Ikasle helduen ikas- estiloak eta ikas- estrategiak euskararen ...

88
2.5.5.3. Ikas-estrategien irakaskuntza-ereduak
Pearson eta Dole (1987) izan ziren lehen eredua proposatu zutenak ikas-estrategien
irakaskuntzarako. Beren sekuentzializazioak hauxe proposatzen zuen:
1. Irakaslearen aldetiko estrategiaren azalpena, bere erabilera eta garrantzia
zuzenki argituz
2. Estrategiaren praktika gidatua
3. Ikaslearenganako irakaslearen laguntza estrategien identifikazioan eta
erabilerarako erabakitze-prozesuan
4. Estrategiaren erabilera ez gidatua
5. Estrategiaren aplikazioa ataza berritarako
Oxford eta lank.ek (1990) zazpi urratseko ondoko sekuentzializazioa proposatu zuten:
1. Ikasleei H2ko jarduera bat eginaraztea estrategietan prestakuntzarik gabe.
2. Galdetu eta eztabaidatu nola egin duten eta zerk erraztu dien ataza
3. Ikasleei azaldu eta proposatu bestelako estrategiak, azpimarratuz etekinak.
Galdetu erabiltzen dituzten eta animatu beren ohiko estrategietan ere
eranstea.
4. Ikasleei aukera eta denbora eman jarduera berri batean estrategia berriak
erabiltzeko
5. Azaldu estrategiak beste ataza batzuetara nola transferitu litekezkeen
6. Praktika-aukerak eskaini ataza berrietan estrategiak erabiltzeko eta ikasleei
utzi aukera ditzaten hain gustuko estrategiak
7. Lagundu ikasleei ebaluatzen beren estrategien erabilera eta aurrerapenak,
bere ardura eta garrantzia goraipatuz.
Chamot eta O’Malley-k (1994) lau urratseko ondoko sekuentzializazio proposatu zuten:
1. Plangintza: hizkuntza ataza aurkeztu ikasleei eta antola dezatela zein
estrategia/k erabiliko duten/dituzten.
2. Monitorizazioa: atazari ekiten dioten bitartean, jabetu daitezela zein
estrategia ari diren erabiltzen.
3. Arazo-ebazpena: zailtasunak topatzen dituztenean, bila dezatela irtenbidea.
4. Ebaluazioa: ebaluatu dezatela erabili nahi izandako eta erabilitako
estrategien eraginkortasuna, performantziarekin konpara dezatela eta esan
dezatela ea nola aplika daitezkeen beste ataza batzuetara honetarako
erabilitako estrategiak.