ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 3
Na ka bynta ka thain Asia-Pacific, ka ADB ka long ka b alai ha ki jingai jingiarap (hadien ka sorkar Japan bad ka
World Bank) haba ki ram kiba ka ai sha ki DMC ki poi kumba $5 haduh $6 billion ha ka shisnem. Ka ADB kum ba
ka long mynta ka kham ialeh ban pynkhlain bei tyngka sha ki kam jong ki seng/riew shimet (private sector) ban
kyrshan ia ki prokram jingpynkylla (structural adjustment) kumba lah buh da ka IMF, bad ban pyntreikam ia ki ain
khaii pyrthei (global trade rules). Ka long ruh kaei kaei kaba sngewphylla ban tip ba kine ki mat ba la pyntreikam da
kane ka seng ki long kiba dang don jingduna ha ka rukom pyniaid ia ki, ha ka liang ki ain jingiada kiba i troin, bad
ki loan sha ki sorkar khlem ka jingpyntip ia ki nongshong shnong. Ka ADB ka dang lah ban leh kumne namar ka trei
ha ka rukom ba jar jar bad lyndet, khnang ban ym khring kano kano ka jing ud ne ujor na ki paitbah. Wat lada ki
sengpyrthei khihlang kiba khmih bniah ia kine ki sengpyrthei bei tyngka (international financial institutions) ki lah
ban pynseisoh ha da kaba pynbor ia ki MDB- khamtam ia ka World Bank- ban kham pynbun ia ka bor synshar sha ki
paitbah bad ban pyntrei ia ki ain treikam ka ban iada ia ka mariang bad ban iarap ia ki kam pynroi kiban neh
(sustainable development), ka ADB kam shym pat da long ka kongsan ha ka rukom pyntreikam ia kane, ha ki
mat treikam jong ka.
Ka long kaba donkam eh ba ki seng bhalang ha Asia (Asian civil society) kin thew bad peitbha ia ka ADB. Ha ka
jingpynkhlain bor ialade da kaba pyniaid ha kata ka rukom, lyngba ka Regional Cooperation Strategies 4 , ba kan
iohnam kum ka nongiarap ha ki jingiasyllok jong ki thain (regional cooperation), ka ADB ka la nang oh dur ia ki
kam pynroi jong ki ri synshar khadar paitbah (democracy), sorkar komunist, bad ki ri ba la pyniaid da ki shipai ha ki
thain. Ka ADB ka buhrieh ia ki jingkthah halor ka mariang bad ka imlang sahlang da kaba kdew ia ki jingmyntoi ki
bal ah ban ioh na ki loan jong ka. Ka jingairam jong ka, ka long kaba kham kongsan ha kaba iadei bad ka
jingiasngewthuh jong ki MDBs ban pyntreikam ia ki projek kiba bun jingma (risk)/ heh buskit (reward) ha ki
por kiba dang wan.
Ki seng bhalang (Civil Society Organisations- CSO) kiba snoh kti ha ki kam (campaign) ban iakhih bad ban pynkylla
ia ki rukom treikam ka ADB, ki kham khuslai ia:
● Ka jingiashimbynta jong ki paitbah (Public participation) ha ki rukom pyrkhat bad jingshna (design),
ki rukom pyntreikam (implementation), ki rukom khmih bad thew bniah (monitoring and evaluation)
ia ki projek jong ka ADB.
● Ka jingkthah jong ki prokram bad ki projek jong ka ADB ia ka imlang sahlang bad ka mariang (the
social and environmental impacts), ka jingbahkhlieh/ jingmynjur (accountability/willingness) jong
ka Bank ia kine ki jingkhtah, bad kumjuh ruh ban wad ia ki lad ki lynti ban pynsangeh noh ia ki.
● Ka jingdonkam ban leh jarjar (secrecy) ia ki rukom pyniaid pyntreikam bad ki jingshimrai jong ka
ADB.
Ka Jingduna ha ka jingbympyni hok ki rukom treikam bad ka jingiashim bynta ban seisoh (Lack of
Transparency and Meaningful Participation)
Ka jingkthah ba sniew jong ki projek ka ju long na ka daw ba ia ki kam pynroi la ju pyntreikam khlem ka jingpynkhreh
kaba biang bad/lane ka jingpyntreikam ka long ka bym da biang bha. Ki kam jong ka ADB barabor, la ju pyniaid
khlem ka jingpyntip bad khlem ka jingiashim bynta lang jong kito ki briew kiba shah kthah ha kine ki projek, ki
sengbhalang ruh bad teng teng, haduh ki briew sorkar jong ka ri kaba shimram. Bunsien ki sorkar lane ki seng
shimet (companies) kiba iakren bad phylliew bad ka ADB ha ka ban shim ia kano kano ka rai, kim ju kynthup ia ki
trai shnong bad ki riew shnong, wat lada dei kine ki nongshong shnong ki ban shah kthah jur ha ki projek. Ka rai
jingpyntreikam ha ki kam pynroi dei ban kynthup ia ki kynhun bad nong ioh bynta (stakeholder) na baroh ki liang
namar ki ri ki dei ban kitkhlieh ha kaban siew biang ia ka tyngka kaba ki shim ram; khatduh khatwai, man la ki
projek thymmai ba lah kohnguh, ki nang pynkiew ia ka jingshah ram jong kine ki ri bad ki nongshong shnong.
Ka ADB ka kynthup ia 63 tylli ki sorkar ri, bad ia ki rukom treikam jong ka la bei tyngka da ka pisa siewkhajna jong
ki traishnong jong kine ki ri. Ka jingshisha ba kane ka dei ka seng bei tyngka da ki paitbah (publicly-funded institution)
ka pyni ba ia ki rukom pyntreikam bad ki jingrai jong ka Bank, dei ban pyllait paitbah bad ai jubab sha ki paid
nongshong shnong jong kine ki ri khnang ban kham seisoh ha ki rukom treikam jong ka. Ka dei ban mih khmat na ka