ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 59
Ka jingaibuit lane Technical Assistance halor ka phang “Urban Management Support in the North East Region” lane
“ka jingiarap ban pynbha ia ki Sor ha ka thain shatei lammihngi” ka pyni ia ki thong bad ki jingthmu ban iarap ia ki
tnat treikam ha sor (urban local bodies), ha kaban pynkhreh bad pyntreikam ia ki jingthmu khnang ban pynlong ia
kine ki tnat kiba seisoh (efficient) bad kiba laitluid ha ka jingtrei jong ki (autonomous local self governments) Ki
jingpynthymmai ia ki rukom khein bad lum khajna (computerization of municipal databases for tax billing collection
and reassessment), lum jingtip halor ki jingdonkam ba kongsan ha ka imlang sahlang (Surveying basic infrastructure
conditions) bad jingpynbiang ia ki kot kdew (preparation of digitized maps), lum jingtip ia ki jaka ki puta bad jingdon
jingem (property and infrastructure databases) khnang ban sngewthuh kumno ban bei pisa ia ki projek bapher bapher
(investment planning), kine ki long ki mat ba kongsan jong ki jingaibuit lane Technical Assistance.
Ka jingkha-i pateng bad ka Jingbuh pisa ban pynmih phoida (Trade and Investment)
Ka jingthmu jong ka ADB ka long ban pyndonkam ia ka thain kaba shatei jong ka lam mihngi, haka ban wanrah ka
jingiadei bad jingiatrei lang ha ka jingdie jingthied bad ka thain dewlynnong kaba shathie sharum kaba ki khot ka
South Asia. Ka jingtrei kam jong ka ADB hangne ha thain kaba shatei jong ka lam mihngi, kum ki kam ba iadei bad
ka shna surok shna lynti bad ban shna ia ki bormet kiba lah ban wanlam khubor kylleng ka pyrthei baroh kawei; ka
jingtei ia ki nongbah; ka jingpynkyntiew ia ka die ka thied halor ki mar kiba mih na rep ka riang; ka jingthaw ia ki bor
met kiba mih na ka um; bad kiwei kiwei de, ki long ba ka ADB ka thmu ban pynkiew pynkhlain ha ka jingiadei ha ka
liang ka die ka thied bad ka jingbuh pisa ha katta ka rukom ban iohnong. Ka ADB ka la pyllait ia ka TA ia kane ka
jingthmu jong ka hangne ha thain kaba shatei jong ka lam mihngi ha u bnai risaw u snem 2004. Kane ka pyni balei ka
jinkha-i pateng bad jingbuh pisa ban pynmih phoida ha kane ka thain, namar kane ka wanlam ia ka jingbun ne
jingiohnong jong ka ri India hi baroh kawei, ha ka liang ka die ka thied bad jingkynshew pisa kaba la pyntreikam hi
da ka ADB bad kiwei kiwei ki IFI. Ka jingai jingiarap kaba ki ong ka TA ka pyni ruh ba hangne ha thain ka long ka
ba duna bha,; bad yn kham iohnong bha lada ki ia trei lang bad ki hima kiba shajan jum ki hima Bangladesh, Bhutan,
Nepal bad ka hima China 9 . Ka ADB ka pyrkhat ba ka kam kha-i pateng bad kane ka jingpuhpisa ban pymih phoida
hangne ha thain ka dei kaba donkam, haka ban pynbha, pynkiew ia ka rukom iaid iew jong kane ka thain shane; bad
ban pynkih, pynibang ia ki seng shimet ban kin trei ha kane ka thain. Ka ADB ka ong ruh ba dei ban kyrshan bad ban
shim kabu ia kito ki jait kha-i pateng halor ki mar kiba lah ban wanlam bun ha ka liang ka jingiohnong. Kane ka bank
ka kdew ruh ha ka hima Assam , bad kiwei kiwei ki jaka ha kane ka thain, kiba dang long khlaw bha, ki bym pat don
mano mano ruh ban ktah ia ka spah kaba ki don kumba la thaw hi; bad ruh ha ka lynti kaba bteng ia ka hima Nepal bad
Bhutan lynba ka hima West Bengal bad lynba ka hima Sikkim, kine ki long ki jaka ki ban plie lad lynti ban tei ia ka
kam kha-i pateng halor ki mar kiba mih na ka rep ka riang.
Ka TA 10 ka thmu ban pynkiew shuh shuh ia ka bormet jong ki seng riew shimet hangne ha thain kaba shatei jong ka
lam mihngi. Wat lada don ki jingeh ruh, ka jingthmu ka ADB ka long ban pyntrei ha katta ka rukom ka ban wanlam
ia kane ka thain sha khmat rynkat bad ki ri ba na shabar India ha ka liang ka iewbah iewsan. Ka TA ruh ka thmu
kumjuh hi, ha kaba ka kam ia die ia thied jong ka SASEC ha kham khlain ban kham jan ha ka jingiadei jong ka na
kawei ka shnong sha kawei pat. Ka ADB ruh ka mynjur kumjuh, ban wanlam ia kane ka thain sha khmat, ban ioh ia
shim bynta bad ki iew bah iew san jong ka pyrthei hi baroh shi tyllup kaba ki ong ki global market; bad ban pynkhlain
ia kito ki riew shimet ha ka ban wanlam ruh kumjuh ia ki sha khmat; bad ha ka juh ka por kane kan kyntiew ia ka ri
India ha ka jingiadei jong kane ka thain bad ka South Asia bad ki khappud shnong jong ka , kaba ki khot ka Greater
Mekong Subregion.
Tourism
Ka ju iai long ba ka ADB ka pyni ia kane ka thain lam mihngi kum ka jaka ka ba iai long ka thain kaba sah kumjuh,
ka bym ju don mano mano ruh ban tip bha shaphang jong ka, ka pyni ia ka kum ka jaka ka dang long sotti ha ka bym
don mano mano ruh ban ktah ia ka, ka ba dang long kumba la thaw, ha jingdap jong ka da ka spah mariang ka ba dang
iphuh iphieng. Kane ka jinglong jong ka, ka plie lad lynti ban shna pisa ha ka ban tei ia ka da kaba wanrah ia ki breiw
na bar ban wan peit kai ia ka, bad ban shna ki jait jingialeh kai ki ba pher ba pher bad pyni ia ki briew ia ka niam ka
rukom jong ki, ban pyni ia ka rukom im ki nongkyndong ha ki shnong rit, bad kiwei kiwei pat. Ka ADB ka la kdew
shai ba ka torisim (ki ju ong tourism ia ki nong leit jingleit, nongshang pyrthei ne maphusor) ka long ka kongsan baka