ADB Toolkit: Unpacking the ADB — Khasi Version - Bank ...

More documents

Recommendations

Info

20 Ka ADB: Ka Lad ban kham sngewthuh ïa ka Asian Development Bank shi syndon. Lada ka ADB ka pynkylla ïa ki jingthmu jongka halor ki projek hadien ba la ïa soi ïa ka Loan, kane ka kdew ïa ka jingpynkhein ïa ka aiñ jingïateh; ka ADB ka lah ban leh ïa kane tang ha ki por kiba phyla bad ruh tang hadien ba la ïoh jingbit na ka sorkar ba shimram. Lada ki CSO ki don jingwit halor ka projek ki dei ban rah ïa ki sha u/ka Director General jong ka Regional Department ïa kaba ka projek ka hap. KI lah ruh ban rah ïa ki jingwit jong ki sha u/ka Vice-President bad kumjuh ruh sha u/ka President jong ka ADB. Ïa ki jingtip halor ba ïakynduh ne ki ophis jong kine lah ban ïoh ha ka Appendix III. Ki CSO ki lah ruh ban ïakynduh ïa ka ADB lada ki kwah ban ïakynduh bad ki nongtrei jong ka ADB ha mar ka por jong ki jingleit wad jingtip tikna bad thew. Kumba la kdew ha ka kyrdan ba bang pynkhreh (preparation stage), ki CSO ki lah ban kdew ïa ki aiñ kiba ka sorkar ka la pynkheiñ khnang ban kham pynkhlaiñ ïa ki jingmudui jong ki. Lada ki CSO ki ïarap ne sngewbit ïa ki projek, hynrei ki sngew ba ki donkam ban kham tip halor ki katto katne ki mat halor ka mariang bad/lane ka imlang sahlang, ki lah ban pyntip sha ka nongtrei ADB bad ong ïa ki ban kynthup ïa katto katne ki jingmana-kiba ki ngeit lah ban pynduna ne kiar ïa kano kano ka jingma jong ka projek ha ka dulir malu mala jng ka RRP dulir malu mala jong ka jingïasoi kular ïa ka Loan (Loan Agreement). Kyrdan (Stage) 4: Ka jingïakren halor ka Loan bad ka rai jong ka Board (Negotiation and Board Approval) Ha mar ka por jong kane ka kyrdan ïa ka ka dulir ba malu mala jong ka jingïasoi loan ba la pynbiang da ki nongtrei jong ka ADB khmih bad peitbniah biang sha shisien da ka ki nongmihkhmat jong ka ri ba dang kiew (developing member country), bad ka ADB bad baroh ar mamla ki phah ïa ki jingsngew jong ki halor kane ka jngïasoi. Hadien ba dep ïasoi ïa ka soskular jong ka loan, ïa ka sorkar la khot na ka bynta ban ïakren bad pyrkhat bad ka ADB. Hadien ka jingïakren bad pyrkhat, ïa ka RRP ba khatduh la phah sah ka Board of Executive Directors (Board) jong ka ADB na ka bynta ban shim rai bad kohnguh. Hadien ba ka Board ka la kohnguh, ïa ka dulir la phah sha ka sorkar jong ka ri shimram na ka bynta ban shimrai bad kohnguh.Hadien ha jingkohnguh, ka soskular jong ka loan la ïasoi hapdeng u/ka President jong ka ADB bad u/ka nongmihkhmat jong ka sorkar. Ka jingïasoi soskular ïa ka loan (The Loan Agreement) ka dei ka aiñ jingïakut hapdeng ka sorkar shimram bad ka ADB. Kum kano ka jingtip lah ban ïoh (What information is available): Ki RRP bad jingïasoi soskular ïa ka loan (Loan Agreements) lah ban ïoh hadien ba la rai bad kohnguh da ka Board. Kaei kaba ki seng bhalang ki lah ban leh (What civil society can do): Ha kane ka kyrdan, ki jingsngew wit ne thuh haklor ka Projek dei ban ïathuh beit sha ka Board. Ka long kaba kongsan na ka bynta ki CSO ban pyntip/ïathuh ïa ki jingwit/thuh ha shuwa ba ka Board kan ïakynduh ban pyrkhat shaphang ka Projek. Ka almanac (calendar) jong ka jingtreikam jong ka Board lah ban ïoh na ka website jong ka ADB bad ïa kane la pynbha/pynthymmai ha nam ka shi sien lai taïew. 12 Lada ka Board ka kohnguh ïa ka projek bad ki CSO ki dang don kano kano ka jiwit/thut halor ka jingktah jong ka projek ïa ka mariang bad ka imlang sahlang, ïa ki jingmudui lah ban thoh sha ka Accountability Mechanism jong ka Board. Na ka bynta ban kham tip halor kane peit ïa ka kot lyngkdop jong ka BIC (BIC’s Toolkit) halor ka ADB Policy Framework and Accountability Mechanism. Kyrdan (Stage) 5: Jingpyntreikam ïa ka Projek. (Project Implementation) Ïa ka projek la pyntreikam da ka tnat treikam jong ka ri katkum ki aiñ bad dustur kum ba la kut. Ïa ka jigpyntreikam la ju shimpor hapdeng ar lane san snem hynrei ïa ka ju long ruh ba ka por pyndep ka shong ha ki rukom bad jaid jong ka projek. Ha man ka por pyntreikam ïa ka projek, ka ADB ka kitkhlieh ha ka ban peit bad khmih ïa ki rukom treikam jong ka projek khnang ban pyntikna ba ki nongshimram ki pyntreikam kat kum ki aiñ jong ka soskular halor ka loan bad ki aiñ jong ka ADB. Ka tnat ba pyntreikam ka kitkhlieh ha ka ban pyntikna ba ka projek kam don kano kano ka jingjot ne jingktah ïa ka mariang, lane pynmynsaw ïa ki nongshong shnong ha ki jaka kiba ka projek ka pyntreikam. Lada
Ka ADB: Ka Lad ban kham sngewthuh ïa ka Asian Development Bank 21 don kano kano ka jingpynjot ne mynsaw ïa kiba ym shym la thoh ne pynpaw ha ki dulir jingthew ïa ka jingktah halor ka mariang bad ka imlang sahlang, ki nongshim ram ki dei ban peit ïa kine ki jingeh da kaba pynkhreh ïa ki lad kumno ban pynduna ne kiar ïa ka jingktah bad ruh ban siew bai lut sha kito ki nongshong shnong kiba la shah ktah ne duhnong. Kum kino ki jingtip ba lah ban ïoh (What information is available): Ka soskular loan ka lah ban donkam ban pynkhreh katto katne ki kaiphot halor ki jingkhmih bniah ha mar ka por jong ka jingpyntrei kam ïa ka projek. Ka ADB ka donkam ban pynpaw paidbah ïa kine hadien ba ki nongshim ram ka la phah sha ka ADB. Ïa ki khaiphot halor ki jingïaid shaphrang jong ki loan (Progress reports on loan tranche releases) la pyntip hadien ba la kohnguh da ka Board lane Ki nongpynïaid (Management). Ïa ki khaiphot ba khatduh jinglong jingman (feasibilities), kaiphot jong ki nongai jingmut (consultant reports) ba la pynmih katkum ka TA, kano kano ka jingpynkylla ba bun ha ki rukom treikam bad ia ki lad ki lynti jong ka projek, bad ïa ka jingmynjur halor ki rukom pynïaid ia ka projek (scope of the project, and the Project Administration Memorandum) ruh lah ban ïoh. Kaei kaba ki seng bhalang ki lah ban leh (What civil society can do): Ki CSO ki lah ban peit khmih ïa ki projek ba lada ki nongshim ram ki bud ïa ki jingkular kiba ki la mynjur ha ka soskular jong ka loan (Loan Agreement), bad ban pyntikna ba lada ki lad ban pynduna bad kiar ïa ka jingktah ïa ka mariang bad ka imlang sahlang la pyntreikam ne em. La ju don ki por ba ki nongshim ram kim ju bud ïa kine ki jingkular, ha kum kine ki khep, ki CSO ki dei ban pyntip sha ka ADB. Lyngba kum kine ki jingmudui ka ADB ka lah pynshlur ïa kito kiba shimram na ka ban pyntreikam ïa ki jingkular. Lada ba ïa kine ki jingkular ym shym la pyntreikam, ka Board jong ka ADB ki don ka bor ban pynsangeh shi por ïa ki loan, wat lada ïa kine la ju pyntreikam kat kum ka soskular halor ka Loan (Loan Agreement), hynrei ka long ka ba kham niar ba ka ADB kan shim ïa kum kita ki rai. Wat la katta ruh, phi lah ban pan ne phah ïa kino kino ki jingkyrpad jong phi kiba ïadei bad kane sha ka ADB. Ki seng bhalang (NGO) kiba la rah ïa ki jingud bad diaw halor ka projek ba mynshuwa jong ka ADB ki shem ba ka ADB ka duna shibun eh ha kaba ïadei bad ki jingkhmih bniah (monitoring) ia ki projek ha baroh ki por jong ka jingpyntreikam ïa ka. Ki NGO ki ngeit ba don khyndiat ki daw kine ki kynthup ïa ka jingnoh shiliang halor ka jiingai buskit bad jingpynkiew kyrdan ïa ki nongtrei hapoh ka ADB ha kaba la ju jied da ka ba shim ba katno tylli ki loan kine ki nongtrei ki lah ban tyrwa, hynrei ym kumno yn lah ban pyntrei kham bha ïa ka projek. Kumjuh kawei na ki daw ka long ka jingïalam bakla ba ïa ka jingkitkhlieh ban bud ïa ki aiñ jong ka ADB ka hap bad ka sorkar shimram. Sa kawei ka daw ka long ruh ba ka por bad ki nongtrei kiba donkam ha ka ban khmih bniah ïa ka projek ha ka por ba pyntreikam ki kham duna shibun ban ïa nujor bad ha ka por ba dang pynkhreh ïa ka projek. Wat la katta, ka aiñ jong ka ADB ka donkam ïa ki nongtrei jong ka ADB ban pyntikna ba ïa ki aiñ jong ka la bud thik thik, bad ban ïarap ïa ka sorkar ba shimram ha kaban bud ïa kine ki ain. Lada ki CSO ki sngew ba kine kim shym la pynurlong, ki dei ban ujor sha ki nongshim rai jong ka ADB kum ka Board, u President bad u Vice-President, bad kumjuh ruh sha u Director General jong ki thaiñ jong ka tnat treikam (regional department) kiba ïadei bad ka ne. Lada ha man ka por jong ka jingpyntreikam ki CSO ki dang sngew diaw halor ka mariang bad ka imlang sahlang, bad ki sngew ba ïa ki jingdiaw bad ud jong ki ym shym la shim da ka ADB, ka jingujor lah ban ud ne thoh sha ka Accountability Mechanism jong ka ADB. Kyrdan (Stage) 6: Ka jingpyndep/jingpeit bniah ïa ka Projek (Project Completion/Evaluation) Hadien ba ka projek la pyndep bad la pynïaid kam, ka tnat treikam (department) jong ka ADB kaba peit ïa ki projek kiba la dep bad pynïaid kam (operational department) ka kitkhlieh ban pynkhreh ïa ka Project Completion Report (PCR) khnang ban pynbiang ïa ki dulir kiba ïadei bad ka jinghikai ne jingmad jingshem ha kaba ki la ïoh mad lane shem haba dang pyntreikam. Ïa kane ka dulir dei ban pynkhreh hapoh 12-24 bnai hadien ba ïa ka projek la pyndep. Ka Operations Evaluation Department (OED) jong ka ADB ka kdew bniah ïa ki rukom pynïaid bad jingpyntreikam ïa ki projek da kaba jied bad pynkhreh ïa katto katne tylli ki mat kiba ïadei bad ki kaiphot jong ki tnat, kane ka kynthup ïa ka Performance Audit Reports (PPAR) jong ka ADB ïa kaba ju kdew ïa ka rukom pynïaid, jingpyntreikam,
Page 1: Ka ADB Jingpynshai halor ka Ka Lamp
Page 4 and 5: 2 Ka ADB: Ka Lad ban kham sngewthuh
Page 12 and 13: 10 Ka ADB: Ka Lad ban kham sngewthu
Page 72 and 73:
70 Ka ADB: Ka Lad ban kham sngewthu
Page 74 and 75:
Page 76 and 77:
Page 78 and 79:
Page 80 and 81:
Page 82 and 83:
Page 84:
Table of Contents ● Ka Jingsngews
show all

ADB Toolkit: Unpacking the ADB — Khasi Version - Bank ...

You also want an ePaper? Increase the reach of your titles

Delete template?

Save as template?