Ikasle helduen ikas- estiloak eta ikas- estrategiak euskararen ...

72
2.5.3.2. O´Malley eta Chamot-en tipologia
O’Malley eta Chamot-ek 1980ko urteetan ikas-estrategiei buruzko ikerketa sakona
burutu zuten. Horien helburua, psikologia kognitiboan eta H2en ikaskuntzan bildutako
ezagutzetatik hasita, oinarri teoriko batera iristea izan da. Batez ere psikologian eta
hezkuntzan burutu diren ikerketetan oinarrituz, O’Malley eta lankideek (1985a,b)
plazaratu zuten H2rako ikas-estrategiak hiru multzo handitan bildu daitezkeela: ikasestrategia
metakognitiboak, kognitiboak eta sozio-afektiboak. O’Malley eta Chamot-ek
(1990) proposatutako tipologian, aurrez beste autore batzuk proposatutako tipologia
baino zorrotzagoa da. Hona hemen aditu hauen sailkapena:
2.5. taula: ikas-estrategien O´Malley eta Chamot-en tipologia
Estrategia metakognitiboak
Estrategia metakognitiboen barnean aurkituko dituzu: ikas-prozesuari buruzko
gogoeta bat, ikasteko prestakuntza, ikas-ekintzen kontrola (monitoring) eta
autoebaluazioa.
1. Aurre hartzea edo plangintza (planning)
2. Arreta orokorra (directed attention)
3. Arreta berezitua (selective attention)
4. Autogestioa (self-management)
5. Autorregulazioa (self-monitoring)
6. Arazoen identifikatzea (problem identification)
7. Autoebaluazioa (self-evaluation)
Estrategia kognitiboak
Ikasten ari garen gaiarekiko elkarreragina esan nahi du estrategia kognitiboak,
gai horren manipulazioa adimenezkoa edo eskuzkoa eta ikas-ataza bat burutzeko
teknika berezi batzuk erabiltzea.
1. Errepika (repetition)
2. Iturriak baliatzea (resourcing)
3. Sailkatu edo biltzea (grouping)
4. Oharrak hartzea (note taking)
5. Dedukzioa edo indukzioa (deduction/induction)
6. Ordezkapena (substitution)
7. Lanketa (elaboration)
8. Laburbildura (summerization)
9. Itzulpena (translation)
10. Ezagutzen transferra (transfert)
11. Inferentzia (inferencing)