ADB Toolkit: Unpacking the ADB — Khasi Version - Bank ...

34 Ka ADB: Ka Lad ban kham sngewthuh ïa ka Asian Development Bank
Wat hapdeng kitei ki aiñ treikam, dang don ki projek kiba long ki diengpynkiang
Wat lada ki aiñ kiba la kdew halor ki dei na ka bynta ban ïada ïa ka mariang bad kito ki nongshong shnong na ka
jingktah jong ka jingbei tyngka jong ka ADB, hynrei ki jingktah ïa ka mariang bad/lane ka imlang sahlang lyngba ki
projek jong ka ADB ki long ki ba kynrei bha. Ha kine ki snem ba la leit, ka jingïalap ban wad bniah da ki seng
bhalang bad ki nongshong shnong halor ki projek, la shem ba ka ADB kam shym la lah ban pyntreikam ïa ki aiñ kiba
ka la buh da lade. Ki sengbhalang kiba donkti ha kane ka jingïalap ban pynkylla ïa ka rukom treikam jong ka ADB
ki la shem ba ka jingban na ka bynta ka jingbun ki projek/prokram pyrshah ïa ka jingbha jong ki ka long ka daw jong
kane ka jingbym lah ban pyntreikam ïa ki aiñ. Ha ka jaka ban ai buskit ïa ki nongtrei jong ka na ka bynta ka
jingpyntreikam hok ïa ki ain, ka ADB barabor ka ju ai buskit pynban ïa kito ki nongtrei kiba lah ban pynïaid ïa ka
tyngka jong ka Bank sha ki loan lane kiba la tip kum ka tyngka ba “la ngiat sha bar ka jingkhang” jong ka Bank
(“pushed out the door”). Kham niar ruh ba ki nongtrei kin shah pynshitom lada kin bakla ha ki jingpyntreikam ïa ki
aiñ.
Namarkata, tang ka aiñ pyntreikam marwei hi kam lah ban pyntikna ban ïakhun ïa ki jingeh kiba don ha ki projek.
Hynrei, ba ki CSO ki la kham sngewthuh ïa kine ki aiñ, namarkata ïa ki jingeh kaba ki shem ha kano kano ka projek
ki CSO ki lah ban kdew ba dei ki aiñ jong ka ADB hi kiba long ki daw jong kine ki jingeh. Haba rah ïa kine ki
jingsngew halor ka projek, ki CSO ki dei ban kdew ïa ki aiñ kiba ka ngeit skhem ba ka ADB ka la pynkheiñ bad ruh
ban batai ïa ki diengpynkiang kiba ki ïakynduh na ka daw jong ka jingbym pyntreikam ïa kine ki aiñ. Lada phi
donkam ki jingïarap ha ka ban kdew ïa kito ki aiñ kiba lah ban pynkheiñ, phi lah ban peit ïa ka Appendix VII na ka
bynta ki kyrteng jong ki seng kiba lah ban ai jingïarap.
Ki jingpyntreikam halor ka jingbah khlieh ha ka ADB (The ADB Accountability Mechanism)
Ka Accountability Mechanism (kumba la mynjur ha u snem 2003) ka dei ka atiar na ka bynta kito nongshong
shnong kiba shah ktah jur ha ki projek jong ka ADB. Katkum ki aiñ pyrthei (international law), ka ADB, kumba
long kiwei pat ki Multilateral Development Banks (MDB), ki laitluid na kano kano ka aiñ, kane ka mut bad da lei lei
ruh ka aiñ bishar jong ka ri kan ym lah ban pyntreikam halor ka ADB. Namarkata, dei tang ka Accountability
Mechanism kaba long ka tnat treikam kaba kito kiba la shah ktah ha ka projek ki lah ban rah ïa ki jingsngew jong ki
sha ka ADB, bad kumjuh ruh bad shah ïa kine ki jingud ban thew bad khmih bniah da ki seng kiba laitluid bad bym
ïashah shiliang.
Ka Accountability Mechanism jong ka ADB ka don ar tylli ki rukom pyntreikam ba ïahap markylliang (two
complementary functions), ka consultation phase 11 bad ka compliance review phase. 12 Ka consultation phase
ka dei ka jingïarap na ka bynta kito kiba la shah ktah ha ka projek bad ïa kane la ïarap lang bad ryngkat ka jingïamynjur
jong baroh kito kiba donkti ha ka projek. Ïa kane ka kyrdan la pynïaid da u/ka Special Project Facilitator (SPF) 13 u/
kaba jubab sha u/ka President jong ka ADB. Kane ka rukom treikam ka donkam ba ïa baroh ki jingmudui dei ban
phah sha kane ka ophis. Hynrei, lada kino kino kiba pha ïa kine ki jingmudui ki sngew ba kane ka rukom kam long
kaba hun, ki lah ban phah ïa ki jingmudui jongki sha ka Compliance Review Panel (CRP) 14 hadien katto katne la
pyndep ia ki rukom pyniaid.
Ka compliance review phase ka rai ba lada ka ADB ka la pynkheiñ ne em ïa ki aiñ treikam jong ka ha baroh shi
lynter jong ka jingpynbiang, pynïaid, lane pyntreikam ïa ka projek kiba lah ban ktah ïa ki trai shnong. Ïa kane ka
kyrdan la pynïaid da 3 ngut ki briew jong ka Compliance Review Panel (CRP) kiba treikam khlem ka jingpynwit na
kano kano ka liang bad kiba jubab beit sha ka Board jong ki Directors jong ka ADB.
Kumno ban dawa: Ka ophis ba kyrpang jong ka jingïarap ïa ka projek (How to File a Claim: Office of the
Special Project Facilitator) 15
Khnang ban lah ban dawa, ïa ki nong mudui dei ban phah ïa ki jingkyrpad jong ki sha ka Office jong ki Special
Project Facilitator. Lada ïa baroh ki jingtip halor ka jingkyrpad ba la thoh tikna, ym donkam satia ïa ki dur kyrpang
(special format).