Jaso - Eibarko euskara

20
errespetua euki behar jako; mendiak gu hartzia nahi gaitu, amak be bai, baña amak be noizian behin
zaplastekua emoten desku, eta mendiakin bardin gertatzen da. Norberak kontua badaka ba orduan ez
dago arriskurik. Mendian prisak alde batera laga behar dira, ez batzuk egiten daben moduan ia zein
lehenago aillegau. Bestaldetik, mendia ez da bakarrik zuzen-zuzen puntara aillegatzeko, berak dittuen
edertasunak ikusteko ere bai, hau da, mendia ezagutzeko. Akordatzen naiz Indalezio Ojanguren fijau
barik igotzen zebala mendiak, bakarrik egiten zeban mendia igo eta fotografiak atara, kontutan hartu
barik ze bidetik igo zan, bera atzetik joaten zan jendeari segika.
Mendian ibiltzeko gertau egin behar da, hobe da erropia eta janaria sobran eukitzea faltatzea baiño.
Brujulia beti poltsikuan eruatea oso inportantea da ze laiñua edozein momentutan etorri leike, baiña
jakiña, brujulak ez detsu markatzen Donostia nun dagoen edo galduta zagozenean zer egin behar dozun;
brujulia ikasi egin behar da erabiltzen”. (...)
...eta kitto, 89ko otsailla. 2.zk.
RAMON SARASUA: EUSKERIA ETA MUSIKIA BERE BIHOTZIAN
(Gaixak: 7 kultura, 4 politikia. Oso eibarrera jatorra egitten dau. Hittanua lantzeko egokixa.)
Ramon Sarasua musikuen familixa batean jaixotakua da. Bere osaba Juan Bautista Gisasola dogu,
konpositoria izandakua. Gaur Eibarren daguan konserbatorixuak bere izena daroia.Familixan lau
anaiek ikasi eben musikia, baiña bik bakarrik segidu eben: Antonio anaia nagusixak eta Ramonek.
Ramon osaba Juanitokin Orfeoi Eibartarrian egon zan eta geruago nesken koru bat formau eban
Goiarri izenekua.
Bere anekdota edo kontu benetako batean esan desku: “1942 edo 43an izango zan udaletxetik
deittu zestenian La Navidad del Pobre edo Caritasekua egiñ bihar zala ta . Nik formau neban grupua,
asko giñan neska ta mutillen artian: larogei bat edo , ta danok basarrittar jantzitta juan bihar genduan;
bandia, korua, ta Olentzerua be eguazen. Neu be juan nitzan musikako akademixara basarrittar jantzitta
ta zain, ta zain, ta zain, ta ez eban urtetzen kabalgatiorrek edo zerorrek, ta musikuak ta bandakuak
zaharrak zittuan:
–Hi! Zer pasatzen dok hemen!...ixa zazpirak dittuk eta sei t’erdixetan esaezkuek urtetzeko ta..
- Ah!... etxakixat nik, hemen ordenak dauazek, ayuntamentukuak esango dabela noiz urten. Ta
halakoren baten etorri jatan bat errekadista modura ayuntamentutik eta juateko plenuetako lekura. Juan
nitzan hara eta han hartu niñuen ba, kristonak esaten!! Bandera españoliakin ez bagenduan urtetzen
ez ebala urtengo kabalgatiak edo Olentzeru horrek esan zesten, ta nik esan netsan:
- Bueno baiña ... neri ze esateztazue, elixiak deittu desta neri ta ni hemen ensaiuetan hille t’erdixan
egon nok eta...
Ta amorrua emon zestan. Bajau nitzan ta han nekazen behian arkuetan danak, larogeixak,
espektatiban eguazen zer pasatzen ete zan ta esan eusten hauxe:
- Ta Ramon, zer egiñ biajuau ba...?
Ta nik erantzun:
- Nik erabagixa hartu juat nik zer egiñ bioten.
Ta juan egiñ nitzan eta bestiek be bardiña egiñ zeben. Horregaitxik bandiak ta Olentzeruak bakarrik
urten eben. Ta gabon hurrengo egunian ugezabak esan zestan:
- Poliziakuetatik zera daok, deixa daok.
Denuntzixa baten telegramia zan. Baiña azkenian konpondu ziran gauzak jefe poliziakua eibartar
batekin ezkondu zanian, orduan historixiori bertan behera geldittu zan.
Ramonen osaba zan Gisasolak “ Koral Eibartarra” sortu eban bere anaia Antonio zuzendari izan
zalarik eta Ramon bera subdirektore. Ramon gerotxuago Koru parrokialian musika asuntuakin hasi zan
eta ondiokan be segitzen dau; honek koruonek badaroiaz bizirik 80 urte inguru. Berak daroian korua