ADB Toolkit: Unpacking the ADB — Khasi Version - Bank ...

More documents

Recommendations

Info

16 Ka ADB: Ka Lad ban kham sngewthuh ïa ka Asian Development Bank Jingim jong ka projek (Project Cycle) Ka long ka ba kongsan ba kin tip ba ha kano ka rukom ka ADB ka pyntrei bad pynkhreh ïa ki projek. tang ynda ïa kine la sngewthuh bha, ki lah ruh ban sngewthuh ïa ki rukom treikam jong ka ADB bad kumjuh ruh ïa ki buit ba ki seng bhalang (civil society) ki lah ban pynbor ne pynkylla ïa ki rukom pyntreikam jong ka ADB. Ïa ki kyndon bapher jong ka projek- dang ba la sdang ban sdang ban pyntreikam haduh ban da dep- la ju tip kyllum kum ADB’s Project Cycle 4 (project cycle jong ka ADB). Ha man ki kyrdan bapher jong ka projek cycle don ki lad na ka bynta ki seng bhalang ban ïoh ïa ki jingtip halor kano kano ka projek, kine ki jingtip ki kynthup ruh ïa ki bor jong ki seng bhalang kumno ban pynbor ne pynkylla ïa ki rukom treikam jong ka projek lane wat ban pynsangeh ïa ka jingreikam jong ka projek. Katto katne ki jingtip lah ban ïoh lyngba ka ADB Public Communications Policy 5 , ha kaba la pynshai ba “ïa ki jingtip halor ki projek paidbah ne seng/riewshimet ïa kiba dang pyntrei dei ban ai bad pynbna sha kito ki briew kiba shah ktah”. Kane ka aiñ ka “kyrshan ïa ki hok jong ki briew ban wad, ïoh, bad pynbna ïa kine ki jingtip bad jingmut (ideas) halor ki kam kiba ka ADB ka kit khlieh lane ïarap” Ka dur jong ka project cycle harum ka pyni kumno ki jingtip ki kylla ha man ki kyrdan 6 , bad ki ai jingmut ïa ki kynhun seng bhalang (Civil Society Organizations -CSO) kumno ban lap kham bun ïa ki lad ban ïaleh pyrshah, lane ban pynbor/pynkylla ïa ki jingtrei jong ka projek. Barabor ka kham suk ban pynbor ïa ki rai jong ka ADB halor ka projek ha ka por ba ïa ka projek dang shu sdang (earlier stages of the project cycle). Hadien ba la sdang shna ïa ka projek, ka long kaba eh ban pynbor ne pynkylla ïa ki dur (design) jong ka projek, bad ka kham eh shuh ban ïasaid ban pynsangeh ïa ka projek baroh kawei. The Project Cycle Evaluation Identification Preparation Implementation Loan Negotiation & Board Approval Appraisal Tynrai (Source): ADB Annual Report 2003. Kyrdan (Stage) 1: Jingkdew bad jingjied ïa ki Projek (Project Identification) Ha man ka por jong kane ka kyrdan, ka ADB ka phylliew jingmut bad kiba ha khlieh (kum ki minister) jong ka sorkar kaba shimram ha ka ban pyni ne kdew ïa ki projek bad prokram ba lah ban pyntreikam. Baroh ki projek bad prokram dei ban ïahap bad ki jingthmu kam pynroi kumba la pyni ha ka Country Strategy and Program (CSP) jong kata ka ri. Ka ADB ka lah ruh ban phah ïa ki briew jong ka ban shem ïa ka jingshisha (fact-finding mission) na kine ki jaka kiba ka projek ka pyntreikam khamtam lada ka ADB ka mut ban pynbiang ïa ka Project Preparatory Technical Assistance (PPTA) na ka bynta ka projek.
Ka ADB: Ka Lad ban kham sngewthuh ïa ka Asian Development Bank 17 Kum kino ki jaid jingtip lah ban ïoh (What information is available): Ha katba dang jied ia ki project lah ban ioh jingtip na ka internet (web page) ha ka sla “Business Opportunities” (“ki lad khaïi pateng”) jong ka ADB- http:/ /www.adb.org/Business/Opportunities/prpprjcs.asp. Ki CSO ki dei ban peit janai bha ïa ki jingtyrwa jong ki PPTA, namar ka lah ban long ba ka ADB kan ai ïa ki loan sha ki projek kiba ka kyrshan lyngba kane ka jingïarap ha ka jingtrei jingktah (Technical Assistance), bad kumjuh ruh kine ki dei ki rukom jingtip kiba ha khlieh tam ïa kiba lah ban tip shaphang ka projek kaba la bei tyngka da ka ADB. Ki CSO ki dei ban peit khmih ïa baroh ar tylli ki kot kyrteng (list) jong ki PPTA, kine ki kynthup ïa kito kiba dang shu tyrwa (proposed project) bad kumjuh ruh ïa kito kiba la shah weng noh. Kane ka jingkhmih long kaba kongsan khamtam ha ka kot kyrteng ba ar (jong kito kiba la weng noh) namar kane ka kot ka batai ïa ki projek bym shym la buh shuh ha ki thup jingtyrwa; ka ju long barabor ba hadien ba la mynjur, ïa ki projek/ TA la pynkynriah sha ki bynta ba dei pat ban pyntreikam (implementation phase). Ïa ki jingtip halor ki projek bad jingïarap ha ka jingtrei jingktah (technical assistance) lah ban ïoh na internet ha kaba la tip kum ki Project Profiles 7 . Kine ki Project Profile ki ai jingtip lyngkot kumba 1-2 sla halor ka projek. Ïa ki Project Profile lah ban ïoh na ka website kumne- http://www.adb.org/Projects/profiles.asp. Lah ruh ban ïoh ïa ki jingtip halor kino kino ki projek kiba dang shu tyrwa na ka annexes ha ka CSP bad CSP update jong ka ri ïa kaba ka projek ka pyntreikam. Ïa kine ki jingtip lah ruh ban ïoh na ka website jong ka ADB-http://www.adb.org/Documents/ CSPs/. Kawei na ki annexes ka kynthup ïa ki kot ai jingmut (concept papers) na ka bynta ka projek kaba dang shu tyrwa hynrei ïa kaba ka sorkar ka la dep ban ïakren bad ADB. Kaei kaba ki seng bhalang ki lah ban leh (What civil society can do): Ki lad khaïi pateng lane ki Project Profile kumba la buh ha ka website jong ka ADB ki buh ïa ki kyrteng, bad kiwei ki jingtip shaphang ki projek ophisar kiba kitkhlieh ïa ki projek lane kaba iadei bad ki jingïarap ha ka jingtrei jingktah (technical assistance). Lada phi kwah ban tip kham bun shaphang ka projek, phi lah ban thoh lane phone ïa kine ki ophisar. Lada ki projek ophisar kim jubab ïa phi lane ki shithi jongphi, phi lah ban leit ne thoh sha u Director General jong ka thaiñ (Director General of the regional department) ha ka ri jong phi. Phi lah ruh ban thoh ne ïa kynduh ha kano kano ka por ïa ka InfoUnit (tnat ai jingtip) hapoh ka Department of External Relations (DER) lada phi shem jingeh ban ïoh jubab na kitei halor. Ka InfoUnit/DER ka kit khlieh ha ka ban pyntikna ba ïa baroh ki jingkyrpad jong phi yn ym khein sting. Ïa ki jingtip halor ka Regional Departments bad ka DER ryngkat bad ki jaka treikam ban ïakynduh lah ban ïoh ha Appendix III. Nalor kitei ki jingtip halor shaphang ki ophisar kiba ïadei bad projek lane ki jingïarap ha ka jingtrei jingktah (technical assistance), ki Project Profiles ki kynthup ruh ïa ki jingtip halor ki nongmihkhmat (representive) na ka sorkar. Ki CSO ki lah ban pyndonkam ïa kine ki jingtip ha ka ban ïakynduh bad kito ki nogpynïaid ïa ka projek bad da kumne kin lah ban ïoh bun ki jingtip halor ka projek, lane ban pynpaw ïa ki jingud bad jing sngewdiaw jong ki. Katkum ka aiñ jong ka ADB, ka rukom ban pynshisha ïa ki nongioh myntoi na ka projek bad ïa ki briew kiba shah ktah ha ka projek dei ban sdang ha ka por ba ïa ka projek dang shu kdew ne pyni (identification stage of the project). Ki kynhun seng bhalang, khnang ban kham sngewthuh shaphang ki projek ki ba dang tyrwa ban pyntreikam ha ka ri jong ki, ki lah ban pyrshang ban ïakren bad ki nongtrei jong ka ADB ha ki Resident Mission lane ha ki tnat jong ki thaiñ (regional department) treikam ha ka ophis khlieh duh jong ka ADB ( ADB Headquarter). Kyrdan (Stage) 2: Jingpynkhreh ïa ka Projek (Project Preparation) Ha man ka por jong kane ka kyrdan ka sorkar ba shimram, lem bad ka jingkyrshan jong ka ADB, ki sdang trei ban pynkhreh na ka bynta ka projek. Nalor kane ka sorkar, bad ka jingïarap jong ka ADB, ki dei ban khein bad thew ïa ka jingktah jong ka projek ïa ka mariang. Lada ka long ba ka projek ka lah ban ktah jur ïa ka mariang, ka sorkar ka dei ban pynkhreh ïa Environmental Impact Assessment (EIA) 8 kaba kdew ïa ka jingma ïa ka mariang bad kumno yn ïakhun ïa kine ki jingma. Lada ka jingktah ka long ka ba kham jur ar shah, ka sorkar ka dei ban pynkhreh ïa ka Initial Environmental Examination (IEE) 9 kaba kdew ïa ki jingma ïa ka mariang bad kumno lah ban kiar bad pynduna ïa kine ki jingma. Ka IEE kam da bniah eh kum ka EIA.
Page 1: Ka ADB Jingpynshai halor ka Ka Lamp
Page 4 and 5: 2 Ka ADB: Ka Lad ban kham sngewthuh
Page 12 and 13: 10 Ka ADB: Ka Lad ban kham sngewthu
Page 68 and 69:
66 Ka ADB: Ka Lad ban kham sngewthu
Page 70 and 71:
Page 72 and 73:
Page 74 and 75:
Page 76 and 77:
Page 78 and 79:
Page 80 and 81:
Page 82 and 83:
Page 84:
Table of Contents ● Ka Jingsngews
show all

ADB Toolkit: Unpacking the ADB — Khasi Version - Bank ...

You also want an ePaper? Increase the reach of your titles

Delete template?

Save as template?