Ikasle helduen ikas- estiloak eta ikas- estrategiak euskararen ...

80
2.5.3.5. Ikas-estrategien ezaugarriak
H2 ikasteko ikas-estrategia guztien ezaugarri batzuk azpimarratu nahi dira, Wenden-en
(1991) ikuspegitik:
1. Ikas-estrategia mota batzuk behatu litezke, beste batzuk, ostera, ez. Estrategiaren
oinarrian dagoen adimen-prozesuak kanpoko jokaera baten bidez agertzen bada
(adibidez, hiztegian hitz bat bilatzea), badago behatzea ikaslea estrategia jakin
bat erabiltzen ari den edo ez. Beste zenbaitetan, nekez jakin liteke hori (adibidez,
inferentzia erabiltzea), ikasleari galdetuz eta sinestuz ez bada.
2. Ikas-estrategia metakognitiboak, kognitiboak eta sozio-afektiboak jakinaren
gainean jar ditzake martxan ikasleak. Sarritan automatizatu ere egin daitezke, eta
horretara ailegatzean, ikaslea ez da jabetzen bere jarreraz.
3. Ikas-estrategiak, aldatu egin daitezke: berriak ikasi, lagungarriak ez direnak
baztertu, norberaren estilora egokitu, e.a. Hala ere, aldaketok denbora luzea
behar dute, baita ahalegin ugari ere.
4. Ikas-estrategiak arazoei aurre egiteko moduak dira, ikaslearen esku daudenak.
5. O’Malley eta Chamot-ek (1990) bereizi egiten dituzte ikas-estrategiak eta
komunikazio-estrategiak. Ikas-estrategien helburua H2 ikastea da, komunikazioestrategien
helburua, H2ko hiztun batekin komunikatzea da.