ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 5
Ka Chashma Right Bank Irrigation Project, Pakistan
Ka thong jong kane ka projek ka long ban ring um sha ka jaka kaba 231,000 hectares kaba don ha ka mon ka
liang jong ka rud wah Indus ha Pakistan. Ka jingktah jur ia ka mariang bad ka imlang sahlang kiba mih na kane
ka projek ki long na ka daw ba ia ka projek ym shym la pyrkhat bha, bad ha ka jingduna ban pynkhreh ia ka jaka
sah ha ka ban pynkhriah shnong namar kine ki jingduna halor ki jing pyrshah ka la wanrah ia ka jingslei um ha
kipor lyiur, ha ka ba la ktah ia ka imlang sahlang ha ka shnong ka thaw. Ka la wanrah ruh ia ka jingjular ha ki iing
ki sem ha ka ba ki hap ban phet na la shnong. Nalor kane, ka projek ka wanlam ia ki jingjot jong ki khlaw ki btap,
ki mrad ki mreng, bad jingsynjor jong ka khyndew. Ka ADB ka la ialam bakla ha ki dulir ia ki jingktah jong ka
projek ia ka mariang bad ha kane ka rukom kam shym la pynkhreh ne tohkit ia kine ki lamsniew kiba la ktah ia
ka mariang.
Ka Chashma projek ka don ha ka tnat jingtohkit jong ka ADB; ka kaiphot ba khatdun (Final Report) jong ka tnat
jingtohkit (Inspection Panel) ka rai Ba ka rukom jingpyniaid jong ka ADB ka la pynkhein ia hynriew tylli ki ain
ha ka por ba pynkhreh bad pyntreikam ia ka Chashma project.
Ki nuksa ba la pyni ba ki dei na kito ki projek ha kaba ki trai nong shong shnong kiba la shah ktah ha ka ba ki la lah
ban iakhun bad ka ADB ha ka ban pan bad pynbor ia ka bank ba ka dei ban kitkhlieh na ka bynta kine ki jingjulor.
Don bun ki nuksa, ia ki ba ym lah ban kdew hangne, ha kaba ki trai ki trai nong shong shnong jar jar ki la iai shah
shitom lynba ki projek jing ka ADB.
Balei yn thew ia ka ADB na ka bynta ki jingiarap (Why target the ADB for Advocacy)?
Wat lada ki sorkar jong ka ri ki kitkhlieh lang bad ka ADB halor ki projek kiba shem jingeh ka long kaba kongsan
ban kdew ia ka ADB na ka bynta kine kid aw harum:
● Ka ADB bei tynka sha ki ri shimram, ka don ki bor ban aibor halor ki ain jong ki kam pynroi ha kine ki
ri.
● Ka projek kam lah ban iaid shaphrang khlem ka muhor jingkohnguh jong ka ADB, lynba kane ka ADB
ka la lah ban shim ram na kiwei ki seng bei tyngka (multilateral, bilateral and private sector sources) na
ka bynta kano kano ka projek. 5
● Katto katne na ki jingdonkam jong ka, ka ADB ka shaniah ha ki jingai jingiarap ha ki ri kiba iasyllok
dkhot bad ka bank, ki paidbah siew khajna jong kine ki ri namar kata ki lah ban kam ba ka bank ka don
ka kamram ban jubab sha ki. Ka bor jong ki seng pyrthei halor kine ki kam ka pynlong ia ki sengkhihlang
ban kdew bad puson ha kito ki mat kiba Ba kongsan hynrei Ba synjor.
● Bun na ki sorkar Ba shim ram na ka bank ki long ki sorkar ki bym da khlain ha ka synshar khaddar
paidbah. Kito ki sorkar thombor (authoritarian government) ki long barabor ki Ba nyngkong ban iuhroit
ia ka imlang sahlang bad ka mariang na ka bynta kine ki projek kiba rem dor. Ki seng khih lang li iasaid
ba kum ha kine ki khyllipmat ka bank ka dei ban kitkhlieh na ka sorkar.
● Ka jingthew bad khmih bniah (evaluations) ba hapoh jong ka bank, ka ADB ka la kubur ba bun na ki
projek kim shym lah/lane jop ka jingthmu jong ka 6 .
● Ki don ki jingpynshi Ba ia ka jingduk ym pat lah ban pynduh ne rat dyngkhong ha ki katto katne ki ri:
ha man ka por kine ki projek ki wanlam pynban ia ka jingduk Ba ar shah, wat la da bun snem ba la ai
jingiarap da ka ADB.
Ka kamram jong ki seng bhalang ha ki kam jong ka ADB (Civil society role in ADB operations)
Ki don ki kamram jongki ban tohkit ia ka jingtreikam ha ka ADB ha ka liang ban pynroi pynsam ia ki ri, da ka Ba ai
jingiarap ka ka pisa, tyngka bad ban rat dyngkhong ia ka jingduh, jingjar jong ki, kine ki seng bhalang ki lah ban leh
ia kane da kaba: