ADB Toolkit: Unpacking the ADB — Khasi Version - Bank ...

Ka ADB: Ka Lad ban kham sngewthuh ïa ka Asian Development Bank 9
Ki ED bad Alternate ED ki trei kam pura ha ADB bad ki ju iakynduh ar sien shi taiew ban shim rai ïa ki ram, ki
soskular, bad ki grants. Ïa ki ram (loan) kiba duna ia ka $200 million na ka bynta ki kam pynroi paidbah bad $50
million na ka bynta ki projek shimet la mynjur khlem ka jingujor lane ka ba latip kum ka “no objection basis”. 6
Namarkata, nalor ba ka ïarap myntoi, ka jingkongsan jong ka vote jong u/ka ED ka shong eh ha ka jingbun jong u
synñiang jong ka ri kaba u/ka ED u/ka mihkhmat. Ki ri kiba bun eh ki synñiang ki dei ka US bad Japan. Kine ki ar
tylli ki ri ki bat kumba 13 percent ia ka bor thep vote. Ha ka ba ïa nujor bad ka rukom thep vote ha ka United Nation
ha kaba “kawei ka ri, kawei ka vote” (one nation, one vote) ka ABD ka vote ha ka dur “kawei ka tyngka dollar,
kawei ka vote” (one dollar, one vote”). Ha kane ka rukom, ha ka ADB, ki ri kiba riewspah ki kham don bun bor
namar ka vote jong kawei pa kawei ka ri la pynïahap kat kum ka ïoh ka kot jong kata ka ri bad kumjuh ruh kat kum
u synñiang kaba ka ai sha ka bank. Ka ri China bad India kiba long ki ri kiba khlaiñ shim ram ki long ruh ki ri kiba
kongsan ha ka ADB namar khlem ka jingshim ram jong kine ki artylli ki ri ka Bank ka lah ban duhnong ha ki kam
khaïi jong ka.
Ki paid nongshongshnong jong ki ri kiba mihkhmat ha ka ADB kim dei ban shynraiñ ban ïakynduh ïa ki ED bad
Alternate ED (kiba long ki nongmihkhmat ïa ki ri jong ki) ha kaban phylliew jingmut bad mudui ïa ki rukom
pyntreikam jong ka ADB. Barabor ka dei ka kamram jong ki nongmihkhmat ha Board (Board Members) jong ka
ADB ban batai bad ai jubab ïa ki nongshongshnong jong ka ri kaba ki mihkhmat.
Ïa ka Board jong ki Executive Directors la pynïaid da u/ka President jong ka ADB (President of the ADB. Ïa u/ka
President la thung na ka bynta san snem. Kumba ka long ha kiwei ki seng ai ram (financial institutions), ïa ki
nongialam jong ka ADB (kum ka rukom, wat lada ym juh thoh pynshai) la mang kyrpang sha kito ki ri kiba don
kham bun bor iktiar.
Ki Thaiñ Treikam (Regional Departments)
Ha kaba ïadei bad ka rukom pyntreikam ha ki ri bapher ba pher, ka ADB ka la phiah ïa ki rukom pyntreikam jongka
ha ki san tylli ki thaiñ. Ia kine ki thaiñ la shna ha kata ka dur ba kin ïa syriem ha kine ki rukom: ka jaka ba marjan;
kolshor; ka ioh ka kot; imlang sahlang; ka roi ka par; ka jingsuk ha ka rukom pyntreikam; ka lad ban trei ryngkat bad
snoh kti lang bad kiwei ki seng bad kynhun treilang ha ka juh ka thaiñ (sub regional cooperation and sub regional
group). Ha man la ka thaiñ treikam don ka Regional Management Team and Country Teams ( Ka Kynhun ka ba
ïadei ban pyniad bad peit khmih ïa ki thaiñ bad ki ri) ka ba ai jingtip sha ka Regional Director General. Kine ki
thaiñ ki kynthup ïa kine harum:
East and Central Asia Armenia, Azerbaijan, People’s Republic of China, Hong Kong, Kazakhstan,
Republic of Korea, Kyrgyz Republic, Mongolia, Taipei, Tajikistan, Turkmenistan,
Uzbekistan
Mekong Cambodia, Lao People’s Democratic Republic, Burma (Myanmar), Thailand,
Vietnam
Pacific Cook Islands, Fiji Islands, Kiribati, Marshall Islands, Federated States of
Micronesia, Nauru, Palau, Papua New Guinea, Samoa, Solomon Islands, Timor-
Leste, Tonga, Tuvalu, Vanuatu
South Asia Afghanistan, Bangladesh, Bhutan, India, Maldives, Nepal, Pakistan, Sri Lanka
South East Asia Indonesia, Malaysia, Philippines, Singapore
Man la ki thaiñ treikam ki don bun ki tnat (division) kiba la pyniaid bad treikam katkum ki projek. Ki nongpynïaid
jong man ki tnat ki kynthup barabor ïa ki nongthoh tynrai (original author) jong kino kino ki projek kiba ka ADB ka
la mang tyngka. Kine ki nongthoh ki kitkhlieh ruh a ka rukom treikam jong kano kano ka project naduh sdang haduh