ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 57
Ka ADB ka la kdew shai ba ka thain shatei lammihngi kan long kum ka lynti (corridor) kaban lam sha ka khaii ka
pateng (economic integration) bad kiwei kiwei ki ri jong ka dewbah Asia ba shathie (South Asia) bad kaba shaphang
mihngi jong ka Asia (South East Asia). Ka ADB ka shim ia kaban lamkhmat ia ka thain shatei lammihngi (NE) ha
kaban pynbha ia ki rukom kit jingkit da ki kali (transportation) bad ki rukom pyntip (communication), ki jingpynbha
ia ka sor (urban Development), ki jingkyntiew ia ka die ka thied jong ki mar rep (Agri business), ki jingpynbha ia ka
rukom pynmih bording (Power Reforms), khnang ban pynlong (facilitating) ia ka thain shatei lammihngi kum ka lad
ban ia khaii (sub-regional trade) bad kiwei ki rib a marjan jong ka Asia. Ka ADB ka shim ba kine ki jingpyrshang
lamkhmat (initiatives) jong ka ha ka liang ka khaii ka pateng (trade) na ka bynta ka thain shatei lammihngi ki long
kiba donkamm khnang ban pynthymmai bad ban pynbha ia ka rukom khaii (trade) bad ban pynmyntoi ia ka jingbei
pisa (investment) jong ka ADB ha kine ki jylla jong ka thain shatei lammihngi. Ka jinglam khmat jong ka ADB kan
wan rah ruh ia ka jinglong kaba biang ha kaban ioh ia ki jingbei tyngka mna ki seng shimet (private sector investments)
khnang ban pynlah ia kane ka thain ba kan ia shim bynta ha ki jingiakhaii bad ka pyrthei baroh kawei (global) bad ruh
ha ki rib a marjan (regional trade) ban pynseisoh ia ka jingshimbynta jong ki riew shimet (private players)
Ki Projek surok ia ki jylla ba shatei ka thain lammihngi (North Eastern State Roads Project)
Ki projek surok (Road Project) jong ka ADB ha ka thain lammihngi jong ka India ki thew ban iarap ha kaban pynbha
ia ki surok bah bad ruh ban pyniasnoh ia ki lynti bad kiwei kiwei ki surok bah jong ka ri India baroh kawei, nangta ruh
bad ki lynti surok bah jong ki ri b a marjan (sub-regional level network). Ha ka jingpyrkhat jong ka ADB, ki phra tylli
ki jylla jong ka kane ka thain lammihngi kin ialong kum kawei ka thain da ka jingpynlong jong kine ki projek surok,
bad da kine ki projek kin sa jied kino ki surok (national highways, state highways bad ki surok district kiba pynbiasoh
bad ki nongbah jong ki jylla, bad kiwei kiwei ki surok rit jong ki district) kiban long ki lad ban pyniatylli ia ka thain
baroh kawei (regional intergration) Kine ki projek surok kin pynsuk (facilitate) ruh ia ka khaii ka pateng jong ka
thain lammihngi bad ka ri India baroh kawei bad ruh sha ki ri ba marjan (neighbouring countries). Ka jingaibuit lane
TA kan shim shuwa (prioritized) kumba 2,500 KM ka surok da kaba shim jingkhein ia ka jinglong ka surok, ki
jingiaid kali, bad ki jingpyniasoh jong kine ki surok (connectivity 6 )
Ki Dulir Pyrkhat kam ha kaba iadei bad ka leit ka wan – Ki surok ha ka thain shatei lammihngi. (Northeastern
Region Transport Capacity Development Concept Paper)
Ki dulir pyrkhat kam ba la tip kum “ADB’s Northeastern Region Transport Capacity Development Concept paper of
17 August 2004”, ka pyni ia ki jingthmu ha kaban wanrah ia ki jingmyntoi ba khyndiat snem (medium-term institutional
development), kynthup ruh ia ki prokram ai jinghikai (training), ki rukom ai jinghikai (framework for training), ki
jingthoh bniah halor ki jingiakren (consultants) ban pynbha ia ka jingtrei bad jingkitkhlieh (accountability) jong ki
tnat ba dei peit ia ki surok (road sector institutions) ha ki jylla jong ka thain shatei lammihngi.
Ia ka dulir pyrkhat kam (concept paper) la pynkhreh halor ka nongrim ba ki tnat treikam jong ki 8 tylli ki jylla (public
works departments) ha kane ka thain shatei lammihngi kata ia ka jylla Assam, Arunachal Pradesh, Meghalaya, Nagaland,
Tripura, Mizoram, Manipur bad Sikkim ki duna ha ka bor ban pyrkhat, rukom shna, jingpyntreikam, jingbuddien ia ki
projek surok (planning, engineering, supervision and monitoring of road development works) bad ki duna ka
jingsngewthuh ha kaban pyntreikam ia ki projek heh ba bei tyngka na shabar (externally funded projects), bad ki duna
ka jingtip jingstad ban pynkhreh ia ki jingthoh jingtar kiba iadei bad ki projek baheh (project report) bad kiwei kiwei
ki jingtreikam (investigations)
Ka Bynta-II ki Surok Nongkyndong (Rural Roads Sector-II)
Ka Bynta ba-ar (Second Phase) jong ka Rural Roads Sector-II ka kynthup ia ka jylla Assam na ka bynta ka projek ba
ar-kyrdan (two-stage) ba la kyrshan da ka Asian Development Bank. Ia ki rukom surok Nongkyndong (Rural Road
Systems) la thmu ban pyntreikam lyngba ki prokram ba ar kyrdan (2 stage): nyngkong, baroh ki shnong nongkyndong
ba don palat 1000 ngut ki nongshong shnong yn pyniasoh ia ki da ki surok ba paka (all-weather roads), nangta par ia
ki shnong nongkyndong ba don palat 500 ngut ki briew ruh pyniasoh lang da ki surok. Ka ADB ha kaba iadei bad
kane ka liang ka lah da iaid shakhmat (initiated) ha kaba ai jingiarap lyngba ka Rural Roads Sector I project ha ka
jylla Madhya Pradesh bad Chattisgarh bad ka la kynthup ruh ia ka jylla Assam, Orissa bad West Bengal ha ka kyrdan