ADB Toolkit: Unpacking the ADB — Khasi Version - Bank ...

More documents

Recommendations

Info

62 Ka ADB: Ka Lad ban kham sngewthuh ïa ka Asian Development Bank paidbah. Kane ka jingleh jong ka ban pynmih ia ka VAT ka long ban ioh shim khajna na kito ki kam kha-i ki bym la siew hap ban siew bai khajna, bad ban pynbun ki jingsiew kiba iadei ia ki kam na ka bynta u paidbah. Ka TA ruh ka pule bad khmih halor jong ka jingsam tyngka da ka ba buh jingthoh, da ka jingthmu ban ioh pynshongnia ia ka rukom ba pyndonkam pisa, khnang ba ha uwei u snem lah ban btai kumno yn pyniaid ia ka pisa. Kane ka jingthoh jong ka, kan wanlam ia ka jingpynduna bad kan ai jingiada na ka jingduhnong, jingduk bad jingjot. Ka prokram jingiada na ka bynta ka jingshlei um ha ka hima Assam (Assam Flood Control Program ) Kane ka kot ai jingmut halor kane ka prokram ka kdew ia ki jingthmu jong kane ka projek ka ba iadei bad ka jingtei ia ka ioh ka kot ban pynduna ia ka jingduk jong ki briew kiba im ba sah hapoh ka wah Brahmaputra bad ha wah Barak. Ka TA na ka bynta kane ka prokram kan btai kynthup ia ka jingiada, jingpynduna ban leh kumno ynda don jingshlei um ne jingbam um ia ka khyndew. Kane ka prokram yn pyntreikam ha ar tylli ki mat ne por ba la phiah. Ha ka mat nynkong, kine ki long ki kam kiaba hap ban pyndep : ban pynkhreh ia ki ain ka hima ka dei bad ka jingiaid ia ka um ka wah; ban pynkhreh ia ka jingpyniaid ia ki wah ha Assam, kiba ker kut ker sawdong ia ka rep ka riang, ka jing ai um, ka khlaw ka btap, ka jingri dohkha, bad ka surok iaid ka kali hapoh ka hima; ban pynkhreh ia ka jingwan ki jait jingjulor ban iada na kine ha ka dor ka ba kham tad; bad ban shna ia ki rukom trei kam na ka bynta ka jingpyniaid um bad ki wah bad ban kdew ia ki jingbuh pisa tyngka ki ba kyrpang. Ha kine ki kam ba la kdew ha neng, ha ka phase ne mat ba ar kin shna ia ki prokram ban ai training na ka bynta kito ki projek rit ha kine ki jaka kat kum na ki jingthoh jingpule halor ka rep ka riang, ka jingpyniaid um, ka khlaw ka btap, ka jingri dohkha bad kiwei ki jait prokram kiba ia dei bad ka jingtei ia ka imlang sahlang jong kito ki shnong ba lah shah bam ha ka um, bad ban shna ia ka seng bormet ha Assam bad ia ki projek shna tyngka na ka bynta ka rukom pyniaid pisa ka ADB ruh yn pynkhreh ia ka. La khmih lynti na ka TA ban pynmih ia ka kot lyngkdap jong ka Assam State Water Policy (ka ain halor jong ka jingpyniaid um ka hima ka Assam), ka lynti ne rukom trei jong ka sorkar na ka bynta ban iada na ka jingshlei um ne jing shah bam um; bad ki prokram kiba dei ia ka jingpynbha ia ka imlang sahlang na bynta ki projek ha ki jaka kiba rit, kiba kynthup ia ki jingpynbha jingtei ia ki jaka, ka rep ka riang, ka jingri dohkha bad kiwei kiwei pat kiba iadei bad ki kam ki jam ha ka liang ka ri dohkha. Ka jingkhmih lynti na ka projek jong ka TA la pynmih ia ka jingiada jong ka ioh ka kot ka hima Assam lynba ki kam trei ba janai kiba la iada na ka jingshlei um bad lyngba ki training ba la ai na ka bynta ka ka wah. b) ka jingailad na ka bynta ki jaidtbynriew ha ka imlang sahlang hapoh ki projek kiba iahap bad ki jingkyrshan ha ka rukom ban pynmih tulop. Sikkim Agribusiness Development Support Project Ka TA ba kyrshan da ka ADB ha projek dei ban jingtei ia ka thung ka rep, bad ka jingdie jingthied, kaba ki khot ka Agribusiness Development Support Project 17 ; ka ju iarap ia ka sorkar jong ka hima Sikkim ban shna dur ne pynkhreh ia ki project kumno ban kynshew ne seng na ka bynta ban pyniaid pisa shabar, kaba pyrshang ban ialeh ha kaban pymih tulop, bad ban plie lad lynti ban ai kam ia ki briew lyngba ka die ka thied jong ki jingthung jingrep jong ka mariang. Kine ki jingkynshew; jingbuh tynka ka long ban pynkiew ia ka jingmih na kine ki jingthung, bad ban die ban pyniaid sha bar ia kito ki jingrep kiba kham iohnong bha; bad ban tei ia kito ki kynhun ki ba kynshew pisa, ban kyrshan ia kane ka jingtreikam,; bad ban kyrshan ia ka agribusiness da ka pyrshang ban die ban thied ia ka rep ka riang, ban pynkhih ia kito ki briew shimet ban ia lum pisa, bad ban kynshew ha ka phang jong ka rep ka riang. Ka projek ka pyrshang ruh ban ai jingiarap ban pynbun ki lad ki lynti na ka bynta ka die ka thied halor ka mar ka matta jong ka rep ka riang (i) ban buh dor shuh shuh ha ka die ka thied jong ka rep ka riang, bad ban ialeh ban pynduna ia ka jingduhnong hadien ba la dep lum ia ki jingthung jingrep; (b) da ka ba tei ia ka ha katta ka rukom ban pynjur ia ka jingdawa na u paidbah bad na ki jingmih na ki seng riew shimet; bad ban pyniaid ia ki mar ki matta ki iew kiba shabar hapoh ri la jong bad shabar ri ruh kum juh bad (c) ban pynmih ki jait kam kiba heh tulop na ka bynta ki nongrep lynba kine ki iew. Ka TA ka ai jingtohkit kaba janai ia kaei ba ka ADB ka shem jingeh bad ia ki lad ki lynti hapoh jong ka hima, bad ka kdew ruh ia ki jingmih jingsep jong mar kha-i. kane ka jingkdew ia ki projek la buh nongrim ha kine ki mat kongsan kum kine ba bud (i) ka jingpule bad khmih bniah ia ka rukom iaid ka iew, (ii) ka rukom jinpyndap ne buhai, (iii) ka lad ba ioh na ka jingia khun ki para nongdie nongthied (iv) ki lad kumno ban ioh nong, (v) ka jingpyniar ia ka jingduhnong haba lum ia ka rep ka riang, bad (vi) ka jingbun ki nongrep kiba lah ban iohnong. Ka TA kan kdew
Ka ADB: Ka Lad ban kham sngewthuh ïa ka Asian Development Bank 63 ia ki lynti treikam hapoh ka hima, ban rat ia kito ki jingpynwit ha ka liang ka bor synshar na ka bynta ki seng riew shimet kiba ia lum pisa ha kki kam jingiadawa, jingdie, jingthied jong ki mar ki matta ki ba mih na ka rep ka riang. Ka pyni nuksa da ka ba lum kawei ka kynhun ka iarap da lade ia lade hi ka bi ki ong ka Self Help Group, ka association ne kynhun jong ki nongrep, bad ki ki kynhun ba don lang ka juh ka jingthmu. Ban iarap ia ki shnong nongkyndong bad ia ki nongrep kiba sdang trei ki kam barit, ka TA ka batai da ka ba ai nukssa ban trei kam ha kaban pyndonkam ki lad lynti kiba thymmai da ka ba shna ia ki kynhun bapher bapher, kum ki seng kiba iatylli lang haka juh ka jingmut, ki kynhun u riew paidbah, ne ka seng jong u riew shimet lane ban ia snoh kti lang ha kaba bud lang da kine ki lynti kiba long kumne (i) ban shna lad ban iohnong na ka bynta ki nongrep ban pynmih kum ja jingdonkam jong ka jingbha ne jingsniew jong ki mar kha-i kat kum ki kyndon ba la ia sngewthuh jingmut lang; (ii) ban pynbiang da ka ba ai jingmut, ban ai ia ki tiar kiba thymmai ki techonology, bad ban pynshai halor ka dor bad ka jingleh doh iap; (iii) ban ai ia ka lad ban ioh ia ki technology kiban pynmih bha ha ka jingiohnong; (iv) ban ai ia jingmut halor ka rukom iaid iew khnang ban sngewthuh kumno ban leh lada la don kano kano ka jingkylla ha ka die ka thied (v) kumno ban leh ban pynbieit ia kito ki ba ai pisa; bad (vi) ban shim bynta bad kito ki mat kiba iadei bad ka jingdon jingem, ki kynhun, ka rukom trei kam bad ban khmih bniah ia ka jinglong katta ka jingsniew ne jingbha jong ki mar kha-i. SASEC for Regional Air Quality Management (TAR: OTH 37014) Hapoh jong ka SASEC prokram , ka don ka jingdonkam ban tei ia ka Air Quality Management (AQM) hapoh ki thain rit da ka ba ia trei lang ban ia sam lem, ne ai jingmut lem ha ki rukom khein, rukom treikam ha la ha la ki jong ki hima kumba la ia don jingsngewthuh lang. Kane ka jingdonkam kumba la thoh da ka SASEC ka wan namar ka daw ka long ba la mih ki jait pa ki jaid kompany, ka jinglong nongsor ki shnong ki thaw, bad ia ka jingwan jong ki rukom pynmih bormet na ka mariang kiba la ban ktah ym dei tang ha shnong, ne ri bad ha ki ri shabar ruh. Ym don kam ban ong, hynrei kaei ba ka TAR ka leh ka long ba ka kham pyni ia ki jingjakhlia, jingjaboh ba la wan rah ha ka tei ia kine ki bormet ka ba ka ADB bad kiwei kiwei ki IFI ki pyntrei kam. Ha ka jaka ban pynthymmai biang ia ki lynti ban iarap ia ki briew ha kane ka thain, ka jingtrei kam ha ka liang ka mariang ban sumar sukher ia ka, pynban ka la iada ia ki jingjakhlia, ki jaid bih, ba la mih ha ka jingtrei kam jong ki ha kane ka thain lam mihngi. Lafarge Cement Plant Ka Lafarge Surma Cement Limited (LSC) ka la sdang treikam naduh u snem 1997 bad ka parmaw hapoh ka hima Meghalaya. Kane ka don hapoh ka jaka kaba ki khot ka Chhatak, ha shnong Sylhet ka don kum ba shiphew kilometer na ka bordar hima Meghalaya. Kane ka par ka lah ban pynmih haduah 1.2 metric ton ka dew bilat ha ka shi snem. Ka Lum Mawshun Mineral Private Limited (LMMPL) ka dei ban peit ia ka hok jong ki nongtih par. Ka jing ai wai ia ka khyndew kadei bad ka LSC ka ba dei trai haduh 74 percent bad ka ka Lafarge Umium Mining Private Limited (LUMPL) ka pyniaid ia ka jingtih par haduh 100 percent kaba dei trai da ka LSC. Ka jingbuh pisa tyngka ka long haduh 240 million pisa tyngka jong ka USA, ka ba kyntup ruh ia ki jingsiew bad bai nongtrei. Ka ADB bad kiwei kiwei pat ki IFI, bad ka Lafarge ka kynthup ia ki dei ki nong buh pisa kiba kham kyrpang kiba don hok haduh10 percent, bad 10 percent bad 50 percent. 1. La shim na ka dulir Insiduous Financial Intrusion in India’s North East, ICR & FIPA (Extract from the Insiduous Financial Intrusion in India’s North East, ICR & FIPA) 2. ADB:TAR:IND 36318, ba la bei tyngka da ka Japan 3. Ka loan “Assam Governance and Public Resource Management” ba la kynthup ha ka prokram jong ka ADB 2004 ia ka ri India. Ka jingaibuit ba nyngkong eh ha ki jingpyntip ka ADB Business Oppurtunities, 1 July 2002. (A loan “Assam Governance and Public Resource Management” included in ADB’s 2004 country program for India. The TA first appeared in ADB Business Oppurtunities (Internet Edition) 1 July 2002) 4. ADB 2000 : Jingaibuit ia ka India ban kyrshan ia ki tnat pynmih bording, Manila (ADB 2000 : Technical Assistance to India for Support for Power Finance Corporation, Manila)
Page 1:
Ka ADB Jingpynshai halor ka Ka Lamp
Page 4 and 5:
2 Ka ADB: Ka Lad ban kham sngewthuh
Page 6 and 7:
Page 8 and 9:
Page 10 and 11:
Page 12 and 13:
10 Ka ADB: Ka Lad ban kham sngewthu
Page 14 and 15: 12 Ka ADB: Ka Lad ban kham sngewthu
Page 84: Table of Contents ● Ka Jingsngews
show all

ADB Toolkit: Unpacking the ADB — Khasi Version - Bank ...

Create successful ePaper yourself

Delete template?

Save as template?