ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 37
Ha ka por ba la dep ban pyntreikam ïa ki lad ban weng ïa ki jingeh/diengpynkiang, ka SPF ka thoh ïa ki
kaiphot ba malu mala (draft) ha kaba ka batai ba lada ka jingïasyllok ka long ka ba myntoi bad ïaidbeit, ki ei
ki jingmynjur kiba mih (lada don), kynthup ïa ki lad ban pynbha, bad kumjuh ruh ban ai jingmut. Ka SPF ka
phah ïa kane ka kaiphot sha u/ka President u/ka ban shim ïa ka rai ba khatduh halor kum kino ki lad pynbha
lah ban pyntreikam. Ka kaiphot ryngkat bad ka rai khatduh jong u/ka President la phah sha ki nongmudui bad
kiwei ki mamla kiba donkti ha kane.
Kumno yn phah ia ka jingdawa sha ka Compliance Review Panel (Filing a Claim with the Compliance
Review Panel)
Mano ba lah ban dawa (Who is eligible)?
Kito kiba kot ki kyrdan ba la buh ha ka por ba kam ïa ka SPF, bad kito kiba la ju dawa teng, ki lah ban kyrpad ia ki
jingdawa sha ka CRP. Ïa ki jingkyrpad yn pyntip hapoh 128 sngi hadien ba ka ADB ka la ïoh ïa ki jingmudui, kine
ki jingpyntip ki kynthup ruh ïa ki rai ba khatduh jong ka ADB.
Lada ka SPF ka shem teng ba kane ka jingkyrpad ka long ka ba shong dor, ka CRP kan rai ba lada ki jingktah ki long
na ka daw jong ka jingpynkheiñ ïa ki aiñ bad rukom treikam jong ka ADB. Lada ka SPF ka shem ba kine ki
jingkyrpad kim long ki ba shong dor, ka CRP kan rai pyrkhat dalade ba lada ka jingkyrpad na ka bynta ban khmih
bniah ïa ki aiñ pyntreikam (compliance review) ki ïahap ne em katkum ki kyndon kiba ka CRP ka la buh.
Balei yn dawa biang ha ka CRP wat hadien ba la dawa bad ka SPF (Why should a claim be filed with the CRP
if it has already been filed with the SPF)?
Ki nongmudui ki lah ban kwah ban phah ïa ki jingkam jong ki bad ka CRP lada kawei na kine ka ïatyngkhuh ha ka
por jong ka SPF:
● Ka SPF ka shem ba ka jing mudui kam long ka ba ibit.
● Ki nongmudui kim hun bad ka jingthew lane jubab jong ka SPF halor kine ki jingmudui bad ki lad kiba
ka tyrwa ban weng ïa ki jingeh (problem-solving method).
● Lada ki nongmudui kim sngew hun ïa ki rai kiba latyrwa ha mar ka por jong ki jingpyntreikam ïa ki lad
ban weng ïa ki jingeh, lane ki kwah ban mih noh na ki jingïasyllok ha lor kane.
● Lada ki nongmudui ki hun ïa ka rai kiba latyrwa ha mar ka por jong ki jingpyntreikam ïa ki lad ban
weng ïa ki jingeh, hynrei ki ngeit ba don ki jingpynkheiñ ïa ka aiñ jong ka ADB, ha ka juh ka por, ki
nongmudui ki lah ban dawa bad ka CRP katba ki dang ïashim bynta ha ki jingïasyllok ban wad ïa ki
lad ban weng ïa ki jingeh (problem-solving method)
Kaei ba dei ban kdew ha ki jingmudui sha ka CRP (What must be said in a complaint to the CRP)?
Ka jingmudui sha ka CRP ka dei ban kynthup ïa ki juh ki jingtip kiba la phah ha por ba dawa sha ka SPF. Wat lada
ki nongmudui kim donkam ban kdew thik ïa kum kino ki aiñ ka sngew ba ka ADB kam pat bud satia, hynrei u/ka ki
lah ban kdew la da ki kwah. 18
Jia aïu hadien ba ïa ki jingmudui la phah sha ka CRP?
1. Ka CRP ka shim bad buh dak ïa ki jingkyrpad (CRP receives and Files Request)
Ki nongmudui ki thoh ïa ki jingkyrpad ha ka Complainants OCRP hadien ba la dep ïaid lyngba ïa ka “kyrdan
jingïasyllok” (“consultation phase”) bad ka SPF. Ki nongmudui ki lah ban phah ia ki jingmudui sha ka CRP
ha ka Kyrdan ba 3 jong jingtreikam jong ka SPF (lada ka SPF ka shem ba ki jingmudui kim long kiba donhok)
lane ha ka Kyrdan ba 5 (lada ki nongmudui ki shem ba ka jingtreikam jong ka SPC kam long ka ba shong
nia).
2. Ka CRP ka buh jingthoh bad pynshisha ba ka la ïoh ki jingmudui (CRP Registers and Acknowledges Complaint)
Ka CRP kan thoh ïa ki jingmudui hapoh 7 sngi ba ka la ïoh ïa ka. Kan buh ruh ïa kine ha ka website jong ka
ADB, pyntip sha ka Board, bad pynmih sha ki kot khubor khnang ban pynshisha ba ka la ïoh ïa ki jingmudui.