Ikasle helduen ikas- estiloak eta ikas- estrategiak euskararen ...

70
2.5.3.Tipologiak
2.5.3.1. Rubin-en tipologia
Rubin-ek (1989) hiru ekintza-modutan oinarritutako sailkapena proposatu zuen:
ikasleak H2 ulertzeko, oroimenean txertatzeko eta berrerabiltzeko ekintza-modutan hain
zuzen. Hona hemen bere sailkapenaren laburpena:
2.4. taula: ikas-estrategien Rubin-en tipologia
Ulerkuntza-prozesua
1. Argitu edo egiaztatzeko estrategiak
• Hizkuntza bateko gramatika edo fonologia ulertu dela egiaztatzeko
eskatzea
• Norberaren ahozko ekoizpena onesteko eskatzea
• Komunikazio-arauak argitzeko edo ulertu direla egiaztatzeko
eskatzea
• Hitz, kontzeptu edo gramatikako puntu baten esanahia ulertzen
saiatzea erreferentziako obrak erabiliz
• Errepikatzeko, parafrasiak, azalpena edo adibideak eskatzea
• Irakaslearen edo berezko hiztunaren ahora begiratzea norberaren
ahoskera lantzeko
•
2. Asmatu edo inferitzeko estrategiak
• H1 edo beste hizkuntzaren bat erabiltzea esanahia inferitzeko
• Munduari, kulturari edo komunikazio-prozesuari buruzko aurreko
ezagutzak baliatzea komunikazio-ekintza baten nondik norakoak
edo prozesua inferitzeko
• Informazio berriak ekintza fisikoei lotzea
• Hitz gakoak erabiltzea esanahiari buruzko inferentziak egiteko
• Esanahia mugatzeko arrasto pertinenteak eta lekuz kanpokoak
bereiztea
3. Arrazonamendu-estrategia deduktiboak
• Hitzak sortzeko edota arauak eraikitzeko analogietatik inferitzea
• Arauak eta salbuespenak bilatzea
• Hizkuntza sistema gisa ulerturik, bere sintesia egitea
• Aurretiko ezagutzetan oinarritzea hitzen esanahia atzemateko
4. Estrategia berreraikitzaileak
• Erreferentziazko obretarako jotzea: hiztegi, glosategi, esku-liburu...