ADB Toolkit: Unpacking the ADB — Khasi Version - Bank ...

40 Ka ADB: Ka Lad ban kham sngewthuh ïa ka Asian Development Bank
Mechanism kim don kano kano ka jingpyntikna (wat lada ki jingshem jong ka SPF bad /lane CRP ki don ha ki liang
jong ki) ba kin ïoh bai lut bai sep na ka bynta ka jingjot kiba ki la shah, lane ïa ka projek yn pynsangeh shi syndon,
wat hadien ba ki la ïaid lyngba kine ki lynti.
Ha ka juh ka rukom, ka jingpyntreikam ïa ki lad ban pynbha (remedial measures) ki dei ki jiingkit khlieh jong ki ri
shimram. Namarkata ki nongmudui bad kito ki trai shnong ba shah ktah ki dei ban pynbor ïa ka sorkar jong ki
khnang ban pyntikna ba ka sorkar ka pyntreikam ïa ki lad ban pynbha. Ki jaka kiba leitjnggoh da ka SPF bad/lane
CRP ruh ym shym lah ban pyntikna ha ka Accountability Mechanism; ki jingbit ha shuwa dei ban ïoh da ka ADB na
ki sorkar shimram shuwa ban ïoh leit sha kine ki jaka.
Kaei de kaba phi lah ban leh hadien ba phi la thep ïa ki jingmudui?
Ka long kaba kongsan ban pyrkhat ban pyndonkam ïa ka Accountability Mechanism kum kawei ka lad na ka bynta
ban ïoh jingïarap na ka bynta ka jingjot kiba ka projek ki la pynurlong. Kiwei ki seng, kum ka sorkar jong ka ri (ka
tnat treikam ba pher jong ka ri –kum ki bor bahalor, ïingthawaiñ, ïing bishar- legislative, executive and judicial
branches), ki kotkhubor, bad seng bhalang jong ka ri bad pyrthei (national and international civil society) dei ban
pyndonkam ha ka ban kitkhlieh. Ki jingïateh bad kiwei ki seng bad kynhun lah ban pyndonkam ha ki por ba biang
khnang ban kham ïarap ha ka jingïasaid bad teinia.
Balei don ki briew ki bym kwah ban mudui? 23
Ka long kaba kongsan ban tip ïa kaei kaba hap ïaid lyngba hadien ba phah ïa ki jingmudui na ka ADB. Ka jingpynkhreh
ïa ka jingmudui, ryngkat ka jingïawer (ïa kito kiba shah ktah, bad kiwei ki seng bhalang) bad ka jingkhmih bniah
bad ïasam jingtip kiba donkam na ka bynta kane ka jingmudui, ki lah ban long ki ba bam bor shibun. Nakata ka daw
da kaba antad lypa ïa ka bor bad sor kaba kane ka jingmudui ka donkam, bad ki jingpynkhreh ïa ka, ka long ka ba
myntoi lada ba peit sani shuwa ban phah ïa ki jingmudui.
Kymjuh ruh, ki daw ba lah ban shah rah kti pyrshah (ïa kamet lane kiwei pat) dei ban buh jingmut lypa. Kum ka
nuksa, lah ban don bun ki riew shimet bad/lane ki seng ki bym sngew tynnad satia lada ïa ka projek khlem peit shin
ne khmih bniah. Wat lada ka ADB ka shah bad ailad ban phah ïa kino kino ki jingmudui ba khlem kyrteng hynrei
don bun ki lad kiba lah ban tip ne antad ïa ka jingtip shaphang ki jingmudui. Na kata ka daw ka jingma ban shah rah
kti ne pynmynsaw dei ban sngewthuh lypa bad ïaleh katba lah ban kiar.
Ha kaba shim kyllum ïa ka lut ka sep, ka jingthoh mudui ka barabor ka long ka kam kaba myntoi. Ka lah ban ïarap
ïa u/ka ban puson ba lada ka por, ka bor bad sor kaba la pynleit ha kane ki long kiba shongdor ne em. Ka
jingpyndonkam ïa ki wei ki buit, bad lyngba ki jingïatreilang jong ka tnat tohkit lane marwei, dei ban pyrsahang ha
ka ban peit ba lada ïa ka Accountability Mechanism lah ban pynïaid na ka bynta kiwei pat ki kam.
Jingtip halor ka ka ophis jong ka Accountability Mechanism jong ka ADB kaba phi lah ban leit ïakynduh
(Contact information for ADB Accountability Mechanism)
1. Ka Ophis jong ka Special Project Facilitator (Office of the Special Project Facilitator-OSPF)
Special Project Facilitator
Asian Development Bank
6 ADB Avenue, Mandaluyong City
0401 Metro Manila, Philippines
Tel: (63-2) 632-4825
Fax: (63-2) 636-2490
Email: spf@adb.org