ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 13
3
Ka Nongrim thep tyngka ha ki jingpyntreikam jong ka ADB
(The Basics of ADB Investments)
Kumno ka ADB ka treikam
Ka ADB ka ai jingïarap ïa ki Ri ba dang kiew shaphrang ha ki bynta jong ka Asia-Pacific lyngba ka jingai ram ha ki
sut kaba rit, ki loan ba lah ban shim por ban siew suki pa suki bad ki jait scheme ne grant. Ka ADB ka bthah ruh ïa
kine ki ri halor ka ïoh ka kot bad ka roi ka par ha ka imlang sahlang. Ïa kine ki jingïarap la ai sha ki sorkar jong ka
ri bad sha ki seng shimet (private companies), hynrei ïa kum kine ki jingïarap ym lah ban ai ha uno uno u briew ba
treikam marwei shimet.
Harum ki dei ki jaid bei tyngka kiba ka ADB ka tyrwa sha ki Developing Member Countries (DMCs):
● Ki lad bai seng ba ju lah ban ioh (Ordinary Capital Resources). Kumba hynniewphew san percent
(75%) jong ka jingairam jong ka ADB ka dei ha ka rukom jong ka Ordinary Capital Resources (OCR).
Ki loan jong ka OCR barabor ki long na ka bynta 15-25 snem, ki don ka shah kat kum ba la pynïad da
ka ïew khaïi tyngka bad ïa kane ka ram la ai sha ki DMC kiba la kham kiew ha ka liang ka ïoh ka kot.
● Asian Development Fund (ADF) 1 . Kane ka jingkynshew ba kyrpang la sdang ha u snem 1973 kum ka
atiar na ka bynta ban ai ram kylliang ïa kito ki dkhot kiba kham duna ha ka ïoh ka kot. Ïa kino kino ki
projek kiba ka ADF ka ai loan, la ju ai kham bun por ïa kine ki ri ban siew ïa kine ki loan (ka por ha
kaba ïa kine ki loan lah ban siew ki long 32 snem2 , kane ka kynthup ïa phra (8) snem kylluid ha kaba
ki ri shimram kim donkam ban siew sut), bad lada donkam, ka sut ka long ha ka dor ka ba rit (1% -
1.5%). Ïa kum kine ki jaid loan la ai tang sha kito ki dkhot kiba duk bha. Don katto katne ki ri kiba ïoh
khleh lang ïa baroh ar jaid ki loan, ka OCR bad ADF.
Ïa ka tyngka na ka bynta ka ADF la ïoh lyngba ka jingkular ai synniang (kaba ïaid kumba saw (4) snem) na ki dkhot
jong ka thaiñ (regional) bad kumjuh ruh na kito ki dkhot ki bym dei na ka juh ka thain (non-regional). Kane ka jingai
synniang la tip kum ki “jingpyndap biang” (Replenishments) ha kaba la rai hadien ka jingïakut hapdeng ki ri synniang
bad ka ADB. Kine ki jingïakut ki thew ïa ka jingkynshew (kiba ki dkhot kin synniang) bad kumjuh ruh ïa ki kyndon
kiba kine ki dkhot kin buh kum ka dak jong ka jingsynniang jong ki. Kat kum ka “jingpyndap biang” ba khyndai (9th Replenishment) 3 jong ka ADF, 27% jong baroh ki jaid jingïarap ba mynta jong ka ADB ki wan na kane ka “jing
pyndap biang ba khyndai” bad 24 tyllli ki ri ki ïoh ïa kine ki jingïarap.
Kumno ki nongshimram ki pyndonkam ïa ki jingai ne ke fund jong ka ADB?
Ka ADB ka ai ki loan bad ki grant sha ki DMC na ka bynta ki kam pynroi. Ka sut na ka bynta kine ki loan ka kham
duna ban ïa kito ki ram kiba ai da kiwei pat ki bank. Na ka bynta kino kino ki loan, ka ADB ka bei tyngka na ka bynta
katto kane bynta, bad ki nongshimram ki dei ban pynbiang bad pyni ïa ki wei pat nong bei tyngka nalor ka ADB. Ka
bynta kaba ka ADB ka bei tyngka, barabor ka long, kham bun ban ïa kiwei pat ki para bei tyngka.
Ka long kaba kongsan ban buh dak ba ki nongshimram/ri shimram ki dei ban siew ïa ki loan kiba ka ADB ka
ai ryngkat bad ka sut. Ïa ka sut dei ban siew wat lada ka projek lane prokram ka long kaba seisoh ne duhnong.
Namarkata, ha kaba khatduh ïa ka lyngkor barabor hap ban siew da ki trai shnong.
La shem da ki seng kiba peitkhmih bniah ïa ki kam jong ka ADB ba barabor ki projek bad prokram kim long kiba
seisoh bad barabor kim ju ïarap ïa baroh ia kaei ba ka thmu. Kawei ka nuksa ka long ha ka ban rat dyngkhong ïa ka
jingduk ha ka thain Asia-Pacific. Ka long kaba kongsan ban buh dak ba wat ka Operations Evaluation Department
(OED) jong ka ADB ruh ka mynjur ba bun na ki projek jong ka ADB kim long satia kiba seisoh lane wat lada seisoh
ruh ki long tang katto katne.