - Zoin.Info

VOL.2 NO.7 | BI-WEEKLY JOURNAL 8 OCTOBER 2012 MONDAY 

vanhlupuii [puitei] 

pu Kapnghinga 

pi Danthangi 

tahan [B]

2 | TAHANTIMES 

Tahan BaZaR ZinG BORuaK 

Tahan bazar awmna hi Tahan khaw laili a ni tih i hria. Bazar kang sak that 

leh hnu hian a chhungah eiin leh anhnah zawrh an phal tawh lo tih erawh 

chu i hre lo mai thei. Mahse, bazar chhehvel, pawn lam kawng sir velah hian 

eiin zuar leh anhnah zuar ho an thu tih chu i mit ngeiin i hmu thin ang. Chu 

chuan Tahan bazar zing boruak a siam dan pawh chhut duh la chuan i hre 

mai ang. Bazar pawn kawng sira anhnah leh eiin zuar an thut a ngaih miau 

chuan kawng a tawt lo thei lo va, hei hi kawng sira thil zuarte thiam loh pawh 

a ni ngawt lo, awmna dang ruahman la awm tlat hek lo. Tichuan, thirsakawr 

leh bike chuanga bazar kal hovin an thil lei laiin kawng chepah chuan an 

thirsakawr leh bike an tung ding lo thei lo va, chu chuan kawng tawt chu a 

titawt zual lo thei lo bawk. Hei pawh hi thirsakawr leh bike chuangte thiam 

loh a ni chuang lo, khalh luh phal lohna dan awm hek lo, an khalh lut a, 

a tawt zual a ni ve mai. Hetih laia motora luh phet lo tùm erawh hi chu a 

hawihhawm loh thlak ve hranpa a ni a tih theih ang, kea kal mah kan tawt 

naka laia. 

Nia, kea kal mah kan tawt naka laia bike rawn chuang thenkhat hian 

rawn luh tlang par par tuma horn an rawn hmet ri tuar tuar thin hi chuan 

thin hi an tirim phat thin. Chu tiang zingah chuan i tel ve em? I lo tel ve palh 

hlauh a nih chuan a rang a rangin sim ang che, hawihhawm loh thawmhnaw 

a ni. 

Tahan bazar pawn lam hi a tawt a, a bik takin zing lamah a tawt leh 

zual. Chu chu i hre reng a. Anhnah leh eiin zawrhna bazar hran a awm lo tih 

pawh kan hrilh tawh che. Thirsakawr leh bike leh motor luh phal lohna dan 

pawh a awm chuan loh avangin i lut thin tih keini paw’n kan hria. Mahse, 

hawihawm ve ta deuh che! I hmanhmawh viau a nih chuan kawng dang 

zawh mai la. Helai kawnga i kal a ngai tlat a nih chuan kea kal-te zai ngai ve 

mai rawh. Highway a ni lo tih pawh i hriat reng kha. Ke-a kalte hmaizahna 

nei chhete eih lova rawn kal tlang i tùm khan i nihna a lang a nia, i kawng 

kal danin i nihna a hril, i mawl chu inti dawt lo mai ang. 

Ke-a kal pawh khan ‘bazaar hmun a ni e’, tih mai avang khan i hnung, 

i hma, i ding leh vei ngaihtuah lek lovin vir vut vut suh. Lirthei luh khap a ni 

lo kan tih tawh kha, an su vir nawk mai ang che. 

Kan sawi chipchiar seng lo, a pawimawh bera chu hawihhawmna a ni. 

Lirthei khalh pawh, thil zuar pawh, ke-a kal pawh ni la, mi tibuai lo zawng 

leh mite ngaichang thiam zawnga chet i zir a ngai a ni. I hawihhawm loh 

lutuk thin avangin hawihhawm loh chimawmzia i hriat theih nan chu thu chu 

hawihhawmna tel miah lovin kan hrilh che a nih hi!n 

Kan RaM pRESiDEnT u ThEin SEin Chu aMERiCaah 

Kalin unO GEnERal aSSEMBlY-ah Thu SaWi 

China ram a tlawh hnuah President U Thein Sein chu September 24 khan 

America-ah a kal a. New York-a buatsaih UNO General Assembly-ah September 

9, 2012 zing lam dar 10-12 thleng thu a sawi a. Tlai lamah Asia Society 

Institute-ah pawh thuchah a sawi bawk. 

Chu bakah America-a awm Myanmar chhungkua te, Myanmar Taingyintha 

leh UN-a culture vawnhim kawnga kan ram mi hna thawktute nen pawh an inhmu 

khawm. October 1, 2012 khan kan ramah U Thein Sein chu a rawn kir leh. 

Kum 50 chhunga kan ram President America-a zin hmasa ber a ni ta.n 

[Pyi Myanmar] 

domestic news 8 October 2012 Monday | Vol.2 No.7 

Kan RaM pRESiDEnT u ThEin SEin Chu aMERiCa 

RaMah a Zin, hEi hi KuM 46 ChhunGa Kan RaM 

hRuaiTu aMERiCa-a Zin hMaSa BER a ni 

Kan ram President U Thein Sein chu September 24 khan America ramah a zin 

a, kum 46 chhunga kan ram hruaitu America-a zin hmasa ber a ni. Kum 1966 

khan kha tih laia Prime Minister U Nu chu America ramah a zin a, chumi hnuah 

U Thein Sein hi a zin ve leh ta chauh a ni. 

President U Thein Sein hi America ram buatsaih UNO General Assembly 

(vawi 67-na)-a tel tura zin a ni a, September 27 khan he Assembly-ah hian thu 

a sawi ve nghe nghe. A zinnaah hian America ram thuneitute, ram hrang hrang 

hruaitute leh mi langsar tak takte a kawm bawk. Chu bakah September 27 khan 

''Asia Society'-ah thu a sawi bawk. Kan ram President Office director U Zaw 

Htay chuan, "He America zin boruak hian ram leh hnam tan hamthatna eng 

emaw tal a thlen kan beisei. Kan beisei kan han tih tak hi eng nge tih chuan, 

kan ram President leh ram hrang hrang hruaitute inkarah inzawm tawnna tha 

lo awm tur hi a ni. Inzawm thar tha leh tura kal a ni. UNO General Assembly-a 

thu a sawiah pawh kan ram insiam that chungchang te, ram dangin dik lo taka 

ngaihdan an neih Rakhine State buaina te pawh a sawifiah. A tih tur hmabaka 

chona nasa takah engtin nge ram dangin an puih theih tih thu pawh a sawi," a ti. 

He a khualzin hi Daw Aung San Suu Kyi America-a a zin nen a inrual bawk. 

Media lamin hemi chungchang an zawh pawhin kan ram mi tho a ni a, a chhuanawm, 

a ti a. President U Thein Sein rilruah engmah harsatna a awm lo. A lawm 

hle zawk a ni. Ram chhung media lamin US-a U Thein Sein a zin hi thil lawmawm 

leh danglam tak niin an tarlang hlawm. Kan ram chanchina chhinchhiah 

tlak a nih thu an sawi. Hei hian kan ram tan thil tha a thlen ngei pawh an ring. 

September 25 khan President U Thein Sein leh Daw Aung San Suu Kyi chu The 

Mark Hotel-ah minute 15 chhung nel takin an inkawm bawk. Kan ram democracy 

hruaitu Daw Aung San Suu Kyi chu October ni 3-ah kan ram a rawn thleng 

leh tawh a ni.n[Weekly Eleven] 

DaW aunG San Suu KYi-in uS pRESiDEnT 

BaRaCK OBaMa a KaWM 

National League for Democracy 

Party President 

Daw Aung San Suu 

Kyi chuan September ni 

19-a US Congressional 

chawimawina a dawn hnuah 

US President Barack 

Obama nen an inkawm. 

American Congress chuan 

2008 May thla khan Daw 

Aung San Suu Kyi chu 

chawimawina gold medal 

hlan turin a thlang tawh naa khatih lai khan Daw Aung San Su Kyi chu house 

arrest-a a tanlai a nih avangin a dawngsawng thei lova. Tun tuma United Statesa 

ni 17 chama a zin tum hian a dawng thei dawn chauh a ni. 

Chawimawina gold medal a dawn ni hian Daw Aung San Suu Kyi chuan, 

"Khawvel hmun tam takah chuan zalenna hi mumang ang lek a la ni" a ti a. 

"Democracy hi kan za atana beiseina meichher a ni," a ti bawk. Myanmar hi 

inthurual tak, ralmuang taka hmalam a pen theih zel a beisei thu a sawi bawk. 

Congress-in a pek gold medal hi House Speaker John Boehner-an a hlan 

a. Kar leh lamah Daw Aung San Suu Kyi hian American-a top official-te bakah 

democracy tana hma latu hran hrante nen an inhmu bawk ang. America a thlen 

hlim September ni 18-ah US Secretary of State Hillary Clinton nen an inhmu 

a, washington-a US Institute of Peace-ah thu te a sawi. Chumi tumah chuan 

Daw Aung San Suu Kyi hian Myanmar ram laka hrekna dan US sawrkarin a lek 

mekte phelh lehzual tura a duh thu a sawi chhuak a ni. 

Kumin kum tir lam khan Daw Aung San Suu Kyi hi Thailand leh Europe-ah 

te a zin tawh a. Chumi tum chuan 1991 kuma Noble Peace Prize an pek te amah 

ngeiin a va dawng a ni. Tun tum a zin hian Myanmar atanga America rama pem 

lutte tam takte chenna Indiana State-a Fort Wayne pawh tlawh a tum.n[CNN]

8 October 2012 Monday | Vol.2 No.7 

LocAL news 

SpEaKER pBK-a Tahanah: a GOSpEl vCD hRalh a Kal hlE 

Gospel hla, 'Tingtang mawi,' 'Nun Thuhruk' tea kan hriat lar em em gospel singer PBK 

Liankhuma'n Tahan a rawn tlawh. PBK-a hi gospel singer mai a ni tawh lo va, nikum (2011) 

atang khan chanchin tha hrilin 'speaker' a ni tawh a, thu sawi rawngbawlna lamah pawh a 

inhmang nasa tawh a ni. Mizo ram chhimlamah 'Lai Christian Church'-ah leh hmun dangah te 

pawh rawngbawlna a nei fo tawh thin. Tun tuma a lo kal pawh hian Believer's Church-ah zan 

hnih leh nithum rawngbawlna a nei. 

Tun hnai mai khan PBK-a hian Hakha gospel hla VCD a release thar a. He 'Khawiah 

dah kan tlau' tih gospel VCD-ah hian Hakha hla 8 leh Falam hla 4 a khung a, Mizoram chhim 

lamah release hmasak a ni a, a hnuah Chin State-ah theh darh leh a ni. A rawngbawlna hla te 

Pathianin a malsawm a, hralh a kal hle a, tun tuma Tahana a rawn ken 300 pawh kar lovah a 

zo nghal thuai a ni. PBK-a hian Hmar tawng pawhin gospel hla a thun tawh a, Tedim leh Hindi 

gospel hla te pawh thun a la tum thu a sawi. 

Tahana rawng a bawl hnu hian rawngbawl tura sawm lawk a nihna Yangon lamah Evan 

Engzama nen September 29 khan an thawk thla ta a ni.n 

MiZORaM SYnOD SEniOR EXECuTivE SECRETaRY 

REv. vanlalZuaTa Tahan-ah 

Mizoram Synod Senior Executive Secretary 

Rev. Vanlalzuata September ni 17 khan Tahan 

a lo thleng. Rev. Vanlalzuata hi Presbyterian 

Church of Myanmar kohhran Phai Synod-in 

rawngbawl tura a sawm a ni a, Pu R. Lalthangzama 

(Pu Zamtea) Republic East Raltex Collection 

neituin a rawn tawiawm a. Yangon 

atangin Upa Lallunghnema'n a rawn zui chho 

bawk. 

Phai Synod hian a huam chhunga Pastor 

thawk mek leh pensioner te nen lam sawm 

khawmin 'Retreat' a buatsaih a. Chuta 'Resource 

Person' atan Mizoram Synod Senior 

Executive Secretary ni mek Rev. Vanlalzuata hi a sawm a ni. 

September ni 17-20 chhung hian Pastor-te retreat program-ah hun a hmang a. Phai Synod 

huam chhunga Pastor 25, pensioner 5 leh Tedim synod atangin pakhat, an za-in 31 ten he 

program hi an hmangho a ni. 

Zan lamah September 17 Thawhtan zan atangin zan tin, September 23 Pathianni zan 

thlengin mipui vantlang tan 'Vantlang Pathian Biak Inkhawm' buatsaih a ni a. He inkhawm 

hi PCM Tahan Venglai kohhran biak inah hman a ni a. Tahan khawchhunga kohhran hrang 

hrangte bakah thenawm khaw hnaivai mai ni lo, Phulmawi lam atangte pawhin chhimtu an 

awm avangin biak in khatin mipui an pungkhawm thin a ni. 

Speaker Rev. Vanlalzuata thupui chu 'Khawvelin Isua a mamawh' tih a ni. Rev. Vanlalzuata 

hi 'I inah hawng rawh', 'Tuinung Lui', 'Sawi nawn leh rawh' leh 'Lawmna Kim (Rawngbawlna)' tih 

bu-ah te thu ropui tak tak a ziak leh a sermon mi chawm tak tak lo chhiar tawh mipui tam tak an 

awm a, a thu sawi te a takin, a nung hle a, ngaithlatu mipuiten hlawk an ti hle a ni. A sermon leh 

inkhawm program zawng zawng VCD-a siam nghal a ni a, a tukah lei theih tura buatsaih peih 

zel an ni a, siam zat zat a zo nghal. Retreat-naa thupui thenkhat mipui tan bika lak chhuah, a 

bu hrana siamte pawh mipuiten an hlut hle a, an inchuh zo thuai a ni. 

Heng program hman zawh hian Rev. Vanlalzuata hian Letpanchaung, Pyinkone leh Myohla 

te pawh a tlawh chhuak vek a, rawngbawlna a nei nghal bawk a. 

Rev. Vanlalzuata hi 1954 September 24-a piang a ni a. Zirna lamah HSLC (1978) B.Th 

(1983) BD (1986) zir chuak a ni a. 1984-ah rawngbawlnaah a lut tan a, 1986-a nemngheh a ni. 

Fapa 5, fanu 1 a nei. 

A rawngbawl hna zo taka a hlen hnuin September 26 ni-ah Kalaymyo atangin Yangon 

panin an thlawk thla a. Yangon-ah hian ni hnih thum a cham hnu-ah September 29-ah Myanmar 

an chhuahsan dawn a ni.n 

TAHANTIMES | 3 

pYinKOnE Khuaah 

SaTEl pahnih an ChhaR 

September 17 khan Pyinkone bazar thlang kawngah satel te 

reuh te pahnih an chhar hlauh mai. Tunah hian a chhartu leh 

an thenawmten pakhat ve ve an kawl a. An chaw atan kawlbahra 

hnah, kuangkuah leh rihnim rah an pe thin a. Mak ve tak 

chu tuiah an awm duh tlat lo hi a ni. He satel pahnih hi khawi 

atanga lo kal nge a nih pawh an hre hauh lova. A chhartu Pu 

Hmangaiha te hian an chhar ve ngawt mai a ni. Tui lian eng 

emaw atanga Pyinkone khuaa vak lut a nih an ring ber. 

Satel hi ramah an awm deuh ber a. Tuiah an awm thei a, 

leiah pawh an awm thei. Sawi tawh angin he satel pahnih pawh 

hi leiah an awm duh ber a, tuiah chuan an awm duh meuh 

lo. Satel sa hi a tui mai bakah a hrisel em em a. A tui phei 

chu nungcha tui zinga hang ber a tih theih hial ang. Lung satel 

chungchang an sawi huai huai laia he satel pahnih an chhar ve 

ngawt mai hi thil mak danglam tak chu a ni ve reng reng.n 

lunG SaTEl lEh BaWK 

He lung satel hi Hmuntha khaw 

bul ramngawa chhar a ni a. A 

chhartu hi Yan Myo Aung khuaa 

khawsa a ni. He pa hnen atangin 

Hmuntha khuaa khawsa mek 

Pu Rem Za Thang chuan dilin 

a nei ta a ni. Amah Pu Thang hi 

Pyinkonegyi khuaa awm thin a ni 

a. Hmunthaah hian kohhran lam 

hna thawkin a awm mek. He lung 

satel rih lam hi buk 5 chuang a ni 

a. A pian hmang chu a tung-sawl 

a ni. Lung lama mithiamte hnena 

endiktir pawh a la ni lo. A hmui ni awm tak zum ve deuh a nei 

bawk. A hnuai lam pawh a mam deuh vek a. Satel a ang khawp 

mai.n 

KaWlKulhah FOOTBall 

TOuRnaMEnT aWM MEK 

Football season kan thleng chho leh ta bawk a. Kawlkulh khua 

chuan Football Tournament ropui an buatsaih leh ta. September 

26-ah khelh tan a ni a. He Tournament-ah hian Football 

team 32 an tel a. A ropui mup mup dawn khawp mai. He cup hi 

Pu Biakchhawna fapa Lalhriatpuia hriat rengna atana chhuah a 

ni a. Lawmman pawh pathumna thleng buatsaih a ni a. Lawmman 

tha tak tak buatsaih a ni bawk. Pathumna hi 31.10.2012-ah 

an inchuh ang a. Final chu 1.11.2012-ah khelh a ni ang. 

A tel team-te lo tarlang ta ila: Letpanchaung, Hmunlai, 

Myohla, Tuivar, Tayakone, Khawpuichhip, Satawm, Chantagyi, 

New Hmuntha, Sanmyo, Tuingo, Thingunau, Vutbuak, Tahan 'A', 

Tahan 'F', Varpui, Tahan 'B', Pyinkone, Segyi, Sekan, Kawlkulh 

'C', Taungtha, Myohla, Tahan 'G', Saikhua, Kawlkulh 'B', Tahan 

'C', Sadaw, Minn Hla, Kawlkulh 'A', Tahan 'D' leh Taungphila te 

a ni. Han en mai hian tunge pakhatna la ang tih hriat a har hle 

mai a. Pa leh pa an inkhuainuai rap rap mai dawn a ni. Tunlaia 

khel tha nia langte han sawi ta ila: Tahna 'F', Vutbuak, Myohla, 

Satawm, Tuivar, New Hmuntha te hi a lang sar zual chu an ni a. 

Mahse heng team-te hian pakhatna an la ang tih a sawi theih 

hauh loh. Ball hi a mum tlat avangin a chak zawk tur nia kan 

ngaihte chak loh chang a tam thei khawp mai. Zofate hian football 

khelh kan ngaina a. Hei hi thil lawmawm tak a ni. Infiamna 

hi mihring taksa hriselna atan a tha hle a. Zofa thangthar zelte 

pawn an uar deuh deuh dawn ni pawhin a lang. Chu mai bakah 

'Hriat rengna Cup' tlawmngai taka chhuahtu, Tahan leh a chheh 

vel khuaahte kum tin an awm zel thei hi thil lawmawm tak a ni 

bawk.n

4 | TAHANTIMES internAtionAL news 

TaTTOO a TaKSa puM DEuhThaWa inChhu, 

DRaMa pROFESSOR vlaDiMiR FRanZ-an CZECh REpuBliC 

pRESiDEnT nih a Duh 

September ni 20 thu thara a lan danin Vladimir Franz chuan Czech 

Republic President nih a chak a, a khel mek a ni. A taksa 100-a 90 

chu tatto hlirin a khat. He Czech Republic president candidate hian 

chanchinbu tan leh ama taksa vuna hman tur pentui a khawhral 

nasa a ni e. 

Vladimir Franz hi artist, leh Eastern European rama drama professor 

a ni a, a hmel han en mai pawhin amah vote thlak chakna 

bo duak thei khawpin a lang naa, Czech Republic office sang ber 

thuthmun chu a chuh ve tlat mai a ni. A taksa pumpui 100-a 90 

chu tattoo a inchhu dum khat tlat. A lan danah a dangdai lutuk 

naa Franz hi Czech university hming tha taka drama professor lar 

tak a ni thung. Lemziah thiam tak zah kai a nih bakah 'opera' hla 

phuah thiam a ni bawk tiin Daily Mail chuan a tarlang. Kum 53 mi a 

ni a, law zirna lama graduate, doctorate hial ni tawh a ni a, mahse 

sawrkar hmasa, communist sawrkar vanga ei zawna thlak ta a ni. 

A taksaa pentui kai tam lutuk, tial ruan maite han en chuan Franz hian fiamthu thawhin a incandidate 

ve em ni tih mai tur a ni naa, amah erawh chuan hnehtu chan chan ngei a duhzia, a 

tih takzia a sawi a, a tattoo vanga tlin loh phah hi a inrin miah loh thu a sawi tlat. 

Politics lama a ngaihdanah chuan Franz hian European Union hi a ring a, tha a ti a, amaherawhchu 

ram ropui leh ram te naute thliar hranga chet erawh khuahkhirh a tul a ti a. Marijuana 

hi damdawi anga hman chu a pawiti lova, lirthei khalh hmaa lo zu an awm erawh chuan na taka 

hrem turah a ngai. Artist a nih ang bawkin 'Pussy Riot' ho kha a thlawp a. Russian president 

Vladimir Putin nena buaina an tawh tak chungchangah 'mihring zalenna a awm lo' a ti a, hei hi 

'indona tawp thei lo' a ni a ti. 

Franz hi pentui a intikai nasa tih hi sawi a hlawhna a ni ngei a. Nakum maia neih tur electiona 

Czech Republic president ni tur hian a chan chu a la chhe lua deuh a ni. Prague Monitor-in 

mipui ngaihdan a khawn khawmnaah vote za-ah 6.6 chauh a hmu a. A eng lama thlir erawh 

chuan Facebook atanga a lan dan maiah mi 25,000 chuangin an duh ve thung.n[Huffington] 

inDia hMaR ChhaK STaTE-ah Tui lian vanGin 

Mi MTD 2 vElin in lEh lO an ChhuahSan 

India hmar chhak state-ah tui a lian a, in leh lo 

chhuahsan mi mtd 2 chuang an awm a, India 

Airforce-a helicopter leh sipaiten rubber dinghy 

(taikuang lawng) te hmangin September ni 25 

khan ei tur leh in tur te an sem a ni. 

Ram hmar chhak Assam state bial pakhatah 

chuan khaw 27 zinga 19 chu tuiin a chim hlawm 

a, kar kal ta khan mi 13 an thih phah a ni tih ‘Desaster 

Management ‘ lam thu chhuakah tarlan a 

ni. North East hi rethei te te tamna bial a ni a, 

Bramaputra lui pui hi tum thum lai a lian tawh 

bawk a. Tibet ramri-a hnar nei Bramaputra lui hi a kam te kumtin a bal nasa thin. Sawrkar hian 

tui lian vanga tangkhang leh chhawmdawl ngai te hi a tanpui nasa a ni. Amaherawhchu khaw 

chhiat vangin chhawmdawl hna hi a kalchakpui theih tak tak loh a. 

Kar kal ta chhung khan khawtual mite leh opposition party member-te chuan sawrkar 

chhawmdawl hna a muang tiin lungawi loh entir nan kawng te an zawh a. 

Assam leh state dang sawm laiah Bramaputra lui pui hi a ‘danger level” (hlauhawm chin) 

aia sangah a la pun reng tih central water resources department chuan a puang. Assam Health 

Minister Himanta Biswa Sarmah chuan tui lenna hmunah tuihri, kaw thalo leh typhoid natnate a 

thlen loh nan hriselna lam uluk taka venghim turin a chah a ni. India leilet mite hian ruah tui an 

mamawh ve hle na a, ruah tam lutuk vangin kuminah tui lian leh lei min a nasa em em a, nunna 

tam tak an chan ta thung a ni.n[CNN] 

v ရပ္ေ၀း ၿမိဳ႕ရြာမ်ားသို႔လည္း 

အိမ္တိုင္ရာအေရာက္ 

ျပဳလုပ္တပ္ဆင္ေပးႏိုင္သည္။ 


BEiJinG-a KaWnG ZaWhTEn 

uS aMBaSSaDOR MOTOR an SuaSaM 

Beijing-ah mi 50 velin 

kawng an zawh a, 

US Ambassador motor 

a suasam chiam 

mai. Mahse a chhe 

nasa lutuk lo hlauh. 

US leh China hi tun 

hma atanga policy 

inang lo an ni a, tunlai 

khawvelah pawh 

ram inep zinga a lian ber an ni hial ang. Japan leh China hi 

tunlai hian thliar-kar inchuhin an inngur nasa hle a. Japa duh 

loh entir nan China mi tam tak chuan kawng an zawh mup mup 

reng a. An zinga mi 50 vel chu US Embassy lamah kalin tihian 

motor hi an sawisa ta a ni. US Ambassador Gary Locke erawh 

a inhliam lo hlauh. Mahse he thil hi thil tha lo tak a ni a ti a, a 

hlauh thawn thu pawh a chhak chhuak nghe nghe. China ramin 

ka ta a ni a tih thliarkar chu Japan hian ka lei dawn a ti hem mai 

a. China chuan Japan chu a haw ta hle mai. 

Japan nen inthian tha tak America pawh China hian a bitum 

ta zel a. Lybia, Yemen leh Egypt rama US Ambassador-te beih 

an nih hnu lawkah tihian China-a US Ambassador motor chuan 

beih a tawk leh ta a ni. He tih lai hian US Osprey thlawhnate 

Japan-ah dah fel a ni a. China tan chuan thinur thlak tak tur a 

ni. Heng V-22 Osprey-te hi thil chi hrang hrang ti thei tura siam 

an ni a. Helicoper angin ngil takin a tum thei a. Thlawhna angin 

a thlawk thei bawk. Hman nia lo chhuak 'Innocence of Muslims' 

lehkhabu avang khan US duh lohna chu ram hrang hrangah 

tihlan a ni a. Heng ram Pakistan, Afghanistan, Iran, Indonesia, 

Iraq, Bangladesh, Sri Lanka leh Lybia-ah te nasa takin US duh 

lohna an lantir hlawm.n[AFP] 

EnGlanD lal Tupa nupuiin Mipui hMaa 

Thu SaWi hMaSaKna BER FOREiGn-ah a nEi 

England lal tupa nupui Kate 

Middleton-in mipui hmaah 

thu a sawi vawi khatna chu 

Malaysia ram Kuala Lumpurah 

a ni. He mite nupa hi Asia– 

Pacific lamah an zin kual a. 

Kuala Lumpur-a natna benvawn 

an enkawlna damdawi 

inah an kal dun a ni. Hetah 

hian damdawi thawktute leh 

dam lote hmaah Kate hian 

thu a sawi a. Malaysia-a hotute 

chuan naupangho dam 

lo enkawl dan thar chu an 

nei tan a, hemi atan hian 

Kate te nupa hian tanpuina 

pawh an hlan nghe nghe. A 

thusawiah taksa, rilru leh natna dang dangte enkawl kawnga 

Malaysia hma lak dan chu a fak.n


internAtionAL news 

SYRia RaMa huMan RiGhTS pal ZuTa KalTE liST Chu 

unO-in a SiaM MEK 

Syria ramah tual chhung indona a chhuak nasa hle a. 

Mihring dikna pal zuta ralthuam hmanga mi that chiamtute 

list chu UNO lamin a siam mek.UNO-a heti ang 

lama an hotu Paulo Sérgio Pinheiro chuan heti anga 

pawikhawihna rapthlak tak titu hi a finfiahna nen chiang 

takin an chhinchhiah vek thu a sawi. Heti anga endiktute 

sawi danin hel lamin an man an sawisak hrep aiin 

sawrkar lamin an sawisak hlum tak chu an tam zawk 

fe a ni. August thlaa Syria ram endiktuten an endik 

tum pawh sawrkar lam mi an sawisak leh hmeichhia 

an pawng sual hi an tam zawk thu an lo sawi tawh a. 

Hel lam pawh hemi thuah hian an fel famkim bik lo. An 

finfiah zelna (evidence) pawh chiang zawk a awm theih nan beihpui an thlak zel bawk.n[CNN] 

MuMBai BEihnaa TEl QaSaB-an 

inDia pRESiDEnT hnEnah KhaWnGaihna Dil 

Qasab chu Mumbai beihnaah mi tam tak thih chungchangah 

thiam loh chantir a ni. Kum 2008 Mumbai 

beihnaa tel ve Pakistan mi Mohammad Ajmal Amir 

Qasal chu thi tura tih a nih avangin president hnenah 

khawngaih a dil a. A tanna Arthur Road jail thuneitute 

chuan a khawngaih dilna lehkha chu President Pranab 

Mukherjee-a office-ah an thawn a ni. 

India Supreme Court chuan thi tura a chungthu rel 

chu a thlawp a. 2010 May-ah khan tual thah leh thu 

buai dang avangin thiam loh chantir a ni tawh a. 2008 

beihnaah khan mi 166 an thi a ni. Silai keng mi pakua 

chu thah vek an ni. Khami tum darkar 60 lai Mumbai-a mi an hren kha 2008 November 26-a intan 

a ni. Hotel changkang, railway station leh Jew culture centre te bitum a ni a. Qasab leh a thian 

pakhatte chu railway station-a che an ni a, mi 52 an that a ni. 

Opposition party, Bharatiya Janata Party (BJP) chuan Qasab-a khai hlum chungchangah 

muanchan tur a ni lo tiin a nawr nasa a. Mahse legal expertte sawi danin Qasab-a tihlum tur hian 

thla tam hun a la mamawh ang a ti a. Correspondent-te sawi danin India hian 'khai hlum' dan hi a 

la kengkawh naa khaihlum tak tak chu an ti khat hle a ni. 1995 hnu-ah mi pakhat chauh an la khai 

hlum a ni.n[CNN] 

China Tuipuia ThliaRKaR China lEh Japan-in an inChuh 

Japan sawrkar chuan China ram nena an inchuh mek, China Sea-a 

thliarkar te te chu tuna a neitu nia an ngaih mek Japan chhungkaw 

pakhat kut atangin a lei tak mai avangin China sawrkar chu a lungni 

lo hle. 

Heng thliarkar hi China-in Diaoyu, Japan-in Senkaku tiin an ko 

a. Heng thliarkar a lei ta mai hi Japan hian China chhaihkawlh a tum 

vang a ni lo, henglai bial remna leh muanna a awm phah an beisei 

vang zawk a ni tiin Japan sawrkar chuan a sawi. 

China sawrkar thung chuan hetianga Japan-in thliarkar a lei mai 

hi China ram Sovereignty a khawih luih a ni a, an ngawi mai mai 

dawn lo tiin China Foreign minister chu a ang ve thung. Japan sawrkar 

hian China ram hetianga a chona hi titawp vat se, chuti ni lova 

duh duha thil a tizui a nih chuan mawh an phurh tur thu a sawi zawm 

bawk. 

He thliarkarte (islets) hi Indopui pahnihna zawh atang khan Japan 

sawrkar enkawl a ni a, mahse China leh Taiwan te'n an ta tiin an 

chuh ve reng bawk a ni, China chuan kum za tam tak an ta reng a ni 

a, Ming Dynasty hun atang daih tawha an ta ni tawh angin a sawi. 

A thliarkarte hi lung khawrawk tak tak a ni na a, a velah sangha 

a tam bakah a leilung chhungril takah leihnuai resources tha tak tak a awm beisei a ni. 

Hetia inchuh thubuai kal mek ang reng awm a nih vang hian Japan sawrkarin a han lei ta kher 

chu China a lawm lo hle a. Mipui sang tam tak ten kawngte an zawh a. September 18 Thawhleh 

ni-ah chuan Japan flag te an hal a, Japan Embassy pawh tui um, apple leh artui-te in an vawm a 

ni. US Ambassador Gary Locke pawh a mawtawr mi 50 rualin an hual a, Embassy-a a lut tan an 

zar buai hle a ni. 

China sawrkar chuan sipai lawng paruk lai a tir a, he an thliarkarte inchuh bul hnaiah a inchhawp 

a. Mahse Japan lawng ten kalsawn tura an tih angin paruk zinga pahnih chu an kal kiang 

leh ta a ni.n[Reuters] 

iaEa-ah Mi DiK lO an aWM Tiin iRan laMin SaWi 

IAEA (International Atomic Energy Agency)-ah mi dik lo an awm avangin dik lo takin thu an 

chhuah thin tiin Iran chuan a sawi. Vienna, Austria-a an buatsaih IAEA General Assembly-ah 

Iran hruaitute chuan ti hian an sawi ve thung ta a ni. 

Iran rama nuclear siamna hmun chu endik tura IAEA an thlen hmain a puak a, current 

rei tak a awm lo. IAEA hi management lamah an tling tawk lo hle tiin Iran lam chuan an sawi 

bawk. UNO chuan Iran-in nuclear a siam chu tawp turin a nawr, thu tlukna pawh a siam. 

Mahse Iran hian awih duh lovin an chhun zawm a, IAEA member ram 35-te chu an hlau 

thawng hle a ni. IAEA hotu chuan Iran-in nuclear a siam a hlawhtling dawn lo a ti a. Iran nena 

ram thenkhat hruaitute inbiakna pawh a kal tluang thei lo. n 


BahRain pOliCE ThEnKhaT Chu 

KaWnG ZaWhTuTE KuT an ThlaK 

avanGin hEK an ni 

Nikum lam khan sawrkar 

duh lohna entir 

nan Bahrain rama mi 

thenkhatin kawng an 

zawh a, mi tam tak an 

man. Chung an mante 

chu police-in an sawisak 

avangin a sawisatu 

police officer 7 chu hek 

an ni. He an hekna hi 

damdawi lama thawktute 

police officer-ten 

an sawisak thua hekna lut a ni a. Damdawi lama thawk mi 

6-te chu police-te hian an dawp a, an sawisa ta a ni. An zinga 

police officer pahnih chu nasa lehzuala thu buai awrhtir an 

ni a. An mante hi thu an zawh fiahnaah thu dik lo sawi luihtir 

tumin an sawisa ta a ni. Heng police 7-te hi October ni 1-ah an 

thubuai an rel a. An zinga police 5-in an awrh thubuai hi chu 

a lian tham vak lo. June thlaa an man damdawi lam thawktute 

pawh an zalentir leh tawh a. Damdawi ina thawk heng mite 

hi kum 2011 March thlaa kawng zawhnaah an lo tel ve a, an 

man ta a ni.n[AP] 

liBYa-a aMERiCa aMBaSSaDOR 

OFFiCE BEihnaah aMERiCa 

aMBaSSaDOR lEh ThaWKTuTE Thi 

Libya ram Benghazi khuaa awm America Ambassador office 

chu September 11 khan silai keng pawl khatin an bei a, America 

Ambassador leh thawktu mi pathum an thi. He beihna a 

thlen hma hian Muslim hotu Mohammad-a demna lam video 

film a chhuak a, Egypt leh Libya ramten an duh lo hle. September 

zan dar 11-ah Ambassador office hi silai leh bomb 

hmanga beih a ni a. America Ambassador Christopher Stevens 

leh thawktu mi pathum an thi ta a ni. Office pawh a kang 

hluah hluah mai. Libya ram police-te leh America security-ten 

office hi lak let tumin an bei nasa hle a, September 12 zing 

lam dar 2-ah an la let leh thei chauh a ni. America ram chuan 

a sipai chhuanvawr Marine pawl pawh Libya ramah a thawn 

lut nghal bawk.n[CNN] 

BO ZaWnna 

Mahluna tia koh, a hming tak Lalhlunthanga 

(Hla Maung) hi August ni 22 

Nilai tlaia in atanga a chhuak a bo 

nghal a. 

Malaysia-a kum hnih lai hnathawk 

tawh a ni a, a lo hawn atangin a rilru 

lamah thil fel lo a awm a. A tawng tlem 

hle a, amah hi kum (31) mi (1981, 

April ni 16-a piang) a ni. Feet 5 leh 

inchi 4 vela sang, vun ngo lo, hang lo 

a ni. Khabe hmul a zuah thin. 

Hmu in awm chuan a hnuaia address-ah hian min hriattir 

thei ula kan lawm khawp ang. 

Saingura 

Letpanchaung 'D' group, Bazar bul 

Hrangsaikhuma, Kawlkulh


TuRKEY RaMa Sipai GEnERal pEnSiOn TaWh 

paThuM Chu RaM ChhunGa lalna laK TuMa 

an ChET avanGin KuM 20 lunG in TanG DaWn 

Turkey rama sipai General hlui 

pathumte chu ram chhunga lalna 

lak tuma puh niin Turkey court 

chuan kum 20 lung in tang turin 

an chungthu a rel fel ta. He thu hi 

BBC atanga hriat a ni. Thu dawna 

a lan danin sipai officer lian 330 

pawh tela puh an ni bawk. Thil 

sual ti lo nia an hriat mi 34 chu 

an chhuah leh a. General pension 

tawhte hi a tirah chuan dam 

chhung lung in tang tura tih ni mahse, a hnuah kum 20 chauh tang turin an ti leh 

ta a ni. An zinga pakhat hi kum 2003-a ram chhung buainaah a phen atanga lo 

che ber nia puh a ni nghe nghe. He pa hian an chungthu an rel hmain tihian a 

ti. "Court hian dik takin ro a rel lo, a fair lo." 

Kum 1960-1980 chhung khan Turkey rama ram chhung lalna inchhuhsak hi 

vawi thum a thleng tawh bawk.n 

MEXiCO-ah lEi hnuai vERh aTanGin lunG in 

TanG 130 an Tlan ChhuaK 

Mexico ramah lung in tang 130 

chuang Ameirca ramri bulah leihnuai 

verh tlangin an tlan chhuak 

tih September ni 19 Press TV 

chanchin-ah tarlan a ni. 

He tan in hi Coahuila state 

Piedras Negras khuaa awm a ni 

a, he thil hi September ni 18-a thil 

thleng a ni a. He khua hi America 

ram Texas bial Eagle Pass 

khaw bul lawka awm a ni. Tangho 

hian tan in hungna hnuaiah verh 

tlangin an tlan chhuak a ni. An 

tlan chhuah atanga darkar khat hnu-ah pawh vengtute hian thil awmzia an la 

hre lo fo a. Mexico police-te chuan tang tlanchhuak zinga pakhat pawh man 

theitu chu USD 15000 pek an nih tur thu an puang nghal a. Mexico ramah hian 

hetiang deuha tang tlan chhuah thu hi a khat tawkin hriat tur a awm reng mai 

a ni.n 

naMiBia RaMah nau TiTla lEh nauSEn 

pianGhliM paih Thla Tin an aWM REnG 

Africa ram zinga pakhat Namibia-ah nau titla leh 

nausen piang hlim paih thla tin an awm reng mai. 

Namibia rama an khawpui Windhoek-ah heti anga ti 

thin an tam hle a, thla khatah mi 40 lai an tling thin. 

Bawlhhlawh mai niin an sawi. Heti anga an tih hian 

nu te thiam loh a ni ber a. Hmeichhe pawng sual a 

hluar vang pawh niin an tarlang. Ni tin deuh thawin 

hmeichhia an that a, nausen an paih deuh reng a 

nih chu. Heti anga sual khawih thinte hi hmeichhe 

(nula) naupang lam an ni deuh ber. Namibia ramah 

hian mi maktaduai 1.2 vel an awm a. Ram hausa lo ve tak a ni bawk. n 

worLd crime 8 October 2012 Monday | Vol.2 No.7 

'innOCEnCE OF MuSliMS' FilM laTu DiRECTOR, 

naKOula BaSSElEY naKOula a nih Thu puan 

a ni: a laKah a ChanGTuTE an lunGaWi lO 

Lybia ramah khan kan 

hriat theuh angin 'Innocence 

of Muslims' film 

avangin buaina a chhuak 

a. US Ambassador leh 

thawktu pathum laiin nunna 

an chan phah kha a ni 

a. He film-a director chu 

America rama dan lama 

an hotu pakhat chuan a 

sawi chhuak a. He film 

hian Islamist-ho dona 

lam a hawi a, dorector 

chu kum 55 mi Nakoula 

Basseley Nakoula a ni a, 

mahse ani chuan he film hi ka lak a ni lo a ti ve thung. Nakoula chuan a driving 

licence a hmuhtir a, mahse a hming lai 'Basseley' chu a kut zungpuiin a hliah 

tlat a ni. Kum 2010 khan California bank-ah dawt a sawi avangin a chungthu rel 

a lo ni tawh a. USD 790000 chawitir a lo ni tawh a, kum 1 lung in a tan bakah 

computer emaw internet emaw kum 5 chhung a khawih an khapsak a ni. 

He film-a a changtute chuan he film lak a nih dawn hian min bum a. Film 

channaa sawi tur film chan hmaa an lo zir lawk aiah record dang an thun a, an 

record-naa lo lang chu tawngkam ngei awm tak tak a ni an ti. He film-a director 

hi Israel mi a ni an ti a, mahse Israel thuneitute chuan Israel mi chhinchhiahna 

bu-ah a hming an hmuh loh thu an sawi ve thung.n[AFP] 

KuM 4 Mi, RuanG KaRah DaRKaR 8 a BiRu 

French ramah tual thahna rapthlak 

tak a thleng a, kum 4 mi naupang 

pakhat chu ruang karah darkar 8 

zet a biru a ni. Alps tlang bulah silaia 

inkah, tualthahna a thleng a, 

investigator te ruang endik tura an 

lo thlen hnuah chauh he hmeichhe 

naupang hi an hmu chhuak a ni. A 

hma khan he hmeichhe naupang 

hi police-ten an zawng chiam a, an 

hmu mai lova. "A-ni te hi, ruangin a 

lo delh a, a hlauh avangin a che duh miah si lova.." tiin police detective pakhat 

chuan a sawi. Britain ram atangin chhungkaw pakhat chu chawlh hmang turin 

an rawn zin a. French ram khawchhak lamah hian silaia kah an tawk ta a ni. He 

thilah hian an pa ber hming chu hriat a ni tawh a, hmeichhe dang thi pahnihte 

chu an la chhui mek a ni. A thi palina chu thirsakawr-a kal ve a ni a, mawtawr 

bula thi a ni. Hmeichhe naupang pakhat chu mawtawr nghengin a lo tlu reng a, 

a hliam na hle a, damdawi inah enkawl nghal a ni. Silaia an kah chiam mawtawr 

chu police-ho chuan an humhalh phawt a, investigator an lo thlen hnu-ah chauh 

nichina kan hmeichhe naupang sawi kha an hmu ta a ni. Ruangho hnuaiah a lo 

awm a, ani lah a che ngam si lo, a lo ni. 

He thil thleng hi 'Chher Lai' an tih khaw te pakhata mawtawr dahna, mawtawr 

pathum chauh dah theihna hmuna thleng a ni. He khaw te hi khaw mawi 

tak, Britain leh hmun danga mite rawn chawlh hahdamna hmun lar ve tak a ni. 

Tunah chuan French police te hian thil awmzia an chhui chiang mek a, heng 

ruang te hi thirsakawra veivak mi pakhatin a va hmu fuh hlauh a, police hnenah 

a report a lo ni.n[Daily Chilli] 

TAHANTIMES | Tahan Times duhsak Taka min chhiar sakTuTe hnena 6 

lawmThu sawina aTan 

• tun atang chuan tahan times page 20 zinga a zatve, page 10 zet chu 

color vekin kan chhu tawh dawn a, a man erawh a to phah chuang lovang. 

• Chuti chung chuan kan paper quality pawh kan tihniam chuang dawn lova, 

tuna kan hman mek ang a tha chi hi kan hmang zel ang. 

• Tun hma atanga fakna [advertisement] kan lo chhuah sakte tan a rate ngai 

thovin color kan hmansak bawk dawn. 

• Chanchinbu page awm zat pawh kan titlem chuang lovang. 

Tahan Times 

Tel. 09 47072961


MihRinG nEna ChEnG TlanG ThEi 

KhaWvlEa Rul lian BER 

America ram Kansas city-a khawsa Mr Edga-a vulh, feet 25-a 

sei Saphai chu mihring vulh, mihring nena cheng tlang thei 

zing-ah chuan a lian ber niin World Record-ah ziak luh a ni 

dawn ta. Mr Edga hian a saphai hi Medusa tiin a hming a 

phuah. He saphai hi kum 8 a nih a, a len zawng feet 24 a nih 

atangin a vulh tan a. Tunah chuan feet 25-a sei, a rih zawng 

pound 3000 a lo ni ta. Saphai chawi kang tur hian mi 25 velin 

chawi a ngai. World Record lam chuan mihring nena cheng 

tlang thei khawvela saphai (rul) lian ber a nih an pawm tawh 

a, kum 2013-ah an rawn ziak lut ang. Tun hmaa mihring nena 

cheng tlang thei rul lian ber chu Columbia ram Zoological Garden-a 

mi kha a ni a, kum 18 a tlin kum, feet 24-a sei a nih a thi 

tawh a ni.n 

KuM 2040-ah KhalhTu nEi lO 

MOTOR a ChhuaK anG 

IEEE chuan kum 2040-ah khi chuan motor kawngah khalhtu 

nei lo motor 75% vel kan hmu tawh ang an ti. Heng bakah hian 

building pianhmang leh society kalphung pawh a danglam an 

ring. Heti ang motor hi a lo chhuah chuan traffic rule leh traffic 

police pawh awm tul tawh lovah an ngai. Motor khalh phalna 

licence pawh a tul tawh lovang tiin IEEE lam chuan a sawi. 

Heti ang motor hi a lo chhuah chuan hmunpui pakhat neih 

a ngai ang a, hmunpui atangin an thlen chin, an thlen tumna 

leh an kal chhante pawh an lo hre thei dawn a ni. Hmunpui 

hian an control reng bawk ang. An insut palh loh nan pawh a 

khuahkhirh thei nghal ang.n 

generAL knowledge 

KhaWvEla ui lian BER 

America ram Michigan State-a Denise Doorlag-a 

ui chu khawvela ui lian ber record-a ziah luh a nih 

thu September 13 khan puan a ni. He ui hi a len 

em avangin hmanlai Greek thawnthua an pathian 

hming pakhat Zeus tiin a hming an phuah. 

Zeus hi a san lam inches 44 a ni. A neitu ai 

pawhin a sang daih a ni. He ui hi kum 3-a upa a ni 

tawh a, a neitu chuan en mai pawhin ui hlauhawm 

leh mi rap thei hial a ni a ti.n 


ZiRlai paKhaTin haMTER (SaZu a MEi TaWia a BianG uai 

Thla Chi) a ChhuM avanGin COuRT hMaah inlan 

Zirlai pakhat chu hamster a chhum hlum avangin 

court-ah a inlan. He pa hi kum 21 mi James White 

a ni a, Syrian hamster puitling a chhum avangin 

tul lo takin he sazu hian na a tuar a ni. New Yorka 

awm White thung chuan a thah loh thu court 

hmaah a sawi ve thung. He ina vulh chi sazu thih 

dan hi a chiang lo nia court-a thlen a nih avangin 

rorel chu tawp leh rih a ni a. White pawh bail 

chhuah nghal a ni a. October 4-ah White hi courtah 

a inlan leh ang.n 

FEET 900 ChuanGa SanG TlanGa 

inKuTSuih nupa TuaK MaK TaK Chu 

America ram West Virginia State-a awm Sinica 

tia a hming an vuah, feet 900 chuanga sang 

tlang pakhatah August thla lai hawl velah khan 

America mi ve ve ten inneihna an buatsaih. An 

hming chu Bob Ewing leh Antonie Hodge te an 

ni a. An inneih thlalak hi Internet lamah an tarlang 

a, entu mi 500,000 chuang an awm tawh. 

An hnam culture dress famkimin an inthuam a, 

Kristian pastor hmaah ngat kut an insuih ta a ni. 

An dinna hmun tak hi a zim hle mai a, inneihna 

hmuna kal thei pawh an tlem. A tel thei lote tan 

mo lawmna pawh a hnuah an buatsaih leh. Heti anga tlang sang taka inneih program hi mo 

leh mo neitu duh dan a ni ve ve.n 

KhaWvEla Mipa hniaM BER 

lEh hMEiChhE hniaM BER 

an inhMu 

'Guinness World Record 2013' lehkhabu an tlangzarhnaah 

khawvela mipa hniam ber leh hmeichhe 

hniam ber an inhmu a. Nepal ram mi kum 72-a 

upa Chandra Bahadur (a san zawng inches 21) hi 

nikum maiah khan World Record-ah ziak luh a ni 

a. India ram mi Jyoti Amge (a san zawng inches 

24) pawh hi nikuma kum 18 a tlin khan khawvela 

hmeichhe hniam ber a ni ta a ni.n 

tdrfaqmufypönf;a&mif;0,fa&; 

Rate dik takin kan zuar e. Duhsak taka min rawn 

dawr ve turin mi zawng zawng kan ngen a che u. 

Pu Thangdailova & Pi Zarzoliani 

အိမ္နံပါတ္ ၃/၁၉၊ ဗိုလ္ခ်ဳပ္လမ္း၊ 

စမ္းၿမိဳ႕ဘုန္းႀကီးေက်ာင္းေရွ႕ 

စမ္းၿမိဳ႕ရပ္ကြက္၊ ကေလးၿမိဳ႕။ Ph: 073-21451

8 | TAHANTIMES ceLebrity 8 October 2012 Monday | Vol.2 No.7 

KRISTEN STEWARD HLIM LEH THEI TA 

Robert Pattinson-a nena an inkar boruak a fel leh tak avangin Steward chu a hlim leh tan hle nia 

hriat a ni. Holly Wood filmstar lar Steward chu France ramah kalin a hlim hmel mawi tak hmuh 

a ni leh ta. 

Kum 22-a upa Steward hi France rama an buatsaih Balenciaga Spring 2013 fashion show 

en tura kal a ni an ti. Kristen-i hlim dan hi thup hleih theih pawh a ni lo va, Twilight film-a a chanpui 

Robert nen hian an inkar boruak a fel leh tak avanga heti anga hlim hi niin media lam chuan 

an tar lang. Snow White leh The Huntsman film director nen Steward-i hi boruak an nei a. He mi 

avang hian a bialpa nen hian hun eng emaw ti chhung an inbansan kha a ni a. 

Tunah chuan an hlim dun leh viau tawh niin an tar lang hlawm. Steward-i thiante chuan, 

"Steward hian Robert-a uiresan mah se, Robert hian a ngaidam. Steward tel lo hian a khawsa 

hlei thei lo tih a inhria. Eng lai pawhin an inhmangaih reng a ni. Buaina tawk mah se, tunah 

chuan an inngaidam ta. A hun lo awm zel turah hlim taka khawsak an tum," an ti.n 

SHAKIRA A RAI TA 

Columbia ram zai thiam leh Sexy em em Shakira chu a 

ruak ta lo tlat mai. A bialpa football khel thiam, Barcelona 

leh Spain ram defender Pique nena an fa hmasa ber tur 

a ni. Heti anga a lo rai takah chuan music chungchanga 

a program zawng zawng pawh a hmang thei dawn ta lo 

niin an sawi. Shakira hi World Cup hnuhnung bera a zai 

atang khan khawvelah a lo lar tawlh tawlh a, a mawng 

bawr a tihchet dan vel a zei hle a, mipa a hip em em a 

nih kha. Shakira chuan hetianga a bialpa laka fa a pai 

thu-ah a lungawi thu pawh a sawi chhuak tawh. Hrin hun 

an nghakhlel hle ni awm tak a ni. A fa tir tur hi an buaipui 

hle. Thil dang engmah an ti hman meuh lo a ni awm e.n 

CHERYL COLE-IN 

PASAL DANG 

NEI DAWN TA EM NI? 

America ram Hollywood hmuna a nuta birthday 

party-ah Ashley Cole nupui hlui Cheryl Cole 

chu a bialpa thar Tre Holloway nen an kal a, 

Cheryl Cole-i inchei dan chu a smart-in a dak 

zaih mai. A bialpa lam thiam hi Cheryl Cole 

chhungten an duhpui ang em tih pawh ngaihtuah tham tak a ni an ti a, mahse tunah chuan 

chuti anga ringtute pawn thu sawi an nei thei ta lo. Cheryl Cole chhungte chuan Tre-a chu 

tha takin an lo welcome a. Amah hi kum 27-a upa a ni a, Cole-i aiin kum hnihin a naupang 

a ni. Tre chu hmel thar a hmuh ngai loh hmaah pawh a zam mai mai lo. An innei dawn nge 

dawn lo tih pawh tuman an la hre thei lo. Anmahni ngei pawhin an la sawi thei lo.n 

kum 2012-a inThuam nalh Thei Berah 

FilMSTaR GWYnETh palTROW Chu 

PeOPle maGaZine-in a ThlanG 

Hman ni mai khan People Magazine chuan kum 2012 chhunga inthuam 

nalh thei berah filmstar Gwyneth Paltrow chu a thlang. He nu hi Cold Play 

zaithiam Chris Martin-a nupui a ni a. Kum 39-a upa a ni tawh. Ani hian 

British lal fapa nupui Kate Middleton te, R&B zaithiam Rihanna te, 

TV star Kim Kardashian te khumin ti hian an thlang ta a ni. People 

Magazine hotute chuan mi 42 an thlantir a, heti hian an thlang chhuak 

ta a ni. Kate Middleton chuan style mawi ber chawimawina a dawng 

ve bawk. Gwyneth Paltrow hian fashion khawvel hmasawnna a zui 

chuang lo, ama style hi a mawiin a simple hrim hrim a ni," a ti. 

R&B zaithiam Rihanna thung chuan fashion design la uar ber 

chawimawina a dawng thung.n


Zaithiam lar Adele '21' Album chu Billboard 200 ranking-a album hralh 

chhuah top 10 atangin a tla mthla ta a, mahse pop music history-a 

hralh chhuah tam ber zingah a tel tho. 

Kar 78 chhung top 10 a hauh khan Michael Jackson-a album 

'Thriller' top 10 nih zat a nih rual chiah a. Tunah chuan top 10 zinga a 

rawn luh veleh si-ah chuan kar 79 top 10 a rawn ni ta chiah a ni. 

Nielsen Sound Scan sales monitoring service figures-a a lan 

danin hman ni lawk khan Adele album hi copy 23,000 an hralh belh 

leh a. An hralh chhuah tawh zat chu US-ah copy maktaduai 9.76 a ni 

a, kumin kum tawp hma hian copy maktaduai 10 chu an hralh chhuak 

ngei ang. US-ah ngawt pawh copy maktaduai 10 chuang an hralh a 

nih chu. 

'21' chu kar 79 chhung Top 10-a a luh tak avangin kum 50 chhung 

a kar 79 chhung top 10-a awm thei hmasa ber a nih avangin a chhuanawm 

em em a ni. 

Kum 1958 chho khan South Pacific "Soundtrack chu kar 90 

chhung top 10-ah a lo awm tawh a. The 'Sound of Music" original cast 

album pawh kum 1960 chho khan kar 105 chhung top 10-ah a lo ni 

tawh a ni. Khawvela top 10 tling rei bawr dawttu-ah 'West Side Story' 

a ni a, kar 106 chhung top 10 a ni. Pakhatna hauhtu chu 'My Fair Lady' 

album a ni a, kar 173 chhung top 10 a ni a, kar 292 chhung chu kum 

(6 tep) top 40-ah a awm.n 

entertAinment 

'21' ALBUM THU:ADELE 

ChRiS BROWn vannEi TuRin a Bialnu hlui Rihanna a TaWnGTai 

Chris Brown-a a chungthu court-in a relna turah a bialnu hlui Rihanna chuan a vanneih 

theihna turin a lo tawngtai sak. Rihanna kut a thlak avangin kum 2009 khan 

inthen zai an lo rel tawh a. Mahse Rihanna hian a bialpa hlui hi a la thlah hlei thei 

lo a ni ber mai. 

Tunah hian drugs hman thuah Los Angeles court chuan Brown hi insawifiah 

turin a ko mek a ni. Brown hi June thla khan drugs hmanga puh a ni a. A hmang 

ngei niin an hre bawk. Virginia state chuan drugs hman hi dan lovah an lo ngai thin 

a. A hmang niin amah an endiknaah an hmu chhuak. Judge chuan a fel lohnaah atir 

chuan warning chauh a pe a. Tunah a chungthu a rel dawn tak tak ta a ni. 

Rihanna chuan, "Baby, i tan ka lo tawngtai e. Vawiina ka thil duh thusam chu i 

tan a ni ang. Pathianin kan chunga a tih pawh ka hria e. A fel vel vek theih nan ka 

duh thu sam ka hlan a che," a ti. Rihana hian Brown hi 'baby' tiin a lo ko fo tawh a ni. Rihanna chuan, "Kan inhmang 

tawn tak tak a ni. Ka hmangaih ber a ni bawk," a ti.n 

KuM 6 Mi naupanG Thih Thuah JuSTin BiEBER-a ChhinG MiTTui a FaR 

Justin Bieber-a chuan a fan nghet tak, cancer natna 

avanga boral ta, naupang kum 6 mi chu a lainat em 

avangin Bieber-a chhing mittui a far. Kum 18-a upa 

Canada mi Bieber hi he hmeichhe naupang kum 6 mi 

thih thuah a rilru a nat thu Twitter atangin a ziak chhuak 

ta a ni. Bieber chuan, "Ka hriat tawh zinga chanchin 

lungchhiat thlak ber a ni. Naupang leh a chhungte tan 

kan tawngtaisak tur a ni. Thlamuang takin chawl hahdam 

rawh Avalanna Routh, ka hmangaih che a ni," tiin a 

ziak. A naupan laia a thlalakte tichhuakin Bieber hian he 

hmeichhe naupang a sunna hi a ti lang a. " Ka lasi nu ti 

hialin a ziak. He hmeichhe naupang hi cancer natna vei 

a ni a. A hnenah pawh Bieber hi a kal zauh zauh thin.n 

ကၽြန္ေတာ့္အနာဂါတ္ေအာင္ျမင္မႈအတြက္ 

ဒီသင္တန္းဟာ အေကာင္းဆံုးေရြးခ်ယ္မႈတစ္ခုပါ 

Zam Ngaih lian 

IELTS-6.5[July, 2012] 

The TOEFL & IELTS Specialist 

international english language proficiency 

etS TOEFl [pBt] 

Cambridge iElTS 

• Foundation Cours/Test-prep Course ျဖင့္ 

တစ္ႏွစ္ပတ္လံုး 

သင္ၾကားေပးေနပါသည္။ 

Saya Michael KhuPPi 

ielc, Tahan Times အေနာက္ဘက္ကပ္ရပ္ 

တာဟန္းေစ်း အေရွ႕ေတာင္ဘက္၊ 'A' Group 

test preparation course 


TOP 10 BOXOFFICE 

1 Hotel Transylvania $42M 

2 Looper $21M 

3 End of Watch $26M 

4 Trouble with the Curve $23M 

5 House at the End of the Street $22M 

6 Pitch Perfect $5M 

7 Finding Nemo $36M 

8 Resident Evil: Retribution $39M 

9 The Master $10M 

10 Won't Back Down $3M 

TOP 10 MusIC alBuMs 

1 Babel Mumford & Sons 

2 Uno! Green Day 

3 Push and Shove No Doubt 

4 The Truth About Love P!nk 

5 Food & Liquor II Lupe Fiasco 

6 Album Title Goes Here Deadmau5 

7 Kanye West Presents Various Artists 

8 Away From the World Dave Matthews Bnd 

9 Tornado Little Big Town 

10 Battle Born The Killers 

Website: www.tahantimes.com 

E-mail: tahantime@gmail.com 

xl;jcm;csuf 

Past paper + audio CD မ်ား၊ အမွတ္ေပး 

စည္းမ်ဥ္းမ်ားျဖင့္ 

သင္ၾကားေပးေသာေၾကာင့္ 

အမွတ္ေကာင္းရဖို႔စိတ္ခ်ရသည္။ 

ဆရာကိုယ္တိုင္ 

TOEFL-610, TWE-5.5 of 6 / IELTS-8.0 

ရခဲ့သျဖင့္ 

2012 တြင္ တစ္ႏိုင္ငံလံုး 

Top 10 စာရင္း၀င္ျဖစ္ေသာေၾကာင့္ 

သင္တန္းသားမ်ားအတြက္ စိတ္ခ်ရသည္။ 

• trSwfaumif;&csif&if trSwfjrifhjrifh&xm;wJh q&mxH oif,lyg •

10 | TAHANTIMES Article 8 October 2012 Monday | Vol.2 No.7 

KHAWPUI MI 

ThaNgSavuNga 

Tlang mite hi kan changkangin hma kan 

sawn khawp mai. Civics zir lo pawhin 

mahni chhia leh tha hriatna conscience 

hmangin khawpui mi nih kan thiam 

thawkhat hle. Amaherawh chu civics zir 

lo ta fam chuan hmabak erawh kan la 

ngah niin a lang. Civics tih chu 'khawpui 

mi, khua-leh-tuia mi tangkai nih dan zirna' 

tiin Pu J.F-a chuan a hrilhfiah a. Ram mi 

tha leh tangkai nih dan zirna a ni ber awm 

e. A thlarau hran lo na-in mihring chengzaho 

invawn thianghlimna atan a tangkai 

hle a, mi a tifel a, a tihawihhawm a, dan 

leh hrai anga tuk ni lo mahse khawpui 

mi tiha mawi leh mawi lo, fel leh fel lo a 

thliar a, chenhona society a tichangkanga 

a tithlamuang bawk. Mi tinin mahni chanpual 

leh mahni mawhphurhna an hria a, 

mi thleng an zen tawm lo va, mi sadai an 

thiat bawk lo va, mahni zalenna an hum ang bawkin mi dang zalenna pawh an 

hriatthiampuiin an zahsak bawk. 

Kawl phaiah hian Zofaten khaw tam tak kan nei. Township khawpui, Kalaymyo 

zatve aia zau hi Zofate chenna veng an ni. Khawpui chhung insorkarna 

a fel zawk theihna atan Pinlung, Tat-u-thida, Taungzalat, Taungphila, Sanmyo, 

Tahan, etc. tiin veng hrang hranga then darh a ni ta a. Veng (ward) ti mah ila 

a chhunga cheng zat population pawh sing tel vek an ni. Khawpui chhunga 

cheng, khawpui mi leh sa vek kan ni ta a, khawpui mi tha leh tangkai nih kan 

tum a ngai ta a ni. 

A bik takin Tahan ward leh a chhunga chengte hmasawn dan hi i han thlir 

thuak thuak teh ang. Tunhma kum 30, 40 kal taa khaw te a nih laia thil awm 

dan han sawi ila. Thangtharte chuan in awih lo mai thei a ni. An thupui leh an 

chang thlan chu 'awm awl leh ei tui' a ni. Leilet pa chuan kum khatah thla thum 

chhung hna a thawk a, thla kaw chhung chu a awm awl mai mai thin. Hman 

awl thei nih an uanpui hle a. Nula tlangvalten an hun awl zawng zawng inrim 

nan an khawhral thin. A hmei a pa-in meizial an zu khu luih luih bawk. Chawlhni 

tlai hi inlar hun, walking hun a ni. Tlangval zawng zawng deuhthawin zu an 

rui a, kalkawnga mi an tawh phawt chu an su nghal rap a ni mai. Nunau leh tar 

upa lam tan a ralti thei hle. Veng tin kawtkawi tinah Dawntawia leh Lungmawla 

te insual thawm hriat tur a awm thin. Nulate lah chuan a huai huai, a chak chak 

an lawm a, hmuhnawm an ti phian lehnghal a. TV leh video en aia en an ni 

ber e. Tlangvalte thikthu lah chu a chhe thei hle a, an ngaihzawngte val dangin 

leng vak turin lo sawm chhuak hlauh se chuan an thiamthu sawi dan chu incho 

leh insual a ni mai. Tharum thawha thiam channa hun leh hmun a ni a, huai leh 

chak a ngai hle. Pu El-a te tel vena chi a ni lo. Huai leh chak chuan 'gang' angin 

pawl an nei a, gang-ho khat leh ho khat an inphek sual thin. Tin, veng khat leh 

veng khat pawh sairawkherha indo an ching bawk. Tin, hnam inthliarna pawh 

a hluar hle. Hnam nunphung leh hnam tawngte pawh fiamthu thawh nan leh 

indeusawh nan an hmanga chi tlem leh tawng dangdai deuh hmang tan chuan 

veng dang nula chhai theih rual a ni lo. Chala chil inhnawmtira inchotuahna 

avangin duh leh duh lova inbeih a ngai thin. Tin, zan tlaiah tingtang tuma vak 

an tam thei em em bawk. Ar ruk hmang an tam bawk. Heng hi hnam hnufual 

leh nunphung hniam lai, khaw te boruak a ni a, tunah chuan khawpui mi kan 

nih angin chungte chu kan pal dai thawkhat tawh niin a lang. 

Thangthar nula tlangvalte zingah inrim tlut tluta hun khawhral duh an awm 

tawh lo va, beer dawr, bar lamah dawhkan kilin an titi melh melh tawh an ti. 

Thalai meizial zu pawh an awm tawh mang lo nain kuhva, khaini, Raja, etc. 

erawh chu hralh a tlangtla hle thung a ni awm e. Khawpui mi leh sa an ni lo 

mai thei a ni. Zu dawra thute pawh an changkang tawh. Rui duh an awm tawh 

lo. 'Chhungte'n zanriah ei-ah min nghak ang' a nih loh leh 'Neitute zanriah ei 

an tlai ang' tiin an insaseng thuai thuai a, bengchheng hriat tur a awm ta lo. 

Nunau leh tar upa pawh thliar lova zu ruih vanga hmatiam hmiah hun a zo ta 

hi chu a thawventhlakin a thlamuan thlak ta hle mai le. A tawng apuia huai nih 

duh ai chuan dawih zawk nih chuh hi a huaisen thlakin a changkanthlak zawk 

si a. Tin, ar ru uma a veng puma phek buai luai luai a reh ta pawh hian veng 

boruak a tihrisel hle a ni. Zan tlaia tingtang nena au thler duar duar an awm 

tak loh avangin thlamuang tak leh tui takin kan mu thei ta. Ruk-ruk leh insuam 

erawh hi chu khawpui hri vei pakhat a ni a, fimkhur tluktu a awm lo vang. Tin, 

naupang te te-te inkawm duh dante pawh a changkang ta khawp mai. Kawi 

bah, cheng chai, marble perh, pawhfankual perh, kaihbu kaih, etc., an buaipui 

tawh lo. Kum nga la tling lote pawh pre-school leh nursery lamah an kal a, fel 

tak leh changkang taka enkawl an ni ta. 

Naupang leh thalaite'n hma an sawn angin nu leh pa leh puitlingte pawh 

hian khawpui mi nih kan tlin ve em le? Tualchhung insorkarna lamah te kan 

inhmang ve em? Kan chanpual leh kan mawhphurhnate kan hria em le? Mahni 

inhumhim thei tawkin dan leh hraite kan hre meuh em? Kan compound 

chhung chauh hi em ni kan then fai dawn? 

Kan kawt, kan kawmchhak, kan kawmthlang 

kalkawng tha leh hulhar tura thenel 

chhun leh hawk luan kawr tha taka siamte 

hi in tin, chhungkaw tin mawhphurhna a ni. 

Mi in luahtu tan pawh kan tih tur chin chu 

a awm a ni. Khawtlang hruaitute leh municipal 

thupek nghak lovin kan in bul mipui 

kalkawng siam that hi kan kova tla a ni. 

Municipal-in sorkar budget hmanga 

kalkawng leh lei a siam hi chu kawng khatin 

lo awm se la. Mahni khua leh veng a 

that leh a nawmna tura mahni neih leh tha 

senga kawtlai kawng siam tha ber chu Tahan 

leh Satawm veng nu leh pate an ni. 

Anni tluka mahni veng hmangaih an awm 

awm lo ve. Entawn an tlak hle, fak pawh 

an fakawm. Mipuiin an zar kan zo nasa em 

em. Amaherawhchu Zofate hmel leh Tahan 

hming a lanna ber mai, Tahan Bazaar leh a chhehvel erawh hi chuan duhthu 

a la sam zan lo niin a lang. Bazaar hian a neitu mipui hi a dawl zo lo pawh a ni 

mahna. Kawtthler dungah thil zuar kan la intlar del dul mai. Khawpui mi mita 

thlirtu chuan siam rem tur tam tak a hmu a ni awm e. Municipal leh khawtlang 

hruaitute mawhphurhna a nih hmel. Mimal hamthatna leh hlawkna um avanga 

mipui kalkawng pawh zah lova mipui tana harsatna thlen hi a khawpui mi lo. 

Mahni kan inngai pawimawh angin mi dangte pawh kan dah pawimawh tur a 

ni ang. Entawn tlak lo mi thil tih dan hi entawna zir ve kher a ngai lo. Tin, veng 

changkang leh khawpui hmelhmang a lan theih nan khawtlanga mawhphurhna 

neittute hian hmachhawp tha hisapna neih phak pawh a tul a ni. Tun hnua kan 

la mamawh ngei ngei tur – bazaar thar, vantlang lenna huan (park), motor, bike, 

bus station, indoor-a inkhelhna leh insawizawina gym, mipui vantlang inkhawmna 

townhall, etc. Tun atanga town planning tha taka duan leh reservation neih 

loh chuan kan la buai hnuhnawh ang. 

Aw le, hnam chi tin kan len zana Han khawpui sumtual zawl hi a chhe lai 

siam tha tur leh a pawp lai thawl phui tur hian a chhunga cheng khawpui mite 

hian a kila lung tangkai kan ni thei theuh a ni. Mahni thiam leh theihna zawn 

atang hian tan i la theuh ang u hmiang.n


Politics TAHANTIMES | 11 

pRESiDEnT u ThEin SEin-an 

un GEnERal aSSEMBlY-ah ThuChah a SaWi 

Khawvel sawrkar member 193 awmna 

he Pawlah hian Myanmar hruaitu 

thu sawi hmasa ber a ni. 

A thu sawiah President U Thein 

Sein chuan UN General Secretary U 

Thant leh Noble Peace Price dawng 

tawh Daw Aung San Suu Kyi te chu 

a fakin a chawimawi a, Myanmar democracy 

chungchag leh Kachin State 

leh Rakhine State buaina chungchang 

pawh a hrut tel. 

"Myanmar hian Foreign Policy 

zalen tak leh nung tak a kengkawh 

reng a, a policy dan bulpuiah te chuan 

international ram hrang hrangte 

muanna tur leh himna tur vawnhimna 

kawngah zangkhai taka hma la turin 

tar lan a ni a. Chutia hmalaknaah ram 

leh ram inkara ngaihdan inhmu lote 

an awm chuan boruak sosang lova a 

dam thei ang bera chingfel turin kan 

tanpui thin. Myanmar sawrkar dinna 

leh ngaihdan hi tun UN General Assembly 

high levela sawiho tura rawtna 

awm sa, 'International huap inhnialna 

emaw, intihbuaina emaw te hi tharum 

thawh lova a dam thei ang bera chinfel 

chungchang' tih thua UN thil tum leh 

duh dan nen pawh a inhne rem thlap 

a. Pu Chairman, kumin June thlaa UN 

thil tum, 'hmasawn leh changkanna 

lam chungchang Rio+20 inkhawmpui 

chungchangah ngaih dan leh thlir 

dan chi hrang hrang a lo piang a. 

Kha inkhawmpuiah khan tun hmaa 

rorel nemnghehna te, hmasawn leh 

changkanna kum hlun a lo awm theih 

nana tih turte bithliahin kum sangbi 

thil tum nena suihkhawm te, energy 

chungchang kumhlun tur ruahmanna 

siam te, hmasawnna leh changkanna 

atana ram hrang hrangte hma lakna 

pho lana ruahmanna siamsak te rel 

a ni a. UNO memberte hian khang 

rorelnate kha a taka bawh zui theuh hi 

thil tul tak a ni. Chuti chuan kan tu leh 

fa, kan thlah kal zelten ralmuang tak, 

hmasawn leh changkanna kumhlun 

awm mekna 'khawvel' an rochung 

thei dawn a ni," tiin President chuan 

a sawi. President chuan, "Tun General 

Assembly-ah hian kum 2015 hnua 

hmasawn leh changkan dan tur target 

ruahmanna siam thu te, dan dah 

lal thu te uluk taka sawiho tur a ni a, 

hei hi kan hun tawng nen pawh a inmil 

hle a ni." 

"Myanmar ram pawh hian democracy 

kawng a zawh mek a, hma pawh 

a sawn a, enge maw chen pawh kan 

hlawhting a. Heng hlawhtlinna te hi 

awlsam taka thawh chhuah a ni lo. 

Chu vangin a taka kan thil tawn te hi 

ka hrilh hre ve duh che u a ni. Tunah 

hian Myanmar hi a inthlak danglamin 

a insiam tha nasa a, hun tha a inher 

chhuak mek a, chona pawh a hmachhawn 

nasa a ni. He hun tawite 

chhungah hian Myanmar mipuite 

hian mak tak maiin thil tam tak an 

thlak danglam a. Mimal taka sawi 

chuan hisatory siam mek kan ni a, 

hetih laia Myanmar ram mipuite tana 

president mawhphurhna hlan ka ni hi 

ka inchhuang tak zek a ni. Kan sawrkar 

thar hian mawhphurhna kan lak, 

kum khat leh a chanve vel atang khan 

democracy-a inleh te, inthlak danglam 

hna te chu hluttaw, tatmadaw, judiciary 

(Ta-ya-yay) lam te, taingyintha-hote, 

political party te, NGO te, a bulpui 

berah chuan mipuite nen tang dunin 

hnung lama kir leh tawh hauh lo turin 

hma kan laho a ni." 

"Tun hma kha chuan mahnia ro 

inrel theihna (sovereignty power)-a 

power pathum, inawpna power, dan 

siam theihna power leh rorel theihna 

power te chu sawrkar chuan a pumbil 

vek a. Tunah chuan democracy 

kawng hmang takin engkim inveng 

tawn siin politics hi kalpui a ni tawh 

thung a. Chona tam tak awm mah 

se, hriat tham, langsar tham, hlawhtlinna 

chhuanawm tak tak hmuh tur a 

awm teuh tawh a. Lung in tangte an 

sual ngaihdama chhuah zalen, ram 

pawna khawsa politics group hrang 

hrangte zalen taka mahni rama an 

luh lehna tur kawng hawnsak, 2012 

by-election thianghlim leh fel fai taka 

buatsaih, Banpui palina tia an koh thin 

media lamte khuahkhirhna dan phelh, 

internet zalen taka hman phal, kut 

hnathawktute leh a hna neitute zalen 

taka pawlho din phalsak leh ram politics-ah 

mipuite zalen taka an inhman 

theihna tura kawng hawn...tihte chu 

kan thawhrah langsar zualte a ni." 

"Tuna kan ram politics-a thil 

thlengah chuan politics-ah party hran 

hran an tel tam ta hle a, an inkara indawhtawn 

theihna a awm zual theih 

nan, a party mal theuhin an bial an 

zauh zel theihna tur te, mipui, a aia 

tam zawk aiawhtu an nih theih nan te, 

mawhphurhna sang zawk an lak theih 

nan kawng zawn puite kan ti mek zel a, 

democracy bulthut insawhnghet mek 

hmuh tur a tam tawh a ni. Kan sawrkar 

leh a tua te inkarah pawh politics thila 

indawhtawnna a awm lehzuala engkim 

in hmatawna sawihoa chin fel zel 

eDiToR 

America ram New York UN Hq-a buatsaih UN General Assembly (67)-naah President U Thein Sein-an thuchah a sawi. 

tih ang chi politics hawihhawm tak hi 

kan din mek bawk a ni." tihte a sawi tel 

bawk. 

September ni 16-a America ram 

thleng thla ta opposition hruaitu, National 

League for Democracy party 

president, Pyithu Hluttaw palai, Noble 

Peace Prize dawngtu Daw Aung San 

Suu Kyi chungchang pawh, "Tunhma 

politics-a opposition leader, Noble 

Peace Prize winner Daw Aung San 

Suu Kyi ngei pawh tunah chuan hluttaw 

palai a rawn nih tawh bakah hlawttaw 

committee chairman dinhmun 

luahin hluttaw rorelnaah a tel tawh a. 

Tun hapta chhung khan New York-ah a 

cham mek a. Democracy tana a beihna 

vangin American sawrkar chuan 

chawimawina a hlan a. Myanmar ram 

mi, kei hian ka chhuangin ka lawmpui 

tak zet a ni. Myanmar-ah politics 

chungchanga kan hmasawnna te hi 

kan society politics dinhmun changkan 

chhohzia tilangtu a ni. 

Hetianga kan lo changkan chhoh 

chauh hian mipuite khawsak dinhmun 

chawikan nana pawimawh em em economics 

leh nunphung thlak danglama 

siam that hna kan thawk thei dawn a 

ni." tiin a fakin a chawimawi a, a lawmpui 

thute hial a sawi chhuak a ni. Ram 

chhung buaina Rakhine leh Kachin 

State chungchangah pawh ti hian a 

ti. "Democracy tluantling tak din tur 

chuan ralthuam kenga inbeihna te kan 

tihtawp thak a tul tih hi kan ring a. Chuvangin 

ram chhunga muanna kumhlun 

tur a awm theih nan hma kan la nasa 

a. Taingyinta-ho chenna hmuna kum 

tak tak chhung harsatna leh buaina lo 

awm tawh thinte chu tihtawp a, "From 

War to Peace" (Remna leh muanna a 

thlen theih nan inkah bansan) tih kan 

thupui angin hma kan la mek zel a. 

Kan inrintawn theihna tur inremsiamna 

kan neih theih nan sawihona kan 

nei tlang zui zel dawn. National levelin 

kan inbia anga, silai ri reh thakna tur 

inremna thuthlung kan ziah theihna 

turin kan bei zel dawn a ni. Myanmar 

ramin harsatna kan tawh mekte thawi 

dam turin sawrkar lam remna siamtu 

committee memberte leh Kachin taingyinta 

ralthuam kengte inhawng takin an 

sawiho tlang mek a, inrintawnna a awm 

theihna turin ruahmanna an siam mek 

a ni. Ralthuam kenga inbeihna avangin 

a tu lam lam pawhin chhiat tawk ila, 

'Myanmar ramin chhiat a tawk' tih hi kan 

thlir dan a ni." 

"Pu Chairman, hetianga kan sawrkarin 

politics, economics leh society 

nun phungte thlak danglam tura nasa 

taka kan beih lai mek hian rin loh takin 

harsatna dangin min tlak buak a. Rakhine 

State-a thil thleng kha a ni. Hemi 

chungchanga ka sawi hmasak ber duh 

chu kan ram Myanmar-ah hian mipui te 

hian, eng hnam, eng sakhua bia pawh, 

a hmei a pa inthliar hranna awm lovin 

thlamuang tak leh him taka khawsak 

theihna mimal taka zalenna an nei theuh 

a ni tih hi a ni. Tichuan he buainaah tan 

lam nei lo, thu lai tak vawtu tura ngaih, 

national levelin Hindu, Muslim, Budhist, 

Kristian, sakhua hran hrana mi, mipui 

zah kai chinte thlengin 'enquiry commission' 

din a ni a. Engtia bawhzui tur nge 

tih he commission hian thu rawn min pe 

ang a. Thil awm dan zawng zawng lang 

tlang takin kan hai lang ang a. Uluk takin 

kan buaipui a ni tih khawvelin a hriat 

theih nan Islam pawlho OIC, ASEAN, 

UNO, USA leh ram hran hran palaite 

pawh a hmunah ngei hruaiin kan entir 

tawh a. Tanpuina pe duhtu tan pawh 

kawng kan ngaihtuahsak vek a, an tanpui 

hlawm a. He thil hi ni hnih khat leka 

chinfel mai chi a ni lo va. Kan sawrkar 

hian politics, economics leh mipui khawsak 

phung te hmangin kil tin atanga 

thlira project ruahmana fel tak nena 

chinfel chi a ni a. Mahnia ro inrel sawrkar 

kan nih ve avangin ramri humhalh 

te, ram thuneihna vawn him te kan tih 

tur leh kan tih theih niin kan hria a. Chuvangin 

heng kan harsatna hmachhawn 

mekte hi internation level takin theih 

tawpa thaa chin vel kan tum, tih hi ka 

sawi duh a ni," tiin. 

"Myanmar ram democracy-a thlak 

thleng hna hi thil harsa tak, dimdawi 

ngai em em a ni a, dawh thei taka tih 

ngai a nih bawk thu, chuvangin UN-a 

tel ram zawng zawng leh international 

hnamte hian Myanmar mipui te kawng 

zawh mek hi hrethiam tak tak leh thlawp 

tak tak tura a duh thu, Myanmar ram hi 

tun hma ang ni lo , thlir dan thara thlir 

leh kawm dan thara kawm turin a duh 

thu, tun aia thawl leh zalen taka chet 

theihna tur boruak zangkhai siamsak 

tura a ngen thu leh Myanmar hian pawn 

lam tanpuina, innghahna tur a mamawh 

a, ram thiantha nih hi a duh reng a ni tih 

thu te President hian a sawi tel bawk. 

Myanmar hian khawvel sawrkar dang 

ang bawka mahni mawhphurhna hria, 

ram zahtlak tak nia kum zabi 21 chona 

te hmachhawn a, nghet taka din a duh 

thute a sawi bawk. 

>> To Page 16


KalaYMYO Biala lO luT Ru BEnGali Mi 10 

a hRuaiTuTE nEn an Man 

Kalaymyo biala lo lut ru Bengali mi 10 chu Pauk-taw khawnvartui laih chhuahna 

hmunah a hruaitu nen an man. Kalaymyo Police te chuan dan ang taka an 

chungthu ngaihtuah a nih theih nan hma an la mek. 

“An va hmuhna hi Kalaymyo atanga hla ve deuh hlek, Pauk-taw khawnvartui 

laihna hmunah a ni a. Khawtualhovin khaw administrator leh mei sipaite 

hnenah an report-a an va man a. Immigration department kutah an hlan nghal. 

Kalaymyo police office-ah hruai nghal an ni a, thubuai siamsak turin an buaipui 

nghal a…” tiin khawtual pa pakhat chuan a sawi. 

Heng Bengali-te hi Tamu, Moreh lam atanga lo lut an ni. Tun hi Bengali te 

ramri atanga Sagain Region an lo luh vawi khatna a ni lo. Tunhma pawhin an 

man zauh zauh tawh a ni. Heng mante hi lung inah kum hnih tantir theih an 

ni a, Immigration law ang chuan thubuai dang pawh an la awrh dawn a ni tiin 

Kalaymyo police te chuan an sawi. An mi mante hi kum 20 rual vel an ni hlawm 

a, Kawl tawng tlema thiam an awm a, Bengali tawng chu an thiam deuh vek a 

ni. He thil hi September ni 13-a President thlawp entir nan Kalaymyo mipuiten 

kawng an zawh tuka thleng a ni a, mi ngaihven a hlawh hle a ni. 

“Tunhma pawhin Bengali lut ru man an nih zauh zauh vangin an lo lut ru 

fo tawh tih a chiang a. Mipuite pawh hian lo lut rute laka kan inven a ngai. Tuna 

rawn hruaitu pawh hi Kawl a ni” tiin khawtual pa pakhat chuan a ngaih dan a 

sawi.n 

COllEGE SaDaWR a lun ThEi hlE 

He college sa dawr hi Tahan-a ward No.3-ah, in No.4-ah hawn a ni a. Kum 1993 

atangin an din tan. He dawrah hian bawngsa leh vawksa zawrh a ni ber thin. An 

bawng talhte hi bawng zawrhna market ata an lei ber. Hmun danga mi pawh a 

remchan dan azirin an lei thin bawk. Vawk erawh chu leina bik an nei hran lova. 

An zawng kual a, lei atana tha nia an rin apiang an lei mai thin. He sadawr hian 

buk dik tak an hmang a, leitu pawh an thahnem thei khawp mai. Order reng 

theih a ni a. Order chuan a man pawh a hniam ve deuh thin. Dawr neitute sawi 

uar duh em em chu buk dik tak an hmang hi a ni a. Hei hi a entawn tlakna lai 

tak pawh a ni. Bazara thil zuarte hian buk dik lo hi an hmang nasa em em thin 

a. Hei hi thil pawi tak pawh a ni kan ti thei a. He college sadawr hian ni khatah 

bawng pahnih an talh deuh ber a, vawk pawh pahnih an talh deuh ber. n 

Beauty Salon 

ဆံပင္ညွပ္၊ ေခါင္းေလွ်ာ္၊ ဆံပင္ေပါင္းတင္ျခင္း 

ဖေယာင္းသြင္း၊ ဖေယာင္းေျဖာင့္၊ 

ေဆးဆိုးျခင္း၊ 

Highlight ေဖာက္ျခင္း 

ဆံပင္ေျဖာင့္ျခင္းအေကာက္အမ်ိဳးမ်ိဳးျဖင့္ေကာက္ျခင္း 

မ်က္ႏွာေဆး၊ ဂ်ီးခၽြတ္၊ ေပါင္းတင္၊ ေရႊသြင္း၊ ပုလဲသြင္းျခင္း 

မ်က္ေတာင္ေကာက္၊ နားေဖာက္ျခင္း၊ ေျခေထာက္ေဆးစိမ္၊ ဂ်ယ္လီစိမ္ျခင္း 

ႏွင့္ 

မဂၤလာေဆာင္၊ ဘြဲ႕မိတ္ကပ္ အလွျပင္ေပးျခင္းမ်ား စိတ္တိုင္းက် 

ေဆာင္ရြက္ေပးေနပါၿပီ။ 

tm;ay;rI (10) Budrfjynfhygu 

rsufESmaq;? *sD;cRwf? aygif;wif? acgif;avQmfjcif;rsm; aqmif&Gufay;ygonf/ 

ပိေတာက္ၿမိဳင္လမ္း၊ တာဟန္း (B)၊ ကေလးၿမိဳ႕။ Tel. 073-22008 

local news 

Tunlai Tahan BORuaK 


Ruah a sur zauh zauh tih lohah chuan favang rim kan nam tan ta a. Boruak 

lum lutuk pawhin tin zai an rel tan mek a tih theih. Ruah a sur chuan tlema 

a vawh tan ve deuh avangin kawr lum pan lam ha pawh hmuh tur an awm 

zauh zauh. Favang hun nuam leh thengthawin min hmuak a tih theih ta. 

Fur laia natna tam em em pawh khan min tinsan tan a, a lawmawm viau 

mai. Dil sangha bakah lui sangha tuihnai lei tur a awm reng a. Chakai leh 

chengkawl pawh bazar-ah lei tur a tam hle. 

Kohhran lam boruakah chuan ni September 17-23 thleng khan PCM 

Venglai Kohhranah Rev. Vanlalzuata (Senior Secretary, Mizoram Presbyterian 

Church)-in rawngbawlna a nei thin a, hluttu an thahnem hle. Kohhran 

dangah chuan boruak danglam han sawi tur a awm lem lo. 

In leh lo thuah in tha leh lian a ding chho tam ve tial tial a, sa mek pawh 

eng emaw zat an awm. Heti anga in leh lo lama hma kan sawn hi thil lawmawm 

tak tih loh rual a ni lo. 

Kan sawi fo tawh thin angin motor tha leh changkang lei an tam tial tial 

a. Tun hma kha chuan khawpui Yangon leh Mandalay chauhva awm thin kha 

tunah chuan Tahan-ah hmuh tur a tam ta hle. Bike thu-ah pawh ni se, in tin 

deuhthawin an nei ta emaw tih tur a ni ta. 

Football season a ni chho ta bawk a, Tahan-a footballer tam takin practice 

an la nasa. Khaw dang cup-a tel group-te pawh an awm tan leh ta. 

Bible leh secular school lam pawh an kal tluang a. Boarding school-te a 

lo tam zel avangin zirlaite pawhin kum tin an ti tha chho zel bawk. 

Bazar lamah chuan second hand thing an tam sawt a. Thil dang chu han 

sawi deuh tur a awm lem lo. Kal dan tlangpui a ni ber e. Rukru an awm zeuh 

zeuh a. Mi tin kan fimkhur tlanga thil bo erawh sawi tur a tam lo. 

Kut hnathawktute lam pawh an awl mai mai hauh lova, thawh tur an nei 

reng a tih theih. Bike thu lam kha han sawi leh lawk ila. Bike chuang tam 

zawkin bike lukhum an khum meuh lova. Hei hi thil pawi tak a ni. Traffic rule 

hre mumal si lovin chak tak takin lirthei kan khalh a, accident a awm leh zauh 

thin. Inrinni zan leh Pathianni zana Premier League entu an tlem thei hle a. 

Big Match tumah phei chuan entu kan tam thei hle a ni. 

Tunlai hian bike license an siam chur chur a, awlsam taka siam theih 

hun lai a ni a. October thla ni 4 thleng siam theih niin an sawi.n 

Tahana FuRnaTuRE WORKShOp 

Kalpui Dan TlanGpui 

Serthlum leh Apple hi mihring taksa hriselna atana thei tha leh tui tak mai a ni 

a. A hun lai chuan thei hralh nuam leh kal tak a ni bawk. Serthlum hi Mandalay 

lam atanga an lak a ni deuh ber a, hmun dang atanga rawn lut pawh eng emaw 

zat a awm. Tun lai hian pum khaah 500 a ni a, a pum te deuh chu pum 3-ah 

1000 a ni tlangpui. Tahanah hian heti anga serthlum zawrhna hi hmun 5 velah a 

awm. Ni khatah pum 50 chuang an hralh tlangpui. Apple pawh hi Mandalay lam 

atangin a rawn lut ber a. A te ber pawl hi pum khatah Ks.100 an ni. A dawttu hi 

pum khatah Ks.200 a ni a, a lian chi hi pum 4-ah 1000-in an hralh thin. A special 

kan tih ang chi hi chu pum 1-ah Ks. 700 a ni bawk tih a zuartute hnen atangin 

thu kan dawng.n 

Tahan lEh a ChhEh vElah ThEiaRBaWM 

a TaM hlE 

Theiarbawm hi thei hrisel leh tui tak mai a ni a. Tahan leh a chheh vel khuaa a 

tam hun lai tak a ni. Khaw thenkhat chuan Kalaymyo bazarah te leh Tahan bazarah 

te an hralh thin. Pum khatah Ks.100 a ni deuh ber a. A aia tlawm pawhin an 

zuar chhuak chur chur mai. Tunlai hi a tam vang lai tak a ni a. Bazar velah lei tur 

a tam hle. Thei hrisel leh tui tak mai a ni a, taksa tan pawh tha tak a ni. Heti anga 

thei hrisel lei tur a awm reng thei hi kan nihlawh em em a ni. 

Theiarbawm kung lian deuhah chuan pum 30 chuangte pawh a rah thei a. 

Mahse a rah duh kum lo hi a inthlau thei hle. A rah kum tak takah chuan kung 

khatah hian tam tak a rah thin. A kung nei tam deuhte sawi dan chuan kumin hi 

a rah that tak tak kum niin an hre lo. Theiarbawm kung hi kum 4 an nih chuan 

an rah ngei ngei thin bawk. A tui em avangin naupangin an duh hle a. A thlum tui 

a, mu pawh a nei tam em em thin a ni. A len zawng hi kut tum tiat vel a ni deuh 

tlangpui.n


pYiThu hluTTaW SpEaKER ThuRa u ShWE Mann 

lEh hluTTaW palai ThEnKhaT auSTRalia lEh 

SinGapORE-ah an Zin 

domestic digest 

Pyithu Hluttaw Speaker Thura U Shwe Mann leh Hluttaw palai thenkhat Australia 

leh Singapore ramah an zu zin. September ni 17 khan an thlawk chhuak a, 

September ni 26 khan an lo kir leh thu dawn a ni. 

Thura U Shwe Mann hi Australia House of Representative Mr. Peter Slipper, 

Senate speaker Mr, John Hogg leh Singapore parliament speaker Mr. Michael 

Palmer ten an sawm vanga zuk zin an ni. Australia an tlawhnaah Pyithu Hluttaw 

Speaker Thura U Shwe Mann leh a hote chuan Australia Parliament inrelbawl 

dan leh parliament committee hrang hrang hna kalhmang te zir turin Canbera 

khawpuiah an zuk kal a ni. Singapore-ah chuan Sigapore Senior Minister Goh 

Chok Tong nen an inkawm a, ram pahnihte inkara inthianthatna an suihnghet 

lehzual sauh a ni tiin China News Asia chuan a sawi. 

Thura U Shwe Mann hi hluttaw palai panga, sawrkar officer te leh economics 

lam palai ten an zui bawk a ni. Singapore-ah hian Prime Minister Lee Hsien 

Loong nen pawh an inkawm a, Singpore parliament pawh an va tlawh a ni. 

Singpore hi Myanmar sumdawnpuitu ram zinga a palina hauhtu a ni a. Nikumah 

Singapore leh Myanmar sumdawn tawnna hi dollar 1.6 billion man a tling a ni.n 

inTERnaTiOnal DaY OF DEMOCRaCY 2012, 

hluTTaW 'ThaBin hall'-ah hMan a ni 

2012 September ni 15 khan ‘International 

Day of Democracy 2012’ 

inkhawm Hluttaw building 'Thabin Hall'ah 

buatsaih a ni. He inkhawm hi a tum 

hnihna a ni. 

2012 Democracy Day-ah hian 

Pyidaungsu Hluttaw speaker U Khin 

Maung Myint chuan democracy puitlingah 

chuan mitinin zalen taka sawiho 

vek theih a nih avangin mipui aiawha thlan, legislative, administrative leh Judiciary 

pengpuia thawkte hian engkim langtlang taka thawh a tul thu, lang tlang 

tak a nih loh chuan dik tak leh fel taka ro rel leh sawiho a har phah a, a tu tute 

tan ve ve pawi a thleng thin tih te a sawi. 

"System hlui atanga system thar a inthlak hian system thar hriat thiam loh 

vang emaw, hre thiam mah se a hlui chelh tum tang tangna rilru vang emaw 

te-in langtlang taka thil tih loh phah a awl thin. Hna bawhzui dan, hna kal mek 

mipui thlan palaite laka zep emaw thup emaw tumna a awm duh a, hei hian thil 

a tikhirh thei thin. Langtlang taka thawhho a nih loh chuan ‘mi zawng zawng 

nen sawihova, thawhho chu a duh lo’ tihna a ni a, democracy tun din hna a ti 

thuanawp ta thin a ni. 'Democracy laimu tak chu, mi zawng zawng huap' a nih 

avangin ram mipui zawng zawng tel veka thawhho a nih theih nan mipui palaite 

hian langtlang taka kan thawhho a pawimawh" tiin a sawi. 

Pyithu hluttaw speaker Thura U Shwe Mann chuan, "Democracy system-ah 

chuan mipui tam zawkina an thlan mipui aiawhten mi tam zawk thatna turin mi 

tam zawk an awp lehna system a ni a. Lang tlang taka thawhho, mawhphurhna, 

hlen theuh a pawimawh a ni. Inzah tawn tak sia rilru tluang taka indawr tawn hi 

democracy tihpuitlin nana tihmakmawh a ni. Ram mite chanvo dik takah chuan 

dan ang tak sia zalen taka thu sawi theih, sawiho theih, pun khawm theih a ni 

a, a langsar ber chu 'zalen taka sawi chhuah theihna' a ni. 

Mipui ngaihdan hre hauh lova dan leh thupek siamte hi democracy kalphung 

a ni lova, chutiang chu 'director' te tih dan a ni a. Hluttaw te hian administration 

level hrang hrang, department dang dangte inrelbawl nana hman tur 

dante chu mipui thlan palai te leh a department neitu ten inrawn khawmin mipui 

tam zawk duh dana thawhho tur a ni," tiin thuchah a sawi.n[The Messengers] 


aMah Chu DEMOCRaCY 'iCOn' a nih lOhThu 

DaW aunG San Suu KYi-in a SaWi 

America-a a cham chhunga Harvard University 

zirlaite nen an inkawmna-ah 'icon' a ni 

loh thu a sawi chuak. Cambridge-a Harvard 

Kennedy School of Government-ah zirlai thahnem 

takin a thu sawi an ngaithla a. Daw 

Aung San Suu Kyi chuan, "'Icon' pakhat anga 

min chei hi ka duh lo. A chhan chu ka hmuh 

danin 'icon' tih hi chu che chang lova, ding 

nghet tlatte an ni chawk a. Kei chu hnathawktu 

pakhat angin min hmu ula ka duh ber. Rim taka hna thawh hi ka innghahna 

a ni a. House arrest-a ka awm lai pawh khan discipline nei taka khawsak kha 

harsa takin ka tum thin a ni. Thawhrim reng ka duh a ni. Hna rim taka thawk 

thin angin min hmu ula ka duh a ni," tiin a hrilh. 

Daw Aung San Suu Kyi hi America ramah ni 17 lai a cham a. Hetih 

chhung hian congressional gold medal chawimawina a dawngsawng a. 

President Obama nen inkawmna tha tak a nei bawk. College dang danga 

thu sawi turin an ruai luai luai bawk a ni. A thusawinaah Daw Aung San Suu 

Kyi chuan zirlaite chu, "Keimah leh keimah hi politician angin ka inhmu reng 

a. Kum 24 chhung zawng khan eng nge ka tia in rin?" a ti a. Hluttaw palai a 

nih hnu-ah mi thenkhatina 'political science te zir belh se a tha ang' tia an 

tawng khum chu a chhang a ni. 

Daw Aung San Suu Kyi chuan a thu sawinaah Myanmar mipuite chuan 

society tha leh zalen tak din turin hmabak an la ngah thu a sawi tel a. "Society 

zalen taka nunhonaah khua leh tui tha, mahni mawhphurhna hre tak nih 

theih dan chu mahni hi society tha leh zalen taka awm tawh angah inngai 

hmiah ila, chutiang chiaha khawsak leh nun hman nghal chu a ni" a ti bawk.n 

DaW aunG San Suu KYi, aMERiCa RaMa 

'aMERiCan COnGRESSiOnal GOlD MEDal' 

a DaWn Thu RaM ChhunG Tv MEDia hRanG 

hRanGah TiChhuaK 

Civil mite hnena chawimawina hlan thin 

zinga a sang ber 'American Congressional 

Gold Medal,' September ni 19-a Daw Aung 

San Suu Kyi-in a dawn thu ram chhung sawrkar 

media, Myanmar Radio and Televisionah 

September ni 20 zan dar 8:00 chanchin 

tharah puan a ni. A puan danah, 'Pyithu Hluttaw 

Chairman Daw Aung San Suu Kyi chuan 

civil mite hnena an hlan thin chawimawina 

sang ber, American Congressional Gold Medal chu Nilai ni khan a dawn 

thu, US Capitol Rotunda-a chu chawimawina hlanna inkhawmah American 

congress palai lawk tak tak chin leh US Secretary of State Hillary Clinton leh 

US President hlui nupui Lora Bush te an tela lawmpuina thu an sawi thu, chu 

chawimawina hlanna inkhawmah President Office Union Minister U Aung 

Minn leh Ameirca-a Myanmar Ambassador U Than Swe te pawh an tel ve 

thu te a puang a ni. 

Chu inkhawmah chuan Daw Aung San Suu Kyi chuan thu a sawinaah 

'Myanmar rama ram tundin that hna kal mekte hi President U Thein Sein 

kaihhruaina hnuaia siam that, thlak danglam hna rah chhuah a nih thu te, 

President kaihhruaina hnuiaah dan siamtu pawlho zawng zawng leh democracy 

hlutna hriaa thang duah mek mipuite chuan tunlai khawvel hmasawn 

tak leh changkang takah Myanmar-in hmun tha tak a luah ve theih nan theih 

tawp chhuahin hma an lak mek thu te, he inkhawma Myanmar-a Union Minister 

U Aung Minn a rawn tel theih avanga a lawmthu te, Myanmar-a ram 

siam that leh tundin hna leh national-te inpumkhatna tura hma lak mekna 

kawng hrang hrangah hun lo kal zel tur atan pawh rin ngamna a neih belh zel 

thu te, hun lo awm zel tura harsatna leh dodalna te a awm pawhin khawvel 

mipui te tanpuina zara hlawhtling taka paltlang a nih zel theih a rin tlat thute 

a sawi tih chanchinah chuan tarlan a ni. 

Hei bakah, 'Myanmar mipuite inrem taka kan khawsak tlanho dial dial 

theihna, democratic taka nunho theihna tura kan kawng zawh mek chu a 

bumboh hle tih a chiang a, nimahsela mipui zawng zawng lungrual taka kan 

thawhho phawt chuan kan hlawhtling ngei ngei ang tih ka ring tlat’ tia a sawi 

thu te a puang bawk. 

Daw Aung San Suu Kyi chuan chawimawina a dawn hnu-ah US President 

Obama darkar chanve zet mimal taka a va kawm thu, Daw Aung San 

Suu Kyi chuan America ram a thlen tirh Thawhleh ni-ah pawh US Secretary 

of State nen an inkawm a, Wahsington-a American Peace Institute-a thu 

a sawi thu, chu a thu sawiah chuan America ram hian Myanmar sawrkar 

laka economic hrekna dan a zam tawhte tun aia phelh dul tura a ngen thu 

leh Myanmar-a democracy tana beihpui thlak mek a kal tluan zel theih nan 

America hrekna dan lek hi chhuanlamah hmang reng bik lovin Myanmar te 

pawhin democracy lamtluang chu mahni chakna ngei hmanga zawh tum tur 

a nih thu a sawi tihte a puang bawk. 

Daw Aung San Suu Kyi hi Pyithu hluttaw palaia thlan a nih hnu-ah tun 

hi ram pawna a zin vawi thumna a ni a, May 29 khan Thailand-ah leh June 

13 atanga 19 thlenga Europe-a a zin te kha puan a ni lova, tun tum chiah hi 

sawrkar TV leh media-ah te puan leh tarlan a ni ta a ni.n[CNN]

14 | TAHANTIMES domestic News 


AMERICA RAM ATANGA PRESIDENT U THEIN SEIN LO HAW 

aMERICa RaM aTaNGa lO HaW PREsIDENT u THEIN sEIN CHu suMDaWNNa laMa MIPuITE, usDP PaRTY MEMBER TE lEH MIPuITEN 

YaNGON INTERNaTIONal aIRPORT-aH ROPuI TaKIN aN lO HMuaK 

America ram New York UNO HQ-a buatsaih General Assembly khawmpui 67na 

hmanga kal President U Thein Sein chu October ni 1 zing khan Yangon a 

rawn thleng leh a. President lo thleng chu, Union Solidarity and Development 

Party mite, Democratic Party (Myanmar ) party member te, artists te, industrial 

lam mi te, taingyintha thalai rual te, Myanmar Egress zirlaite leh member te, 

puanthuina factory-a hnathawktute, department hrang hranga official te, leh 

mipui tam takin ropui takin an lo hmuak a ni. 

Lo hmuaktute hian zing dar 7 atang tawh khan Yangon International Airportah 

‘Congratulation Mr. President,’ ‘We support you,’ ‘Myanmarte khawvel hriata 

chhuanawm tak min nihtirtu President U Thein Sein kan lo lawm ache’, ‘Mipui 

maktaduai 60 tana history thlak danglamtu President U Thein Sein lawm takin 

kan lo hmuak ache’ tih banner te kengin an lo hmuak hlawm a ni. Zing dar 

9:20-ah President U Thein Sein chu Singapore Silk Air-in a rawn thleng a. A 

lo hmuaktu mipuite chuan, ‘President dam reng rawh se,’ ”Mr. President, kan 

chhuang ache’ ti tein an lo au rual dual dual a. 

Union of Myanmar Federation of Chambers of Commerce and Industry 

chairman U Win Aung chuan, “Ram tana thahnemngai taka theih tawpa thawk 

mek President U Thein Sein kan lo hmuak a. Ram mipui zawng zawng ten kan 

hmalam kawng zawh zel tur nuam tak min sial sak a, President chungah kan 

lawm hle a ni. Kan hlim a ni. President hi hmuah leh lo lawm an duh hlawm 

avangin ruahmanna kan siamsak a. Ram mipuite rilru hahdam leh lungmuang 

taka an awm zel theih nan President hian theih tawpin hma a la zel ang tih kan 

beisei tlat a ni.” a ti a. Rakhine taingyintha nu pakhat chuan, “Rakhine state, Sit- 

ME KhOnG luia China laWnG Mi 13 Thah Thua ThaTTu nia an 

puh BER naW Khan Chuan a Tih a nih Thu a inpuanG 

Kum 2011-a Me Khong luia China ram lawnga mi 13 thah thua an 

puh ber Naw Khan chuan ama tih ngei a nih thu September 30 

khan a inpuang ta. 

Tualthat, drugs zawrh, mi kidnap leh lawng chhuhsak thua 

thil tisualtu nia an puh Naw Khan leh a thuihhruai mi pangate chu 

China chhim lama awm Yunan Bial khawpui Kumin-a Intermediate 

People's Court-ah an chungthu an rel a ni. 

Myanmar rama drugs leh ralthuam tawlhru pawla hruaitu Naw 

Khan chuan a sualna avanga a inchhir thu court hmaah a sawi 

a, a chung thu pawh nep deuh zawka relsak a beisei thu a sawi 

bawk. Naw Khan hi China-Myanmar-Loas ram vel leh Me Khong 

lui bawra drugs leh ralthuam lama pawl pakhat hotu a ni a, Godfather 

tiin an ko thin. A chungthu an rel hmasak lamah chuan Naw 

Khan chuan, 'Chuti ang thil thleng ka hre lo. Annin min hrilh bawk 

lo. A thlen zawh hnuah chauh ka hre ve a ni,' a ti a. Mi dang panga 

chungthu an relnaah an zavaiin, "Naw Khan chu kan pawl hotu a 

ni a, thil engkim ruahmantu leh thu min petu a ni,' an ti vek thung a. Thil tisualtu parukte inpuanna, a 

hmutute thu sawi, DNA test result leh ruang an post-mortem-na atangin phat rual a nih loh dan ukilte 

chuan an sawi lang. 

Naw Khan kaihhruaina hnuaia a pawlte leh Thailand sipai tlem te chuan Me Khong luia Thailand 

lawngchawlhna bulah kum 2010 khan lawng pahnih chu beiin an hneh chhuh a. China ram lawng 

hnathawk mi 13 an thah thu hman deuh khan an enfiahnaah an tarlang. Naw Khan hian thil a tisual a 

ni tia rel a nih chuan thi tura a chungthu rel a ni ngei ang tiin Prof. Hong Daode chuan a sawi. China 

rorelna hmaah a hmasa ber atan Myanmar leh Loas-a police-ten an thu hriat an sawi dawn a ni. 

China, Laos, Myanmar rama police-te tangruala an beihnaah Naw Khan hi an man a ni. n 

twe atanga lo kal kan nia. Myanmar Egress-ah traininga lo kal ka ni. Hetianga 

President hmuahnaa ka tel ve thei hi ka lawm tak tak a, ka lo beisei pha lo a. 

Kan rama thil tam tak a thlak danglam tha hi ka lawm a ni. Hei aia hma tisawn 

zel tur hian President hi ka ngen duh e.” a ti a ni. 

Yangon khawchhung puanthuina factory-a thawk te pawhin, ‘Myanmar 

Puanthui factory leh thawktute tana thil tam tak min tihsaktu President kan lo 

lawm ache,’ tih banner te kengin an lo hmuak a. Hlaing-ta-ya township “Let-waa 

Factory’-a thawktu pakhat pawhin, “Zing dar 7 ah khan kan lo thleng tawh a. 

Kan puten min ruahmansaka lo kal thei kan ni. Hetia kan hmuak thei hi kan hlim 

lutuk. Kan President hian hei aia nasain thil tha ti zel thei se. Khawsak nunphung 

hei aia sanga chawikang turin President hian hma la zel se kan ti.” a ti ve. 

USDP Yangon Region committee member U Tin Win pawhin, “Kan ram 

President a ni a. Kan party president pawh a ni ngai tawh a. Mipui mtd 60 tan 

democracy min tundinsaktu a ni a, President hi hmuak ngei tur kan ni hrim hrim. 

Chuvangin vawiinah hian mi 150 velin kan rawn hmuak a ni.” a ti. 

President U Thein Sein hi September 24 khan American ram a pan a. US-a 

cham mek NLD president, Pyithu Hluttaw palai Daw Aung San Suu Kyi nen an 

inkawm hman a. US Secretary of State Hillary Clinton nen inkawmna tha tak 

an nei hman bawk. New York United Nations HQ-a General Assembly Meeting 

67-naah thuchah sawina hun tha tak a nei a. Hei bakah Bangladesh Prime 

Minister nen an inkawm bawk a, Asia society-ah te, leh ram pawn media lam 

te, Ram pawn Myanmar media lam te nen pawh interview-na hun tha tak a nei 

hman bawk a ni.n 

TOKYO-a aWM TuR WORlD BanK lEh 

RaM hRan hRanTE MEETinG Chuan 

MYanMaR Chu DOllaR MTD KhaT 

lai puKTiR an TuM 

Japan ram economics chanchinbu ‘Nikkai’ sawi danin 

October thlaa Japan ram Tokyo-a an meeting-ah 

World Bank, International Monetary Fund, (IMF) leh 

Asian Development Bank (ADB) te chuan Myanmar 

democracy-a inleh nan leh economics hmasawnna 

atan USD mtd 900 lai puktir turin an rel dawn a ni. 

America sorkarin Myanmar ram laka a hrekna te nimin 

lama a hlih tak hnua heng thu hi lo chhuak ta a ni. 

Chanchinbu chuan World Bank, IMF leh ADB te 

bakah Japan Bank dangte pawhin Myanmar ten tunhma 

leibate an rulh theih nan sum puk belh an rem tih 

thu a tarlang bawk a. Chuvangin Myanmar-in a puk 

theih zat tur hi dollar billion 1 lai a tling thei ang a ti a 

ni. Japan ram chuan Myanmar ramin sum a puk theih 

dan tur chu a ngaihtuahpui ber ang a, ADB leh financial 

pawlho dangte pawh Myanmar leibatte ngaidam 

mai turin a fuih mek a ni. Amah Japan ngei pawh hian 

April thla kal ta khan Myanmar leiba Yen billion 300 

(USD 3.9 billion) chu a ngaidam hmiah tawh a ni. n


Daw aung san suu Kyi, dam leh hrisel 

takin kan inhmu a, a lawmawm, 

interview-na hun tha tak min pe thei a, 

ka lawm hle a ni. Ka zawh hmasak duh 

ber che chu 'siam that danglam' chungchang 

a ni a. Mi thenkhat chuan 'siam 

that danglam' an ti a, a thawm chauh a 

ni. Mita hmuh tur engmah a awm lo te 

an ti a. Mi thenkhat thung chuan media 

lam journal lam te a zalen deuh te an 

ti a. Mipuite pawhin thute an sawi huai 

sawt an ti bawk a. Heng 'siam that, inthlak 

danglam' tih velah hian i thlir dan 

kan hre chak a..." 

>> Insiam that leh thlak danglam a 

awm lo tih chu a ni lo. Siam that leh 

thlak danglam a tam alawm. Mahse 

mipuite tan hmabak tam tak a la 

awm a. Kan ram democracy-a din tur 

chuan tih tur tam tak a la awm. Thlak 

danglam engmah a awm lo tih chu a 

dik lo ang. Thlir dan sir he deuh niin 

ka hria. 

a nih mipui tan 'siam that, thlak danglam' 

hmuh theih turin tun maiah eng 

nge tih hmasak ngai nia i hriat le? 

>> Tih tur chu tam tak a ni. A bulpui 

berah chuan kan mipuite retheihna 

khur ata hlan kai an ngai. Ka bial 

Kaw Mu ka fana ka hmuh chu kawng 

siam that, hna ngaihtuahsak, tui in tur 

thianghlim an neih dan ngaihtuah. 

Tui thianghlim nei tha lo hi hmun tam 

takah an awm a. Heng bakah hriselna 

lam leh zirna lam te pawh a ni ang. 

Dan siam thuneihna nei Hluttawah 

han kai leh ila. 'Rubber Stamp' 

tiin Sapho chuan an phuah a. 'Bula 

tu rawh' tih ang vel hluttaw a ni an ti 

a. Chu aia changkang deuh hlekna a 

awm tawh em? Kan hnung deuh khan 

'Tribunal' office pawh hluttaw khan a 

thiat ta mai ang kha a ni a. A then 

chuan 'Executive' leh 'legislature' te 

inbuan angin an sawi ve bawk a. 

Kei chuan chutiang chuan ka ngai 

lo. Kha thil kha chu Danpui thuneihna 

thil lam niin ka hria. Ngun deuhin lo 

chhiar la kan NLD-a dan lam hre mite 

thu sawi pawh i hre ngei ang a. Dan 

kalphung atanga thil awmzia te pawh 

an sawi ve a. Chuvangin, 'Bula tu 

rawh,' tih ang ringawt chu kan ni bik 

lo asin. NLD kan awm ve a, chutiangin 

duh duhin min 'lamtir' thei nang. 

Hluttaw palai dang keiniho ang hi tam 

tak an awm tho asin. 

a nih administration lam hotu leh hluttaw 

speaker inkarah inerna awm ang 

deuha sawite hi. Heng hi thil tha a ni 

em? politics tan a hrisel ang em? 

>> Heng thil, mimal thil ang taka an 

lo thlir chu tha ka ti lem lo. Tak takah 

chuan administration lam leh dan siamtu 

pawlte chu thusawi tlang tur, 

inhnial chang pawh awm tur a ni a, 

democracy ramahte chuan thil thleng 

fo a nia lawm. He United States-ah 

ngei pawh administration leh dan 

siamtu pawl an inhnial buai ve tawh 

kha. Hnathawktute pawh hlawh an 

pek duh loh kha. Chuvangin heng hi 

chu thil thleng thei, pangngai tak a ni. 

Thil pakhat awm ve chu kan ramah 

democracy hi a la mikhual lutuk a, lo 

iNterview 

DAW AUNG SAN SUU KYI LEH 

vOA INTERvIEW 

thlaphang tawk an awm ta mai niin a 

lang. A sir lam atanga thlirtu thenkhat 

zingah mimal thil anga lo hmuh tum 

tlut an awm ve nge, chutianga thlir tur 

chuan fuihtu an nei nge ni ang? 

Daw aung san suu Kyi inthlannaa i tel 

dawn khan i thil tum bulpui pathum: 

Danpui siam that, sipai te zawi zawia 

inthiar fihlimtir, leh ram chhung muanna 

tak tak awm tura beih tihte kha i sawi 

a. Khang thil tihlawhtling tur khan eng 

chen nge in kalpui tawh? 

>> Kan sawi that leh deuh a ngai ang. 

A hmasa berah dan ang taka rorelna 

a pawimawh a. A dawtah ram chhung 

muanna, chumi hnu-ah Danpui anga 

engkim kalpui. Danpui anga kalpui 

tih hi Danpui siam that kawh teltir ila. 

Sipai kan hnawl ang tih kha thupui ber 

a ni lo. Danpui chu democracy tehfung 

hmanga siam that tur a ni ang a. 

Chung hna thawk tur chuan Tatmadaw 

nen thawhho kan duh tih chiang takin 

ka sawi tawh a. 

Chung hna bawhzui turah te, dan ang 

taka rorelna kengkawh turah te leh remna 

hna bawhzui turah te chuan eng chen 

nge in thlen tawh. in thleng thui viau 

tawh em? 

>> Dan ang taka rorelna hi kan dah lal 

ber a. A chhan chu dan fel tak hnuaiah 

lo chuan ram chhungah muanna a 

awm theih kan rin loh vang a ni. Dan 

ang taka rorel a nih theih hi kan dah 

pawimawh ber a, chu lamah chuan kei 

chu committee chairman ka ni a. A nih 

chuan boruak chu a tha lam a ni zel 

kan ti ang chu. 

Vawiin chhun khan i saiw ka hria a. 

'Keini chu sawrkar kan ni lo a, sawrkarin 

remna leh muanna atan mamawh a 

neih apianga lo phuhrutu tur kan ni i ti a. 

Taingyintha tam tak hian Daw aung san 

suu Kyi te hi a karah remna sawitu-ah 

tang se thila kal chak ang tih hi an ring 

tak tak niin a lang a. i ngaihdan kan hre 

duh a. i inrawlh thei ang em? 

>> Keipawhin ka tih theih ang anga 

thawh ka duh a. Mahse he thil hi Taingyintha 

leh sawrkar inkara thutlukna 

siam tur a ni a. Tukin pawh khan ka 

sawi tawh a. Heng boruak denchhena 

politics lama intihlar hi ka duh lo 

ka ti a. A pawimawh ber chu kan ram 

chhunga remna leh muanna a awm 

hi a ni a. Chumi atan chuan taingyintha 

leh sawrkar, a leh lam leh lam kan 

tanpui an duh a tul a. Chutiang a nih 

chauh chuan kan inrawlh thei ang chu. 

Politics-a hamthatna beiseia, 'kan 

inrawlh loh chuan a ni thei tawh lo' tia 

lo bengchhen chiam hi kan duh lo. A 

lehlamah theih tawpin hmalakna dang 

a kal mek a, chumi tibahlah tur zawnga 

a kara lo tlak pawh chu tul kan ti lo. 

Amaherawhchu min hmang duh, min 

chhawr duh a nih chuan englai pawhin 

kan inpeih reng. Ram tana tha tur thila 

thawhte chu kan chak reng alawm. 

president u thein Sein tiamin a sawrkarin 

a tir lama a sawi danah chuan taingyintha 

chungchang chingfel tura intawh 

khawmna tur hmun chu hluttaw tualah 

a ni an ti a. Taingyintha-ho thung erawh 

chuan chutiang ni lovin dawhkan kila 

inhmuhho an duh a. 'Second panlong' 

(panlong Khawmpui tum hnihna) tiin aw 

an nei a. a nih tak chuan a khawi kawng 

hi nge tha zawk ta ang. Hluttaw-ah 

chuan a chinfel theih tehreng ang em? 

>> Hluttaw-ah hian taingyintha palai 

tam tak an awm a. Hluttaw-ah taingyintha 

chungchang tainyintha palaiho 

nena sawihona te pawh a awm fo tawh 

a. Thu thehluhte pawh a awm nual 

tawh. Hluttaw-ah chuan hluttaw dan 

hmangin hluttaw kalphung zulzuiin 

taingyintha chungchang chu an chai 

ve mek a. 

Ka sawi fo chu kan ram Myanmarah 

hian thil sawi tlana inremsiam (negociated 

com) ang chi hi kan ti khat hle 

a. Hetiang hi kan zir tan that leh a ngai 

a ni. Pawlho emaw, mimal emaw inep 

kan awm reng reng chuan a lehlam 

lehlam kan hriat atana pawimawh em 

em chu, 'ka duh ang chiah zaa za a 

nih loh chuan rem ka ti lo, kan tih tlat 

chuan a ni thei lo" tih hi a ni. Inrem 

siam a ngai. Inremsiam tur chuan inbiaka 

sawiho phawt a tul. Chutia kal chu 

a ngai. Chu chu democracy kalphung 

chu a ni. 

america ram i lo kal chhan chungchangah 

american sawrkar leh mipuite 

hnena sawi duh hrilh duh (message) i 

nei em? 

>> Ka sawi duh chu, "Kan ram hi democracy 

ram puitling kan la ni lo. Democracy 

kawng kan zawh tan a, ke 

kan pen mek a. Kan ramah democracy 

taka mipui society tha din tur leh democracy 

ruhrel tha tak neia ding nghet 

turin hmabak kan la ngah lutuk a. He 

thilah hian America ram chuan thian 

tha tak a nih anga min thawhpui turin 

kan beisei a. Democracy nei thei tura 

kan kawng zawh tawh bumboh tak leh 

thui takah khan min thlawp avang leh 

min chhawmdawl avangin America 

sawrkar leh mipui chungah kan lawm 

hle' tihhi a ni. Heng sawi tur hian ka lo 

kal a ni. 

america ram hian Myanmar-ah sum 

dawnna lamah bu a khuar ve duh a. Sum 

dawnna investment siam a, Myanmar 

nen inrem taka indawrtawn reng a duh 

hi an economic hamthatna mai bakah 

China laka inven a duhna hi thupui tak a 

ni tia lo chhiartute an awm a. an hmanhmawh 

lutuk deuh em? Hei vang hi em 

ni, 'hmanhmawh lo' tura i sawi tawh thin 

kha? 

>> Engtiang pawhin a sawi duhte 

chuan lo sawi mai mai se. Ram pahnih 

(China ram) dinhmun (Geopolitics) hi 

en ila. Inzawmna kan nei tlat a. Tunhma 

atanga kan inkungkaihna zawng 

zawngte pawh chhut chah mai mai 

theih a ni lo. Kan ram hi South East 

Asia-ah India leh China karcheha awm 

kan ni a. Kan ram ang ram tenau tan 

ram thenawm, ram lian leh chak lutukte 

hi ngaihthah theih an ni hleinem. 

Chuvangin Myanmar ram nena indawr 

duh tan pawh China ram dinhmun hi 

chhut tel a ngai a. Chutia a chhut tel 

avang chuan kan tan thil pawi tur a 

awm chuang lo. 

Keimahni ngei pawh hian ram then- 


Daw aung san suu Kyi hian september ni 18 khan VOa HQ a va tlawh a, VOa (Burmese) Editor u Kyaw Zan Tha-an interview a lo neihpui a. 

awmte nen inrem taka awm hi kan duh. 

Chutiang bawkin America sawrkar 

pawh hian kan ram thenawm India leh 

China sawrkar te nen inrem taka awm 

ve hi a duh tho kan ring a. Chuvangin 

kan ram chuan kan zaa tana tha tur nia 

a hriat policy hi a kalpui zel ang. Chumi 

khami nen kan inkawm thei lo tih ang vel 

hi chu rilru tet thlak ka ti a ni. 

Zawhna hnuhnung ber atan Rakhine statea 

mipui inphekvuak chungchangah khan 

human right pawl eng ang emaw khan 

Daw aung san suu Kyi hi an sawisel deuh 

che a. phur takin a inrawlh lo an ti che a. 

>> Phur takin tih chu eng kawng hawiin 

nge an tih ka hre lova. Professor Kentana 

pawh kha thu ka lo sawipui ve a. 

Kan hnung deuh khan Turkey foreign 

minister nen pawh kan inkawm bawk a. 

Kha buaina chungchang kha uluk takin 

kan sawi dun a. Human right pawimawhzia 

te pawh kan sawi tlang a. Kan thu 

vawnah chuan dan anga rorelna leh human 

right te hi thenhran theih lohah kan 

dah a. 'Human right thupuan'-ah pawh 

ziah tel a nih reng kha. 

Mimal zalenna hi dan hmanga humhalh 

a ngai a. A venghim tur a ni a. Tunah 

ramchhung muanna awm thei turin, 

buaina hmet chimit turin sawrkarin hma 

a la mek a, kan hre theuh a. Sawrkar 

administration lamin an bei mek a ni. 

Hetianga administration lam hnaa kan 

lo inrawlh hi kan zar buai mai mai thei 

dawn a. Chu chu kan duh lo a ni. Kan 

tih theih zawng a awm chuan kan thawk 

ang. Mahse thawk thei si lova a sir atanga 

lo sawisel ringawt pawh kan ti duh lo. 

Chu bakah a khawi lam lam pawh an inhuat 

belhchahna tur thu pawi sawi te a 

awm thei chu chu kan duh lo a ni. 

Hetia kan inrawlh lo, tan lam nei lo 

anga min ngaia lung nilo an awm chuan 

kan tuar mai ang. London-a ka zin tum 

khan Kachin State-a thil thleng chungchangah 

Kachin tlangval pakhat a ding 

lawka min sawisela. "Engvang nge 

sipaite hi i dem miah loh?" min ti a ni 

ber mai. Ka chhang a. Mi dem kual vel 

hi kan ti duh lo a ni. Chu ai chuan engtin 

nge an inrem theih ang tih lam hi a ni 

kan sawi duh zawk chu. A tu tu emaw 

dema sawi chhiat vel hi kan duh lo chutianga 

kan tih phawt chuan 'inrem' chu 

a awl lo telh telh zawk ang. Keini chuan 

a lehlam lehlam te hi 'dan rorelna leh 

human right' mitin kan thlir hram hram 

zawk a ni ka ti a. 

Mahni politics hamthat nan tan lam 

neia thu sawi pawng pawng hi kan ti ngai 

lo. tan lam nei anga thu kan chhakchhuah 

phawt chuan buaina hian kian lam 

a pan ngai lovang. Tin adminsitration 

lamin hma an lak meknate thuanawp tur 

emaw khaihlak tur emaw zawnga lo inrawlh 

hi tha kan ti lo. Kan tih theih ang 

ang lo tih erawh chu kan tum tho. Raltlante 

pawh kan pui ve. In hriat angin NLD 

hi pawl hansa a ni lo. Mahse a theih ang 

angin ral tlan leh harsatna tawkte a pui 

reg a ni. A khawi lam lam pawh thliar bik 

nei lovin kan pui mek a. Kan tanpuina 

hi administration lam emaw mi dang tu 

tuten emaw kan tanpuina hi min gnena 

kan theih ang zawng a nih chuan tanpui 

turin kan inpeih reng a ni.[VOA Online] 

n

16 | TAHANTIMES Beauty & Health 8 October 2012 Monday | Vol.2 No.7 

a hun a hnai TaWh EM? FiMKhuR RaWh 

Hmeichhia an rawn tleirawl chhoh hun laia an pumpelh theih loh chu thi neih hi a ni a. Thi 

neih kan han tih tak chu thla tin deuhthawa an neih thin hi a ni. Thla tina thi an neih hma leh 

neih lai pawha an tai a nat thin avangin a hun a lo hnaih hian hmeichhe thenkhat chuan an 

hlau viau thin. 

Doctor thiam (OG) kan tihte sawi danin hmeichhe pali-ah pathumin n aan ti thin a ni 

awm e. Mi thenkhat chu natna engmah nei lo mahse, na an tuar a, thenkhat erawh chu 

natna an neih avanga na ti an ni. 

"Mi thenkhat na an ti lutuk lova. Na ti thin mi parukah pakhat chuan hna an thawh theih 

loh phal hial," tiin Dr Soe Lwin chuan a sawi. Thi neih hma leh neih laia natna pawh nei si 

lova na an tih chhan chu Hormone chi khat a tam lutuk vang a ni a. Chu Hormone chuan 

chhula tihrawl a tihtawm avanga na hi tuar an ni. Chuti anga a rawn nat chuan Hormone 

tihtlemna damdawi (Ponstan, Meftal, Dolfenal leh Pontalon) tih ang chi an ei a, an na a 

dam chauh thin. Thenkhat erawh chuan Paracetamol ang chi hcauh an ei a, an dam ve mai 

bawk. 

Heti ang damdawi ei hian pumpuiah nghawng tha lo a thlen theih avangin fimkhur a tul 

hle. Hun rei tak chhung hman a nih phei chuan pumpui natna a thlen theih avangin a nat 

lai chauhvin pum lam damdawi nei ei kawp a tha. Thi neih laia na hi a na viau a nih chuan 

doctor thiam pan ngei ngei tur a ni bawk. 

Kum upa lamte hian na an ti duh bik hle a. Thi an neih chhunga a nat reng a, a natna 

hmun a insawn a, chhul a thlen chuan chhul a tivung thei. Chuvangin doctor inentir ngei 

ngei tur a ni. 

Natna nei lova na hi chu kum a lo upat hnuah emaw fa neih hnuah emaw a reh ve leh 

mai thin. Thi neih hmaa a lo nat hian thin a ti tawi a, rilru a hah duh bik a, moral a down hma 

a, bing takin thil an ngaihtuah thei lova, a tap chak a, an hah hma bik thin a ni. Khangte 

kha rilru lama a thawh dan a ni a, taksa lamah chuan an puam duh a, hnute a na a, an rih 

zawng a pung a, an lu anat bakah arngeng a lo chhuak duh. Heti anga an awm chhan hi an 

thisen a inthlak vang ni thei bawk mahse, a chhan tak a hriat theih loh thu doctor-te chuan 

an sawi. Heti anga thisen tha lo a lo chhuak hi mi thenkhat chuan thil tha lo leh thianghlim 

lovah an ngai a. Mahse hei hi ngaih dan dik lo tak a ni. 

Thi neih laia lusuk a tha lo tih pawh hi ngaih dan dik lo bawk a ni a. Ni danga taksa vawn 

thianghlim dan te, infiamte pawh a theih tho. Regu taka thi neih loh leha nat lutuk chauhvin 

doctor pan a ngai. 

A nat loh nan ei in fimkhur a tul a, hriak tam ei in te a tha a, kua a phui loh nan thei rah, 

thlai hnah lam ei tam a tha. Mut kham a tul a, taks sawizawi pawh a tha. Tui luma inbual a 

tha bawk, tui lum ip tai vela dah a tha hle. Zial zuk hian na a tizual duh bawk.n 

ni Tina hMEiChhE aWMBaWR En Ziah 

Thin MipaTE an hRiSElna a Tha BiK 

Hmeichhe awmbawr ngo leh mawi tak, ni khata mi 10 vel en ziah 

thin mipate chu an hriselna a tha bik a. An en avanga rilrua thathona 

rawn awm hi darkar chanve taksa, kut sawizawi nen a inthuhmun 

thu Doctor pakhat chuan a sawi. He doctor pa hova zirchianna neitute 

chuan Germany rama Hospital pathum ami doctor 200 chu 

group 2-ah thenin an zir chiang ta a. Kum 5 a zirchian hnuah chu 

doctor mipate blood pressure lama an harsatna, thisen dawt lama 

natna leh lungphu dik tawk lo ang chite chu hriat theih takin a lo 

tha ta a ni. Heti ang hi hun rei tak chhung tih chuan lung natna vei 

theihna lakah 50%-in a tla hniam thei bawk.Hemichhe awmbawr 

en avanga rilru a lo thatho hian lung a che na bik a, thisen sem 

velnaah pawh a tangkai thu a sawi bawk.n 

hnaR pian aZiRa FOunDaTiOn 

hnaWih Dan 

hnar tawi: Hnar hmawrah foundation pan te hnawih tur. Hnar hnuai 

lam erawh tak deuh taka hnawih tur a ni. Heti anga kan hnawih 

hian hnar sei deuh angin a lan ve theih. 

hnar sei: Hnar hmawr lamah sen uk lam hawia hnawih tur a ni a. 

Mahni taksa (vun) rawng aia duk deuh zawka hnawih a tha. Hnar 

kaw bul velah pawh hnawih a tha duh hle. 

hnar parh: Hnar sir tawn tawn hnuai lam deuhah sen uk rawng nei 

foundation hnawih tur. 

hnar te leh zim: Hnar sir dawn tawn hnuai lam deuh rawng lar lo 

lam chhah lo taka hnawih a tha. 

hnar kawi deuh tak: Hnar kawi lai sir leh lamah sen uk deuh 

hnawih a, a sir leh lamah rawng lar lo te hnawih tur a ni. 

hnar zum leh lian: Hnar lian leh zum deuh nei tan foundation lar 

lem lo tak hman a tha a. Make-up lama mi thiamte chuan sen uk 

(brown) lam hman thain an hre ber. Sen uk lam deuh hian hnar te 

angin a lantir thei hle a ni. Kan hmai lan nalh a pawimawhna hnar 

hi te tawk takin a lantir thei an ti bawk. Biang leh mit uluk taka chei 

hian hnar a tilang nalh duh hle.n 

>> From UN ah thuchah 

A kharna atan, "Ka thusawi ka tihtawp hmain thu pawimawh tak sawi ka duh a. Eng dang ni lovin UN General Secretary pathumna Myanmar pasaltha U Thant 

chanchin kha a ni. U Thant khan khatih lai daih tawh khan 'Khawvel inpumkhat' (one world) tih rilru kha a nei daih tawh a. U Thant khan kawvelah hian inrem tak, 

thlamuang taka chenho kha a duh dan, a hmathlir a ni. Inan lohna nei theuh ni mah ila kawvel hi ralmuang taka awmtir theih a inbeisei a ni. Chu bakah khawvel 

mipui-te hian inhriatthiam tawnna, inlainat tawnna leh inngaihnathiamna inngaihdam tawnna nei theuh turin a duh bawk a. Chutiang taka kan nunho theih chuan 

khawvel hi muanawm takah kan siam thuai thei ang tih a ring a. Kei leh Myanmar mipuite hian U Thanta hnathawh te, hlawhtlinna te kha engtikah mah kan theihnghilh 

tawh ngai lo ang a, kumkhuain kan fak fo dawn a ni tih hi ka thu tlangkawmna ni rawh se," tiin President hian a thusawi a khar ta a ni. 

UN General Assembly (67)-naah hian khawvel sawrkar hrang hranga hruaitu lu 116 an tel a, foreign minister te leh sawrkar aiawh palai te pawh an tel teuh 

a ni. President hi USA panin September 24 khan a thlawk thla a, tun hi kum 46 chhunga Myanmar ram hruaitu USA-a an zin vawi khatna a ni. USA-a a cham 

chhung hian sawrkar mi pawimawhte, international level mi pawimawh te leh mi lar tak takte nen an inkawm. September 25 pawh khan Daw Aung San Suu Kyi 

nen minute 15 lai The Mark hotel-ah an inkawm a ni. n 

Thil BO REpORT 

Pu Zakiamlova Tahan 'E' Group Hand Phone No. 4003009166 chu October 5 zing dar 11 leh 12 inkarah a ti bo va. A hmu chuan Tahan Lal Pu.Zosangliana 

hnenah emaw Samari dawr-ah emaw pe turin kan ngen che u. A hmutu chu mit varna (lawmman) pek an ni ang. 

TaR laiNaTTuTe hNeNah – 

Upa (Tar) chanhaite enkawlna Sympathy helping centre 

(ခိုကိုးရာမဲ့ 

ဘိုးဘြားမ်ားရိပ္သာ) 

chu chak zawka hma la turin rorel 

khawl (committee) fel taka din a ni ta. 

Tahan khawpuia thalai Thu leh Hlaa rawngbawl mite 

chuan, Tar khawhar leh chanhai tak, khawvel bang kila kimki 

deka awmte vantlang zinga chanvo tha siamsak turin "Sympathy 

Helping Centre Committee" an din fel ta a. He committee 

hian Sympathy Helping Centre hi a enkawl tawh dawn a ni. 

Chuvangin, he committee rorel anga Thalaite hmalakna 

kawng engkimah khawtlang nu leh pate hriat thiampuina leh an 

tha tichak zel tura duhsakna (thil pek leh tawngtai) lo hlan thin 

turin Pathian hmingin kan han ngen che u a ni e. Kan lawm e. 

Sympathy helping centre committee


C.ROnalDO-an REal MaDRiD a ChhuahSan 

Duh Chhan Chu KhaWvEla FOOTBallER 

hlaWh SanG BER nih a Duh vanG a ni, Man 

CiTY lEh pSG Tan lEi a REMChan phah anG 

Real Madrid club striker C.Ronaldoan 

a club chhuahsan a duh chhan 

chu khawvela footballer hlawh hmu 

sang ber nih a duh vang a ni. Tuna 

ah hian Real hian a hlawh atan 

kum 1-ah pound maktatuai 7.98 

an pe thin a, khawvela footballer 

hlawh hmu tam 10-na a hauh. Player 

Eto'o nen khaikhin chuan Eto'o-a 

hlawh zatve vel ang chauh a hlawh 

a ni. Hei vang hian C.Ronaldo hi a 

lungawi lo hle a, kum khatah pound 

maktaduai 11.8 vel hmuh a beisei 

ta a ni. Chu mai bakah Real Madrid 

hian a thlalak miten an lak man atangin 50% an dawng bawk a, 

hemi thuah pawh C.Ronaldo hi a lungawi chiah lo. Spain ram 

hian tun aia tam zawka tax lak an la tum zui lehnghal a. A hlawh 

mai bakah item hrang hrang atangin pound maktaduai 13.45 

vel kum tin C.Ronaldo hian a la lut. Real nena Contract thar an 

ziak dawn a nih chuan a hlawh hi pun a ngiat ve tlat a ni. Heti 

ang boruak karah hian Man City leh PSG chuan C.Ronaldo hi 

lei theih dan kawng an lo dap ve ngat ngat a. Arab mi, mi hausa 

tawntaw ta Man City leh PSG hian an lei thei a nih ngai chuan 

C.Ronaldo phut zat hlawh pek hi an lo hnial hauh si lo. Engtin 

tak thleng zel ang maw! 

Khawvel Footballer zinga hlawh hmu tam top 10-te 

Hming Club Hlawh 

1. Eto'o Anzhi 15.91 (maktaduai) 

2. Ibrahimovic PSG 11.54 (maktaduai) 

3. Rooney Man U 10.98 (maktaduai) 

4. Yaya Toure Man City 10.34 (maktaduai) 

5. Aguero Man City 9.95 (maktaduai) 

6. Drogba Shanghai Shenhua 9.55 (maktaduai) 

7. Torres Chelsea 8.66 (maktaduai) 

8. Dario Conca Guangzhou 8.44 (maktaduai) 

9. Messi Barcelona 8.35 (maktaduai) 

10. C.Ronaldo Real 7.98 (maktaduai) 

n 

pREMiER lEaGuE-a TluK DER ChinG 

BERah livERpOOl paKhaTna an ni, 

hEi vanG hian pEnalTY paWh 

an hMuh TlEM phah 

Record lama a lan danin 

Premier League-a tluk der 

ching ber chu Liverpool club 

hi an ni. 2011-12 leh vawiin 

thlenga penalty beisei avanga 

tluk der ching berah Liverpool 

chu pakhatna an ni. 

An tluk der avanga yellow 

Card an hmuh zat pawh vawi 6 a tling. Chelsea-in an dawt a, 

Yellow card vawi 4 an hmuh phah. 

Liverpool striker Suarez chuan heti anga a tluk der thin 

avangin Yellow vawi 3 a hmu tawh. Hmu tam ber a ni nghe nghe. 

Season liam ta chhung khan a tluk der avangin Yellow vawi 3 

a hmu a, tun season-ah vawi 1 a hmu. Heti anga an tluk der 

thin avang hian penalty pawh an hmuh loh phah thu Daily Mail 

chanchinbu chuan a ziak. Liverpool coach pawhin he thu hi a 

pha lo. Club tana a that loh thu pawh a sawi. 

Heti anga penalty beisei avanga tluk der ching club-ah hian 

Premier League club lian Liverpool, Chelsea, Spurs, Mancity leh 

Arsenal-te tel mahse, club lian Man U chu a tel hauh lo thung. 

Premier league-a Penalty beisei avanga tluk der ching player-te 

(kum 2011 atanga tun thleng) 

club Player 

Liverpool - Suarez(vawi 3),Agger, Caroll, Belami(vawi 1 theuh) 

Chelsea - Oscar (vawi 1), Torres, Sturridge (vawi 1 ve ve) 

Spurs - Gareth Bale (vawi 2) 

Man City - Balotelli, Zabaleta (vawi 1 ve ve) 

n 

soccer 

EnGlanD SElECTED FOOTBall CapTain 

hlui JOhn TERRY Chu EnGlanD 

SElECTED nihna aTa a ChaWl Ta 

England captain hlui Terry chu 

International football inkhel 

chhohna tur England tan a 

khel dawn ta lo. Kum 31-a 

upa Terry hian ram tan a khel 

nasa em em a, captain a nihna 

ata vawi hnih ngawt FA-in 

a ban. A vawi khatna chu kum 

2010-ah khan a ni a. Chelsea 

player hlui Bridge-a nupui nen 

thawm an neih deuh avanga 

bang a ni a. A vawi hnihna chu kumin February thlaah khan a 

ni a, QPR defender Ferdinand chu vun rawng lam hawi zawnga 

a deu vang a ni. Terry chuan "Ram tan ka khel tawh lovang. 

Ram tan vawi 78 ka lo khel tawh a, min thlangtu team managerte 

chungah ka lawm hle. Ka khelpuite nena kan khel tlang thei 

pawh kha a chhuanawm ka ti. Ram tana ka khelh tuma mi lo pui 

thinte ka chhungte leh ka fan-te chungah pawh ka lawm bawk. 

Heti anga thu tlukna ka siam pawh ka rilru a nuam lo. England 

ramin hlawhtlinna an neih ka duhsak. Tunah chuan Chelsea club 

hlawhtlinna atan theih tawp ka chhuah ang," a ti.n 

EnGlanD-a a lO KiR lEh ThlEnG 

FERGuSOn Chu Man u COaCh ni TuRa 

DuhTu MOuRinhO 

Real Madrid-a Coach thawk mek 

Mourinho chuan English Premier 

League-a a kir leh hun thleng Ferguson 

chu Man U coach lo la thawk se a 

duh thu interview pakhat an neihnaah 

a sawi. Kum 49-a upa Mourinho hi 

Chelsea club coach-ah kum 3 chhung 

a tang a, Premier League-ah vawi 2 a 

champion pui. "Manager Ferguson hi 

Coach-ho zingah chuan a thiam ber. 

Premier League-a ka lo kir leh thleng 

Man U Coach a lo la thawh ngei ka 

beisei. Real Madrid nena contract kan 

ziah hi kum 2016-ah a tawp ang. Chu 

vangin Real nena contract kan ziah 

hun chhungah hi chuan club dang chu ka bengkhawn dawn lo," 

tiin Mourinho chuan a sawi. Portugal mi Mourinho hi Fergusonan 

Man U a chhuahsan huna thlaktu atan mi tam takin an lo ring 

lawk sa a ni.n 

aRSEnal ShaRE hOlDERS ZinG a RuSSia Mi 

hauSa uSManOv Chuan CluB hRuaiTuTE DEM 

Arsenal share holders zinga tel ve 

Russia mi hausa Usmanov chuan Arsenal 

club hruaittute a sawi sel hlak 

mai. Arsenal-ah hian a share hi 30% a 

ni a, ani chuan “Arsenal hian a player 

tha tha a zuar chhuak a, fante an lungawi 

lo. Club a lo hlawhtlin theih nan 

player tha lei zel tur a ni” a ti. Mahse 

club coach Wenger erawh a fak hle 

thung. “Wenger-a fan ruh tak ka ni a, 

a lamah ka tang zel ang” a ti. n 


pREMiER lEaGuE 

Sat 20 Oct 2012 

Tottenham 6:15 Chelsea 

Fulham 8:30 Aston Villa 

Liverpool 8:30 Reading 

Man Utd 8:30 Stoke City 

Swansea 8:30 Wigan 

West Brom 8:30 Man City 

West Ham 8:30 Southampton 

Norwich 11:00 Arsenal 

Sun 21 Oct 2012 

Sunderland 7:00 Newcastle 

QPR 8:30 Everton 

ChaMpiOnS lEaGuE 

tue 23 Oct 2012 

Spartak Mkv 10:30 Benfica 

Wed 24 Oct 2012 

Barcelona 1:15 Celtic 

Shakhtar 1:15 Chelsea 

Man Utd 1:15 Sptg. Braga 

Nordsjaellnd 1:15 Juventus 

BATE 1:15 Valencia 

Lille 1:15 B. Munchen 

Galatasaray 1:15 CFR Cluj 

Zenit 10:30 Anderlecht 

thu 25 Oct 2012 

Arsenal 1:15 Schalke 

Porto 1:15 Dynamo Kyiv 

D. Zagreb 1:15 PSG 

Montpellier 1:15 Olympiakos 

Malaga 1:15 Milan 

Ajax 1:15 Man City 

B.Dortmund 1:15 Real Madrid 

Chief editor 

Ni Lian Sang 

editorS 

F. Lalbiakmawia 

The Rengs 

Zalianthanga 

MeMberS 

C. Zaithankhuma 

Laldinthari 

Zothankhuma 

PatronS 

Lalsawmliana [LPS-Mizoram] 

Vanlal Zawma [UAE] 

B. Zarzoliana [Malaysia] 

Vanlal Dika [Canada] 

Pachhunga [Yangon] 

Vanlawmsanga [Germany] 

Lalrinsanga [Mandalay] 

Lalremsanga [Australia] 

Zoramchhana [USA] 

Lallawmthara [New Zealand] 

EnGlanD FOOTBall COaCh hlui ERiCSSOn 

YanGOn-ah lO Kal 

September 24 khan khawvela football khel thiam, 

England Coach hlui chu kan ram khawpui Yangonah 

a lo kal. Tunah hian Thailand ram football club 

pakhat BEC Tero Sasana–ah khelh dan tur system 

(practice lak dan tur)-a director thawk mek Ericsson 

hian Yangon United Stadium (Practice-na field) 

leh player-te practice chu a en a. Yangon United 

president U Tae Za chuan zanriah a kilpui bawk. 

September 25 khan Ericsson hi Thailand ramah a 

kir leh tawh. Ani hian, Benfica၊Fiorentina၊ Roma, 

Lazio leh Man City club-ahte coach a lo thawk 

tawh bawk. England, Mexico, Ivorycoast ram tan 

coach a thawk tawh bawk.n

18 | TAHANTIMES sport digest 8 October 2012 Monday | Vol.2 No.7 

paCiFiC OpEn TEnniS-ah ChaMpiOn lai 

RaDWanSKa Chu hnEhin RuSSia Mi 

pETROva Chu ChaMpiOn 

Japan rama an buatsaih WTA Tournament pakhat Pacific Open Tennis-ah 

champion lai Radwanska chu hnehin Russia mi Petrova chu a champion tlat 

mai. Finalah hian Poland mi Radwanska chu Petrova hian 6-0, 1-6, 6-3,-a hnehin 

pakhatna a la a ni. 

He Open-a lawmman a sen ral zat chu USD mtd 2 chuang a ni bawk. Finalah 

hian Radwanska hian a service tha thei hle a, mahse Petrova hian tha 

tak takin a lo la thei zel a. Match te vawi 3-naah Radwanska hian Double fault 

vawi 3 a nei a, hei hian Petrova hi a champion tir ta a ni deuh ber mai. Petrova 

chuan, “Inkhelh tirh lam khan ka zang a nat avangin final khelh phak hi ka inring 

lo hle a. Mahse a tawpah chuan lawmman ropui tak ka dawng ta a ni,” a 

ti. Lawmman atan dollar 385,000 a dawng a. Pahnihna hian lawmmanah dollar 

192000 a dawng va bawk. Petrova hian Tennis a khelh tawhah vawi 12 lawmman 

a dawnna a ni.n 

Man-u COaCh FERGuSOn-an Mi vin lEh 

hRaWK ChiaM a ChinG, ROOnEY Chuan Tha a Ti 

Man U coach Ferguson hian a hote vin leh hrawk 

hrep hrep a ching kumkhua a, England striker Rooney 

chuan tha a ti tlat. Ferguson hian 'inthlakna' pindanah 

a infiam mite chu a vin hrep hrep a, a hrawk chiam thin 

a. Chu chu Britain media-ho chuan 'hairdryer treatment' 

tiin an ziak thin. 

Ferguson hi kum 70 lai a ni tawh naa a infiam mite 

leh staff reng rengin an la hlau thei thin hle ni awmin 

Rooney chuan a sawi. Rooney hian autobiography 

bu a buatsiah meka, chuta tel tur te chu 'Daily Mirror' 

chanchin bu-ah ni tin an telh reng thin a, Ferguson hrohrang nat dan chu a 

sawi chhuak a ni. Rooney chuan, "Ferguson hian a tidik lo a tih mai theih 

loh. Ball petnaa kan hneh loh chuan min ko khawm a, kan mitah min en ran 

chungin min hrawk hrep hrep mai a ni. Tha ka ti kei chuan. Min han vin tak 

tak chu ka lu bulah engine power chak deuh an rawn hung ang ni berin ka 

hria. Hlauhawm tak a ni. A chang chuan ka chhang let ve bawk. Tih fuh loh 

chang a nei ve thin a..." a ti. 

"Ferguson hi a dawhtheihna a pelh tawh chuan infiam mi zawng zawngin 

hlau lo an awm lo. Tumahin an chhang ngam ngai lo," tiin Rooney hian a 

sawi chhuak bawk.n 

PeTer crOuhch-a nuPui a Buai Thei hle 

Stoke City striker Crouhch-a nupui Abigail Clancy chu hna thawk thei tak 

hmeichhia a ni. Ani hi model niin kum 26 chauha upa a ni a. Zan lamah a thiannu 

nen hlim takin ei in mahse, a tuk zingah chuan 'This Morning' program-ah 

hruaitu berah tangin a hnaah bahlahna a nei hauh lo. A inthuam dan pawh a 

pianzia nen a inmilin a inhmeh hle. A program a zawh chuan a fanu hnenah a 

kal nghal thin a, hei hian nu tha tak a nihzia a tarlang bawk. "Ka tih tur ka ti zo ta. 

Chuvangin ina awm mek ka fanu hnenah ka haw nghal thin," tiin a sawi fo thin.n 

aSEan hMEiChhE FOOTBall inTihSiaKnaah 

Kan RaMin pahnihna la 

AFF huaihawtnaa buatsaih ASEAN hmeichhe football intihsiakna chu September 

thla ni 22 khan final khelh a ni a, a thlengtu Vietnam chu penalty-ah 

4-3-a hneh lovin kan ram hmeichhe football team chuan pahnihna an la a. 

Pahnihna chauh ni mah se, MFF chuan lawmmanah cheng nuaih 150 a pe 

tho a ni. He hmeichhe team hi kum 2013 SEA Games-a tel tur tho an ni a, 

training camp an nei chho zel tho vang. An mimal hlawh pawh thla khatah 

nuaih thum ni tawh lovin nuai nga a ni tawh bawk ang. Final an khelh tum 

hian khelh atanga minute 11-ah kan ramin a rinchhan em em, team captain 

ni bawk San San Maw chu red card-ina chhuak a. Kan ram chuan 4-3-in a 

hneh ta lo a ni.n

BlessingHospital 

aH HENG sPECIalIsT-TE HI TlaI laM DaR 4 aTaNGa RaWN THEIH RENG a NI. 

og te: 

(Hmeichhe lam leh Naupai admit-na, Naunei duhte tan) 

1. Dr. Daw htay htay Kyu (og) 

Hmeichhe lam bik Daktor Senior tawh tak a ni. Damdawiin puiah a thawk mek. 

2. Dr. Daw ahmar (og) 

Hmeichhelam bik daktor a ni. Damdawiin puia thawk mek a ni. 

3. Dr. u Nyi lin Phyu (og) 

Hmeichhelam bik daktor a ni a, Sipai Damdawiin a thawk mek a ni. 

Surgery: 

(Ril, pumpui, rilpeng leh hmeichhe lam nilo inzai ngaite tan) 

1. Dr. u Min Naing (Surgery) 

Damdawiin puia thawk meh a ni. 

2. Dr. u Kyaw Myo hein (Surgery) 

Sipai Damdawiin a thawk mek a ni. 

ortho: 

(Ruh lam leh thahrui natna neite tan) 

1. Dr. u Kyaw Soe Naing 

Damdawiin puia thawk mek a ni. 

X-ray leh ultrasound: 

(Rill leh thin, la, Kal natna neite, naupai fel leh nau fel leh fello en chiang duhte, hmeichhe lam 

natna en chiang duhte, Chuap leh luruh lam en duhte tan) 

1. Dr. u Phyo Swe Myint (Major) 

Khum 100 Sipai damdawiin a Hotu pa ber a ni. 

Heng Specialist-te huaihawtna in Instrument kimchang tak nen Nauneihna room, nausen tan 

tul mamawh zawng zawng leh Operation room nuam tawk tak chu he BleSSiNg hoSPiTal 

ah buaisaih a ni e. 

• Inzai man leh Daktor rawn man chu Specialists te tan a ni a, thildang rate engkim chu a tul 

dan anga inbiak rem theih zel a ni e. 

• Damlo zual leh emergency te pawh dawngsawng thei turin Daktor Duty pawh kan nei reng 

e. 

Cherry Maung Soe + Sayama Ringi 

BIKE SALES & SERVICE 

Hei le! Kan mi leh sate rinchhanin “Bike” thar tha, “Che Koung” (Mu,facgifxkwf) packing ngat 

tlawm takin kan zuar ve ta. 

Duhsaka min rawn dawrtute hnenah present eng emaw pek zel in ni ang. 

Tlawmngaia rawn kawhhmuh emaw, a lei tur rawn hruaitute tan pawh lawmman (yGJc) 

buatsaihsak in ni ang. 

တံတားဦးအနီး၊ျမသီတာကုန္စံုဆိုင္ေဘး၊ဗုိလ္ခ်ဳပ္လမ္း၊ကေလးၿမိဳ႕။ဖံုး-၂၁၈၃၈၊၀၉-၄၇၀၇၃၅၆၂၊၀၉-၆၄၇၂၈၄၈ 

Ta Da Oo kiang, Sky Net dawr bul, Bogyoke Street, Pinlong, Kalaymyo. 

Tel: 073-21838, 09-47073562, 09-6472848

Read more @@@ Tahan Times Vol.2 no.7—PDF - Zoin.Info

You also want an ePaper? Increase the reach of your titles

Delete template?

Save as template?