Jaso - Eibarko euskara

24
aipatzekoa da.
Eta hementxe bertan, Bidebarrieta kaleko fondan, Jainkoak nahi izan eban Julian eta Maria alkar
ezagurtu, maitemindu eta uztartzea. 1907. urteko ilbeltzaren 11n izan zan, Eibarren, beren ezkontz
eguna.
Laister beren kontura geratu zan fondaren zuzendaritza eta jabetza. Hortik datorkio Hotel Julian
izena.
Julian Muñoa ausarti agertu zan negozio kontuan beti bere gizatasun eta bihotz ona gauza guztian
gaiñetik azalduaz. Barriketa bakua.
Bera izan zan, gure gizaldiaren lehen urteetan, lehenbiziko kotxea Eibarrera ekarri ebana. Berak
ipiñi eban lehenbiziko aldiz taxis zerbitzua. Zazpi taxis eukitzera heldu zan. Beti sei taxis gertu
eukitzen ebazen. Eta 30 eta piku urtean Jainkoak daki zenbat zerbitzu egindakoak diran.
Bidebarrieta goian, Vistalegrerako igoera hasten zan aurrez aurre, euki eban garajea. Era berean,
Zuloaga kalean beste bat jarri eban, hau batez be erreparazioetarako. Hemen ezagutu gendun
eibartarrok Jose Mari Fernandez mekaniko puntarengua. Eta honen anai Isidoro, txoferra. Eta beste
asko ta asko, Julian beraren semeengandik hasita. Fondaren aurrean, ia Merkatu Plazari ikutzen,
gasolinera bat be ipiñi eban Julianek. Era berean eta bere kontura beste hiru gasolina -agentzia jarri
zituan Elgoibar, Markiña eta Bergaran.
Bitartean, ixil-ixilik, baiña leial eta bihotzez, aspertu gabe bederatzi seme-alaben laguntasunakin,
etzan lanean geratzen ama Maria Zabaleta. Hotel Julian fonda lez eta kafeteria arloan berdiñ, oso goi
maillara eruan ebazen.
Zoritxarreko gerrak apurtu eban famili hartako zoriontasuna. Durangoko bonbardeuan hil zan Julian
1937ko martxoaren 31n, 52 urte zituala. Bere emazte kutuna handik zazpi urtera, 1944ko iraillaren 4an.
Julian eta Maria ahaztu eziñezkuak dira guretzat. Orduko Eibar kutunaren zati bizi eta eredugarri
izan ziran.
Revista Eibar, 84ko apirilla. 6.orr.
EIBARKO BAILARAK
Txanguak egitteko eta toponimia ikasteko testu aproposa.
Gaurkoan Eibarko bailarei buruz hitz egingo dugu. Eibarrek bost bailara dauzka: Kiñarraballe,
Arrateballe, Gorostaballle, Mandiolaballe eta Agiñaballe. Hauek herri bakoitzeko mugarriekin
banatuta daude.
Maltzagan hasten da Kiñarraballe, eta hemendik Irure eta Illordo baserrietaraino igota, alde
batekoa Eibar eta bestaldekoa Plaentxia da.San Salvador ermitaraino igotzen jarraituko dugu eta
hemendik Bergaretxegaineraino dena da Eibar, baina hemen Bergarako Goimendi auzoko mugarri
bat dago. Pixka bat gorago Elgetako Azurtza dago, eta bertan Elgeta eta Eibar banatzen dituen
mugarria. Azurtzatik Galdaramiño igo eta alde batera Eibar eta bestera Elgeta izango ditugu.
Galdaramiñotik Bizkaia eta Gipuzkoa arteko muga egiten duen Zaldibarko Olarriaga auzora
jaitsiko gara. Hemen bukatzen da Kiñarraballe.
Kalamua mendian jaiotzen da Iruñabe eta Iruñakoerrota baserrien artetik Elgoibarko
Saturixora jaisten dan errekatxoa. Errekatxoaren alde bat Elgoibarko San Pedroballe eta bestea
Arrateballe. Bigarren bailara hau hemendik Arratera doa eta handik Lezeta, Abeletxe eta
Sumendixa baserrietan behera Azitainen bukatzen da.
Gorostaballe Eibarko baserririk garaienean hasten da, Txabolan hain zuzen ere, ondoren Santa
Kruz eta Asua-errekan behera Barakaldo kaleraino hedatzen da. Bailara honetan daude Orbe,