Ikasle helduen ikas- estiloak eta ikas- estrategiak euskararen ...

9. Itzultzea (translation) eta H1ekin edo beste hizkuntza ezagun batekin
konparatzea: itzuli edo hizkuntza arteko konparazio esanguratsuak egitea;
H1ean edo beste H2ren bat ikasten lortutako gaitasunaz baliatzea xedehizkuntzaren
sistema eta funtzionamendua ulertzeko.
10. Parafrasiak egitea: hiztegi-falta parafrasi baten bitartez betetzea;
solaskideak ulertzen ez badu, beste hitz edo esaldi batzuk hartu eta horrela
burutzea komunikazio-ekintza.
11. Lanketa (elaboration): elementu berriak eta lehendik dakizkigunak elkarri
lotzea; hizkuntzen arteko loturak egitea (xede-hizkuntzaren baitan);
komunikazio-ekintzan, hizkuntza sarreraren elementuez ohartu eta ikasitako
elementuak aurretik ikasi edo lortutakoekin elkartzea (analogiak egitea,
testuinguratzea, informazio berriak oroimeneko kontzeptuekin lotzea, etab.).
12. Laburbiltzea (summerization): arau edo ataza batean agertzen den
informazio bat buruan edo idatziz laburbiltzea.
C. Estrategia sozio-afektiboak. Berezko hiztunekin edo ikaskideekin
elkarreragina sortzen denean, jarduerak berekin daraman alderdi afektiboa
kudeatu eta kontrolatzeko estrategiak lirateke. Oxford-ek (1990) proposatutako
zerrendan ageri diren hainbat estrategia ez dira frogatu H2 ikastearekin
zerikusirik ba ote duten.
1. Gauzak argitzea/egiaztatzea (questioning for clarification): solaskideari
errepikatzeko eskatzea, irakasleari edo berezko hiztun bati argibideak,
esplikazioak edo birformulazioak eskatzea.
2. Lankidetza (cooperation): besterekin batean lanean aritzea atazaren bat
burutzeko edo ikaskuntzako arazoren bati irtenbide emateko; hiztun gaitu
bati iritziak eskatzea norberaren performantziari edo ikaskuntzari buruz.
3. Emozioen kudeaketa eta urduritasuna gutxitzea (self-reinforcemente/selftalk).
H2 ikastearen inguruko alderdi afektiboaren jakinaren gainean egotea;
bere buruarekin hitz egitea ikaskuntzako atazek edo komunikazio-ekintzek
dakarten estresa gutxitzeko; motibazioa eta norbere buruarekiko konfidantza
handituko duten teknikak erabiltzea; norbera adoretu edo saritzea; okerrak
egiteari eta arriskuan jartzeari beldurrik ez izatea.
79
(Iturria: Cyr, P. 2000: 41-53)