ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 19
Na lor kane, ha mar ka por jong ka kyrdan pynkhreh ïa ka projek ka ADB ka kitkhlieh ïa ka jingpynthymmai/pynbha
(updating) ïa ka Project Profiles ha ka website jongka ha man ka shisien lai bnai khnang ban lah ban puson halor ki
jingkylla ha ka projek.
Kaei kaba ki seng bhalang ki lah ban leh (What civil society can do): Ka aiñ jong ka ADB ka donkam ba ïa kito
ki briew ki ban shah ktah ha ka projek dei ban ïakynduhbad ïakren katba ïa ki dulir ba la kdew halor (EIA, IEE, ISA,
Resettlement Plans, Indigenous People’s Plans) dang pynkhreh. Ka ADB ka donkam ruh ïa ka jingpynkhreh ha ki
kam jong baroh ki kyrdan jong ka dur (design) bad jingpyntreikam jong ka projek. Dei ha kane ka rukom, ka sorkar
kan hap ban pyntip sha kito ki nongshong shnong kiba shah ktah halor ka projek bad ai lad ïa ki ban pynpaw kham
kloi ïa ki jingsngew halor jong ka projek. Ki CSO ki lah ban ïakynduh ïa kito kiba pyntreikam ïa ka projek bad ADB
khnang ban tip ïa ki jinglong jingman jong ka projek halor ka mariang bad ka imlang sahlang, bad ruh kumno ban
leit ban pynpaw ïa ki jingsngew da kaba aï jingmut ïa kine ki dulir kiba ïadei halor ki jingthew/khmih (assessment).
Lada ïa kine ki dulir la dep pynkhreh, ki CSO ki dei ban pan ïa kine ki dulir bad lah ban pynpaw ïa ki jingsngew
jongki halor ka projek sha kito kiba nongpynïaid ïa ka projek. Lada ki CSO ki sngew ba don ka jing bakla ha ka
rukom kyrdan ïa ka jingktah ïa ka mariang, ki dei ban pyntip sha ka ADB.
Ki CSO ki lah ban kham sngewthuh ïa ki katto katne ki aiñ jong ka ADB kiba ïadei bad ki jingbatai ba kumno ka
sorkar ka dei ban leh ha kaba ïadei bad ka jingktah ïa ka mariang bad ka imlang sahlang, jingpynbna paidbah ïa ki
jingtip bad jingïashim bynta jong ki nongshong shnong ba shah ktah. Ki CSO ki lah ruh ban rai ba lada ka sorkar ka
bud ne em ïa ki aiñ bad rukom ba la buh da ka ADB. Ka kot lyngkdop (The Toolkit) halor ka ADB Policy Framework
and Accountability Mechanism ka kdew ïa ki katto katne ki aiñ kiba kham kongsan ïa kiba ki CSO ki dei ban tip
khambha. Lada ki CSO ki sngew bad ngeit ba ka sorkar kam bud ïa kine ki aiñ ha ka por ba dang pynkhreh ïa ka
projek, ïa kane dei ban pyntip mar mar sha ka ADB. Ka CSA ka lah ban kham pynkhlaiñ ïa ki jingmudui jong ka
lada ka kdew tikna ïa kum kino ki aiñ ka snew ne ngeit ba la pynkheiñ da ka sorkar. Ka kyrteng ba pura jong ki aiñ
jong ka ADB lah ban ïoh na http://www.adb.org/Development/policies.asp
Kyrdan (Stage) 3: Ka jingthew bad jing oh dor halor ka Projek (Project Appraisal)
Ha mar ka por ba ka projek dang thew ne puson shuwa ban pyntreikam ka ADB ka tohkit la ki projek ki lah ban
pyntreikam ne em. Ïa kane la tohkit da ki tnat leit wad jingtip ba tikna (fact-finding mission) bad ka tnat ba ïadei bad
ka leit thew ne puson ha shwa ban pyntrei ïa ka projek. Ha mar ka por jong ka jingleit wad jingtip ne thew, ka ADB
ka tohkit ïa ki rukom pyntrei, rukom bei tyngka bad ka ïoh ka kot, bad ruh ïa ki jingtohkit halor ka jingktah jong ka
projek halor ka imlang sahlang bad ïa ka mariang. Ka ADB ka dei ban kit khlieh ïa baroh ki jingkhmih bniah ïa
baroh ki bynta jong ka projek khnang ban pyntikna ba ka projek ka ïahap bad ki aiñ bad jingkdew lynti jong ka
ADB.Ia ki jingtip ba la ïoh na ka jingleit wad jingtip bad thew la pyndonkam da nongtrei jong ka ADB ha ka ban
shna ïa ka kot malu mala (draft) jong ka Report and Recommendation of the President (RRP) bad ka kot malu mala
(draft) jong ka Loan Agreement.
Ki nongtrei jong ka ADB staff ki dei ban ïakynduh bad ki briew kiba lah ban shah ktah ha ka projek ha mar ka por
jong ka jingthew halor ka Projek (Project Appraisal stage).
Kum kano ka jingtip lah ban ïoh (What information is available): Ïa ki kot malu mala ba khatduh halor ki
jingpynkhreh pynkyriah jakashong/shnong (Final draft resettlement plans), jingpynkhreh lane ki dur (framework)
kaba ïadei bad ki riew tynrai (indigenous peoples), bad jingktah ïa ka mariang lah ban ïoh ha kane ka kyrdan. Ka
Design and Monitoring Framework 11 , kaba ai por ïa ki jingthmu (target) bad ki dak ban thew ïa ka projek lah ban
ïoh ha ka ne ka kyrdan.
Kaei kaba ki seng bhalang ki lah ban leh (What civil society can do): Barabor kane ka kyrdan ka dei ka lad ba
khatduh ha kaba ki CSO ki lah ban pynbor ne ïasaid ha kaban pynkylla ïa ka dur jong ka projek ha shuwa ba ka ADB
kan rai ban bei tyngka ïa ka projek namar dei ruh ha kane ka por ba ka ADB kam pat ïa soi soskular halor ka Loan
bad ka sorkar. Shisien ba ïa ka Loan la ïa soi soskular, ka aiñ jingïakut hapdeng ka sorkar bad ka ADB la pyntreikam