Ikasle helduen ikas- estiloak eta ikas- estrategiak euskararen ...

• H2ren ikaskuntzaren inguruko jarrera (Naiman eta lank. 1978, Gardner, 1972,
1985)
• H2ko hiztunenganako jarrera (Lambert, 1963, Gardner, 1972; Spolsky, 1969).
Adituok korrelazioak daudela adierazi digute, baina ez dago erabateko adostasunik.
Ikerketa batzuetan, esate baterako, H2ko hiztunenganako jarrerak ikaskuntza-formalean
korrelazioa txikia dela ikusi da (Lambert, 1963; Burstall, 1979)
2.6.1.2. Motibazioa
Gardner eta Lambert-entzat (1959) motibazioa eragile erabakigarria da H2ren jabetzean.
Autoreok motibazio sozialaren kontzeptua plazaratu zuten: jarrera-motibazio multzoa,
non biltzen diren H2ren hiztunenganako jarrerak, orientazio integratiboa eta motibazioa.
Motibazioak, bestalde, osagaiok lituzke: H2 ikasteko gogoa, ahalegina eta hizkuntzaikaskuntzarako
jarrera.
Egindako hainbat ikerketetan ikusi denez, H2ren ikaskuntzarako jarrera eta motibazioak
eragin nabarmena dute bere jabetze eta erabileran (Gardner eta Lambert, 1972;
Schumann, 1978; Krashen, 1981; Gardner, 1985; Cenoz eta Valencia, 1996).
2.6.1.3. Antsietatea
Antsietatea, sistema nerbiosoaren estimulazioarekin batera sortzen den sentimendu
subjektiboa da, tentsioa, beldurra, urduritasuna eta kezka biltzen dituena. Antsietatea
liteke hiru modutara aztertu: ezaugarri gisa, jarrera gisa edo egoera jakinetako portaera
gisa. Hizkuntza-ikaskuntzan sortzen den antsietatea desberdindu egin behar da jarrera
gisakoaren aldean. Hizkuntza-ikaskuntzan badira hainbat osagai propio: hizkuntzaikaskuntzarako
usteak, sentimendua eta jarrerak. H2 ez menderatzeak eta H2ko kulturako
arau soziologikoei aurre egiteak antsietate mota berezia eragiten du (Horwitz, 1991).
Antsietate neurri altua ikaskuntzarentzat kaltegarria da (Naiman eta lank. 1975; Tucker
eta lank. 1976; Clément eta lank. 1977; Gardner, 1985; Horwitz eta lank. 1986;
Krashen, 1985, Cenoz eta Valencia, 1996).
2.6.1.4. Erabilera-egoerak
Hizkuntzen erabilera-ohiturak arrazoitu nahi badira, komeni da argitzea eta bereiztea
hizkuntzak non, norekin eta zertarako erabil daitezkeen. Hona hemen laburpen xumea
(Siguan, 2001):
• Familia: subjektuak bere bikotearekin, seme-alabekin, gurasoekin, gainerako
senideekin erabiltzen duen/dituen hizkuntza(k).
• Lagun eta ezagunak: subjektuak lagun eta ezagun bakoitzarekin, nahiz
taldean erabiltzen duen/dituen hizkuntza(k).
• Jarduera profesionala: Subjektuak lanean erabiltzen duen/dituen hizkuntza/k.
Hiru lan-egoera bereiztu beharko lirateke: 1) idatziz eta egoera formaletako
hizkuntza/k 2) lankide, nagusi eta menpekoekin erabilitako ahozko
hizkuntz./k. 3) bezero eta publikoarekin erabilitzako hizkuntza/k
• Harreman funtzionalak: Subjektuak ezezagunekin zein hizkuntzatan hasten
eta segitzen duen elkarrizketa (dendariekin, leihatiletakoekin, kaleko
ezezagunekin...)
95